الموضوع: مشكلة حصلتلى فى النوبيرا للافادة

من كام يوم وانا رايح الشغل بتاعى لقيت العربيه بتقطع تقطيعه غريبه عملتها كام مره واتعدلت لوحدها وبعدها بشويه التقطيع بقى مستمر وفضل لغاية ما العربيه بطلت لوحدها ووقفت شكيت فى طرمبة البنزين لقيتها سليمه وضغطها كويس فشكيت فى الموبيه قعدت ابص فى الموتور لقيته غرقان زيت من جوان غطاء التاكيهات فكلمت الميكانيكى وجالى غيرنا البوجيهات والسلوك ونشفنا الزيت من فتحات البوجيهات لغاية ما نروح الورشه ونغير الجوان العربيه دارت الحمد لله بس تقطيع مستمر والشكمان كان المفروض يطلع دخنه لغاية ما الزيت يخرج من على وش البساتم مفيش اى حاجه بتطلع من الشكمان مشينا بيها خطوتين لقينا دخان كتير جدا طالع من الكونسوله اللى بي الكرسيين نزلنا تحت العربيه لقينا نار مسكت فى الكاوتش اللى شايل الشكمان بسبب زيادة سخونية الشكمان لان علبة البيئة اتكتمت والعادم مكنش بيخرج من الشكمان ولاد الحلال وقفوا وطفينا العربيه وشيلناها على ونش لغاية الورشه غيرنا الجوان وظبطنا وكله تمام بندور العربيه لقيناها شغاله 2 بوجيه بدل 4 شكينا فى الموبينه جربنا كذا وحده والنتيجه زى ما هى غيرنا حساس الكرنك ومفيش اى تغيير مكنش فاضل غير الضفيره او الكنترول جبنا كنترول من عربيه نوبيرا مصرى وركبناه واشتغلت زى الفل كده اتاكدنا من ان الكنترول هو اللى باظ جربنا كذا كنترول تانى مشتغلش لانهم متكودين جربت اصلحه عند واحد عندنا فى بنها معرفش يعمله المهم نزلت الحرفيين عند مركز المعادى فى بلوك 22 صاحبه اسمه الهامى مصطفى والحمد لله صلح الكنترول بتاعى بانه غير ال IC بتاع الموبينه واتكلف 300 جنيه فى نص ساعه وقالى اغير الموبينه لانها اللى بوظت الكنترول لان البوجيهات لما دخل عليها زيت ردت الكهرباء للموبينه ومنها للكنترول فاتحرق وجبتها ب 570 الاصلى ال GM والحمد لله العربيه بقت كويسه ولغيت علبة البيئة بعمل ماسوره داخليه بعد تفضية الفحم منها

التكاليف:
1- ونش 200
2- زيت valvoline engine armor 20-50 ب 180
3- بوجيهات 55
4- سلوك بوجيهات 60
5- فلتر زيت 25
6- جوان غطاء تاكيهات اصلى 40
7- انبوبة سيليكون 15
8- اصلاح كنترول 300
9- موبينه اصلى 570
10- مصنعية 250
11- الغاء علبة البيئة 100
12- كاوتش شكمان ومسامير 20

الاجمالى: 1815

الحمد لله على كل شئ انا حبيت اضيف الموضوع للافادة

المشاركة الأصلية كتبت بواسطة mohfud

حضرت صلحت الكونترول ب 300 جنية وهو ثمنة استيراد ب 300 جنية بس بتاع اللانوس معرفش النوبيرا بكام بس اعتقد الفرق بسيط كنت غيرتة احسن

انا فعلا رحت واشتريت كذا واحد ولا واحد فيهم اشتغل لانهم اوروبى وعربيتى مصرى ومعمول عليهم lock بحيث ميشتغلوش غير على العربيه اللى ازله فيهم وعلششان افك ال lockهيكلفنى حوالى 150 جنيه غير 500 جنيه تمن الكنترول علشان كده صلحته