انشتمت وانت سايق ومش غلطان ..تعمل إيه؟

**derfo** · 04-10-2008 08:02 PM

النهارده وانا باعدي احد المزلقانات الغبية اللي بتلعب العربية واللي راكبها على الشناكل لقيت صوت شوية متشردبن ورايا على موتوسيكل "اطلع يااسطى وبعدين يللا يابني ..يللا يا ....وبدأوا شتيمة وقباحة ..انا كل الموضوع اني باعدي المزلقان بدون بطء بس على المعقول...طبعا الدم غلى في عروقي وهديت لغاية مايعدوا على شمالي ولقيتني برد فعل تلقائي باميل عليهم بالعربية متعمد اني اوقعهم من على الموتوسيكل وبدات في الزعيق والشتيمة...كانوا تلاتة من بنوع افلام صلاح ابوسيف لما يحب يجيب نماذج التشرد وعدم التربية والضياع..مورغم اني فعلا خبطتهم اتنين اتسحبوا ولقيت واحد عامل فيها عم الشبيح وبيولي انزلي يا اسطى عايزك قلت له انزل لمين يالا وبكل هدوء قفلت الباب ومشيت ولقيته هوه كمان سحب نفسه ومشي"...الخلاصة الواحد يعمل ايه لما يتشتم في البلد دي وهوه مش غلطان ولو حصلت مع حد ياريت يفيدنا...بجد....بلد تخنق.لما حكيت لاصحابي قالولي دول تلاتة والكترة تغلب الشجاعة والمعظم كان وصيته اني اطنش بعد كده. طيب اطنش واصرف فلوسي بعد كده على الدكاترة ضغط وسكر ومش بعيد اكتئاب.اللي عند حل ياربت ..ياريت يقولي..

**ahmedsamir79** · 04-10-2008 08:09 PM

أنا حرد عليه الشتيمه و حلاص

**himaz** · 04-10-2008 09:00 PM

انا لسه حصلى موقف شبه ده بس انا كنت ماشى عادى جدا على كوبرى الجامعة المهم لئيت قدامى موتيسيكل علايه ٣ عيال متشردة ماشيين قدامى بس عمالين يلعبوا.

يبجوا يمين فطبيعى اننى جيت على الشمال عشان اطلع منهم عادى بسرعة عادية يعنى الاقيهم بمنتهى السخافة والغباء يرجعوا فى كلامهم ورجعوا شمال تانى بالرغم انى قبل مدخل مقلب نور عشان كنت شاكك فيهم

المهم طلعت من عل يمينهم ومتضايق اوى وزعقتلهم وبكل بجاحة يردوا عليا اكنى انا الغلطان :K13:

فكرت فعلا ازنق عليهم بس الحمد لله انى معملتش حاجة الناس دى متتسهلشى تنرفذ نفسك خليك بارد

احلى حاجة فى الدنيا نفض ولا اكنو موجود صدقنى ده الحل الوحيد لان ببساطة انا بتكعبل فى الصنف ده كل يوم

هدوء الاعصاب بجد نعمة كبيرة حاول تعود نفسك عليها

وربنا يهدى الجميع

**boty50** · 04-10-2008 09:20 PM

عزيزي
كنت باعمل زيك لحد مافكرت يوم ان ممكن جدا ان
يكون السائق المتشرد ده شارب حاجه او مبلبع حاجه
لان الم،ض،ع ده منتشر جدا دلوقت وممكن في غياب
الوعي ده تكون النتيجه كارثه

**1.8Tee** · 04-10-2008 09:31 PM

المرة الجاية حاول تخبطهم و توقعهم من الموتوسيكل .

**sherif Anton** · 04-10-2008 10:02 PM

خليك بارد وهادي جدا وكمل عبور المزلقان بالطريقة اللي تريحك ولا كأنك سامع حاجه ... بالطريقة دي هتفرسهم اكتر

**HOSAMSAMSOON** · 04-10-2008 10:22 PM

خليك هادى وبارد و افتكر انك لمل بترد عليهم انتا بتنذل لمستواهم وانتا فى الاخر الخسران

**PASST2000** · 04-10-2008 10:41 PM

اعمل عبيط لو وقعت واحد منهم و مات يتحسب عليك باني ادم

**sasatony** · 04-10-2008 11:36 PM

يعمي قول في سرك ربنا يسامحك
وامشي براحتك برده
والله انا متعلم السواقة جديد وبشوف حاجات تكفر الواحد بس بقول طالما مجاش جمبي خلاص سيبه
من الاخر انا لما بسوق ببقي سايق في عالم تاني منفض للناس الي حواليا الي عاوز يعدي يعدي هو

الموضوع: انشتمت وانت سايق ومش غلطان ..تعمل إيه؟

LinkBack

أدوات الموضوع

عرض

انشتمت وانت سايق ومش غلطان ..تعمل إيه؟ - انشر الموضوع فى :

-

-

-

-

المواضيع المتشابهه

بتشتم وانت سايق

تعمل ايه لو لقيت صرصار في العربية وانت سايق؟

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

بتسمع ايه وانت سايق

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة