انشتمت وانت سايق ومش غلطان ..تعمل إيه؟

**محمد أنور** · 18-10-2008 01:20 AM

بصراحة انا كشاب و لو حصل معايا الموقف ده لوحدي كنت سكت و فضلت ماشي وراهم لغاية م الاقي فرصة اقوم ملبسهم فحاجة و شاتمهم و اطير بالعربية عشان محدش يقدر يجبني تاني ( كدة انا اخدت حقي) لكن لو معايا صحابي هكسر عليهم و ننزل نتخانق ..
خلي بالك .. لو لواحدك خاف على نفسك .. لكن لو انت مع جماعة اعمل اللي انت عاوزه

**دموع الثلج** · 20-10-2008 12:45 PM

انا لسسسسسا مشتومه امبارح طاااااااااازه من عربجى :k30:

مش عارفه اقولكم ايه والله

داخله نفق الهرم وقبل مدخل النفق مفيش 50 متر فى الجزيره الوسطى عاملين سور حديد عشان محدش يعدى

الناس بقى كاسرين كم حديده من السور ده وبيعدوا والحته دى صعبه

كنت ماسكه اقصى الشمال وماشيه 60 وفجاءه بدون مقدمات لقيت عربيه كارو بيجرها حصان وراكب على العربيه شحطين بيعدوا من الجزيره الوسطى لاتجاه اليمين
اول ما لمحته اديته كلاكس عشان يوقف الحصان اللى كان نزل للطريق وباقى الكارو فوق الرصيف
الحصان خايف وحاسه انه هيزحلق من الاسفلت

مفيش مجال افرمل اللى ورايا هيخبطنى ومفيش مجال افرم الحصان هموت فيها

حطيت ايدى على الكلاكس ولا حياه لمن تنادى العربجى ضرب الحصان وخلاه يمشى وانا طبعا ضربت اقصى فرامل وايدى على الكلاكس فرصه انزل كنت العجيب بقى لما خلاص وصل ناحيه اليمين
بداء يشتم كل الشتايم اللى القذره
بيقولى خلاص ما تمشى يا بنت ال وال وال

حرق لى دمى مكنش ينفع اجى ناحيه اليمين اولع فيه هو والعربجى اللى معاه

ولولا ستر الله كانت اللى ورايا جرانج شيروكى فكانت الرؤيه واضحه وشايف راح مفرمل جامد ومخبطنيش وبعد ما مشيوا جاه جمبى واتاسف لى وقالى معلش امشى وسبيك منهم :k30:

**kimo-nubira** · 20-10-2008 01:12 PM

انا بقى لو اتشتمت اقسم بالله انى اول مابطلع قدامه بماشيه وريا على سرعه 5 ك.م
ولو ربنا راضي عنه بمشيه على 20 ك.م :D:D:D ولو حب يطلع منى بزنق عليه
لحد ما انا اقوم مره واحده طالع اجري وسايبه :D:D:D

**ahmed76** · 20-10-2008 02:26 PM

للاسف احنا نعيش قانون البلطجة
وعلى حسب الموقف لازم تتصرف
حاول ان لا تخرج عن شعورك
انا كنت بتنرفز وحاولت ابقى بارد لكن مش عارف
فيه مواقف بتخرجك عن شعورك

اولا :
لو معاك حد من اهلك اسكت وامشى حتى لا يتحول الموضوع لكارثة
لانك لا تستطيع تربية شخص بلطجى

ثانيا:
بالنسبة لسواقين الميكروباص تعامل معهم كالاتى
اكتب النمرة بسرعة على الموبايل لتضمن الوصول اليه فى حالة حدوث كارثه
ثم تعامل بقوه وثقة واركن ووانزل وزعق فى وسط الشارع هايفتكرك ضابط او وكيل نيابة وهيخاف والله لانه لو راح قسم هايتبهدل
بس يكون شارع عمومى ماتقفليش فى حته مقطوعه وتنزل يقوم ضاربك بحاجة ويجرى

**Qamar** · 21-10-2008 08:24 AM

نصيحة حاول تتمكن منه( تطلع قدامه مثلا بحيث تقدر توقفه) ثم تتركه. لو علمت جزاء العفو عند القدرة لهان عليك كل شيء.
يا ريت نتعلم ( وانا منكم) نعامل رب العباد قبل ما نفكر في العباد.

**M.Gamaledeen** · 21-10-2008 09:08 AM

على فكرة ...
أحسن طريقة هي التجاهل:angelsad2:
إعمل كأنك مش سامع حاجة :bigear:... بص الناحية التانية مثلا ... وياسلام لو الإزاز كهربا
ترفع الإزاز في وشه وهو بيتكلم وتسيبة وتمشي
وده لسبب بسيط جدا
إن الناس دلوقت عندها كبت . وماشية في الشارع بتكلم نفسها :k46:وممكن تنفجر في أي حد ف بلاش الحد ده يكون إنت
ده غير إن سواقين الدبابات (الميكروباصات) هايتلموا عليك زي "الدبان"بيحبوا يخدموا بعض في الحاجات دي - زمل بقى:k28:
ولوعشت عليهم دور الظابط وماسبكتوش وإتقفشت !!!! يبقى شكرا:k37:

:k48: تحياتي ....