-
دواسة بنزين اللوجان
السلام عليكم ورحمة الله
يا جماعه ارجوكم انا تعبت والله من كتر التفكير بعد ما اخدت القرار بانى اشترى لوجان شفت على المنتدى فيديو خطير عن دواسه بنزين اللوجان انها بتتأخر او بتعلق ودى كارثه طبعا بيقولو دى عيوب تصنيع وناس تانيه بتقول ابدا دى عربيه ممتازة اعمل ايه اسيبنى منها خالص واشوف الفيرنا اوتوماتيك وخلاص ارجو الافاده من فضلكم
-
باشا الفيديو ده موجود من 2011 تقريبا و الراجل فعلا بيهرج و ممكن تكون الدواسة الكاوتش اللي عاملة التأخير ده
انا معايا ال2012 اوتو و والدي معاه ال2010 مانيوال يعني اللوجان معانا من 4 سنين و بنسافر و بنروح و بنيجي و ما شاء الله مفيهاش المشاكل دي و لو كان فيها حاجة عنيفة او خطر مكنتش اشتريت الاوتو بتاعتها
-
بس ياباشا الفيديو ده عبارة عن مقارنة بين اللوجان والساجا اللى هما ملاك الساجا (بروتون) دايما حاطين اللوجان في دماغهم ياعم عربيتك حلوة و أنا كمان عربيتى حلوة اللى بيقارن بعد الشراء بيبقى لعدة أسباب ممكن يكون عدم أقتناعه بالمنتج اللى هو جابه فبالتالى يطلع أي حاجة في المنتج المنافس اللى هو شايف أنه منافس علشان يصبر نفسه و علشان لما حد يسأله ويقولله ما جبتش دى ليه يقولله أه علشان العيب بتاعة دواسة البنزين دى عربية فاشلة (على اللوجان يعنى) و هو زى ما قال الأستاذ جبريل تلاقيه حاطط دواسة تخينة في أرضية العربية بتعوق طلوع ونزول الدواسة في أحيان كثيرة الدواسة فيها زنة بسيطة و بتروح مع الوقت لكن الكلام اللى في الفيديو ده مش موجود خالص
-
شكرا
شكراً لاهتمامكم جدا يا جماعه انا حتوكل على الله واشترى ان شاء الله وربنا يوفقنى على العثور على عربيه لوجان مناسبه
بس عايز اعرف ايه العربيه البروتون دى وهى افضل وللا لوجان اسف للاطاله بس انا معنديش فكرة خالص عن البروتون دى
-
خش على قسم البروتون حيفيدوك هناك لكن نصيحة العربية ممتازة بس الجين2 والبيرسونا بس أنما الساجا لأ مش اللى هي و نصيحة عامة أبعد عنها توكيلها زى أمنا الغولة حتحلم به بالليل
-
البروتون كعربية كويسة (الجين2 و البيرسونا) اما الساجا مع صاجبي و معاه في التوكيل من وقت للثاني العربية فيها مشكلة في كامة من كامتين الموتور و غير كوستبنات الموتور بتاع 3 او 4 مرات و سربنتينة التكييف اتخرمت مرتين بدون اي سبب و غير طنابير في الضمان و مانفولد كل ده و العربية موديل 2010 و صيانتها كلها في عز العرب اللي هو توكيل سئ بكل ما تحمل الكلمة من معنى
Content Relevant URLs by
vBSEO 3.6.0 PL2