الموضوع: انا اشتريت سيراتو 2010

المشاركة الأصلية كتبت بواسطة ebrahim portsa

وياريت أبوليلي يعمل لنا جروب علي الفيس يكون هو الادن بتاعه

اشكرك على الثقة ولكن فكرة جروب على الفيس صعبة لان مميزات المنتدى اكبر بكتير
هنا لو هعملت بحث عن اى موضوع خاص بسيارات كيا هتلاقيه وده غير موجود فى الفيس .
الفيس متحكم فيه شخص واحد وهو الادمن يعنى بيملك شى غير ملكه من موضوعات ومناقشات وبيتحكم فيه بضغطة زرار كل شى راح .
الفيس فكرته الاساسية شخصيا واجتماعيا ولكن هنا التخصص فى العربيات ...
دى وجهة نظرى اللى اتمنى تكون مقبولة وتحياتى لك وعذرا لصاحب الموضوع

المشاركة الأصلية كتبت بواسطة romio2000

شكرا ابو ليلى على الرد الوافى
السعر 101500 فابريكة بالكامل ما عدا رفرف خلفى شمال معمول فى التوكيل الاستبن لم يستخدم جنوط 16 طارة مالتى حساسات ركن جهاز انذار متركب فى التوكيل
اخر صيانة كان عاملها صاحبها سبتمبر 2013 وكان مغير فلتر هواء وفلتر زيت وزيت وكان عاملها عند 27700 كيلو وهما كاتبين القادم عند 32000 كيلو هى دلوقتى 31150 كيلو
بالنسبة لموضوع الفرامل انا لسه معرفش إذا كانت الدواسة كهربا ولا لأ

المشاركة الأصلية كتبت بواسطة romio2000

انا اسف ابو ليلى بس حضرتك سألتنى شوية اسئلة انا رديت عليهم فى الصفحة الأولى ومنتظر رد سعادتك

يانهار ابيض عليا ...
اللى تم فى الصيانة دى بيكون على 10 او 30 الف ك لان صيانة ال20 بيكون معاها بوجيهات يبقى اللى اتعمل صيانة ال 30 الفردية
والمفروض اللى جايا تكون صيانة ال 40 الف ..طيب
الزيت بيكون 10 الاف ك معقول عاوز ينزله تانى بعد 4 الاف ك بس !!!؟
يبقى التفسير زى ما وضحت لحضرتك هو بيعمل الصيانة على حسب الزمن والحسبة دى بتقول من سبتمبر 2013 الى ابريل 2014 يعنى 8 شهور .
وده بداية الحد الاقصى للزيت علشان كده قاله تعالى بعد 4 الاف كيلو تعمل الصيانة ....
طيب ياعم ابوليلى انت كده لخبطت الراجل يعمل ايه يعنى ؟ حاضر اصبر بس هقول اهو

حضرتك هتمشى على نفس النظام لحد ما ترجعها تانى لاصلها الصيانة تكون يالكيلو مش بالوقت يعنى حضرتك هتروح الصيانة
اللى جاية وانت 32 الف هتعمل صيانة ال 40 وهيغير فيها الاتى :
زيت + فلتر زيت + بوجيهات
تغير زيت فتيس
تغير فلتر بنزين
تغير فلتر هواء ( قله غيرته الصيانة اللى فاتت )
تغير زيت فرامل
تغير زيت باور
تغير فلتر تكيف (حسب الحالة)
تغير مياه التبريد

اتمنى انى اكون قدرت اوصلك وجهة نظرى