تحذير من الشيبسى (حشرات بداخل الكيس)

**YahiaAshraf** · 28-03-2014 11:08 PM

السلام عليكم

طبعا كلنا متابعين اطعمة شيبسى الجديدة من دول مختلفة فنزلت و اشتريت طعم الصلصة اليابانية الحجم الكبير

وبعد ما لهفت نص الكيس مسكت واحدة شيبسى ولسه يدوب هكلها لاقيت كائن غريب لازق فى الشيبسى انا مش عارف اسمه بس هى شبه البورص و صغيرة أوى بصراحه نفسى اتسدت ورميت الكيس كله

للعلم دى مش أول مره تحصل معايا قبل كده حصلت معايا فى شيبسى بالجبنة الحجم الجامبو وكانت حشرة سودا مش عارف اسمها ايه و برده رميت الكيس و من ساعة اخر موقف حصل معايا حلفت انى ما اشترى شيبسى تانى وربنا يسترها علينا

**starlanos** · 28-03-2014 11:14 PM

انا بقي حصلت معايا في فانتا برتقال لقيت صرصار بس الحمد لله مكنتش لسه فتحتها

**prof2013** · 29-03-2014 12:48 AM

نسمع كثيرا عن خطورة ادمان الخمر والمخدرات
ولكن هناك ما هو اخطر الا وهو الشيبسي والبيبسي سبحان الله على وزن واحد
فأنا كنت احد مدمني البيبسي الا ان من الله عليا بتركها بعد العزيمه والاصرار على البعد عنها
ولكن ما زلت اتناول الشيبسي
عقبالها هي كمان

**wahba87** · 29-03-2014 09:26 AM

يا ريتك كنت صورتها

**moody_687** · 29-03-2014 09:32 AM

ياجماعة ف افريقيا والبلاد المتحضرة بياكلوا الحشرات عادي احنا بس شعب فافي شوية ومعدته نضيفة
وربنا وربنا لو حصل الموضوع ده برة كان زمانه اترفع بيه قضية وتعويض بالملايين وبما ان صاحب الموضوع واحد من الشعب المصري العظيم فلو عمل ايه باللذي مش هيعرف يعمل حاجة مع بتوع الشيبسي لكن برة مصر الدنيا تقوم وتحط ع الشركة

**محمود سامح** · 29-03-2014 09:41 AM

لا حول ولا قوة إلا بالله لمن نشكى الا لك يا الله

**kayson** · 29-03-2014 09:59 AM

فى اليابان فى اطعمة مكونتها من الحشرات فاكيد طعم الصلصة اليابانية حبوا يعيشوك فى جو اليابان بزيادة ههههههههههههههههههههههههه

**a7medsh3rawi** · 29-03-2014 10:00 AM

عايزين صور لكل اللى حاجه من دى علشان لما نعمل شكوى يكون معانا اللى يثبت حقنا

**starlanos** · 29-03-2014 10:06 AM

لاء الاجمد
من فتره دخلت سوبر ماركت كبير في السيدة اسمه الونش ثلاجة السجق واللحوم الاقي ايه خير الاقي صراصير في الحروف من جوا اقول للبائع يقولي هنبقي نغسله زعقت في المحل لقيت واحد جه وقله فضيها واغسلها
من ساعتها مرحتش هناك تاني