حلال أم حرام

**magdy_c_c** · 29-03-2014 12:16 AM

حلال أم حرام ؟

طبعا ً كلنا عاوزين نشترى سيارات حديثة و فى بعضنا عاوز يشترى سيارات مستعملة و معظمنا أكيد عاوز يشترى بالتقسيط .
احنا طبعا ً كلنا سمعنا عن نظام التقسيط من شركة كونتاكت كارز،
و هى فيها ميزة الحقيقة انها بتقسط الجديد و المستعمل كمان و يوجد فيها برامج متعددة للتقسيط
ولكن هو فى جزئية صغيرة أن نظام البيع بالتقسيط فى كونتاكت كارز فيه شبهة الحرام ليييييه؟؟
لأن الشركة لا تمتلك السيارة بالفعل و حتى بعد بيعها إلى الشركة من البائع لا تنتقل السيارة إلى مقر الشركة على الإطلاق و كل الذى يتم هو عمل عقد بيع ابتدائى من البائع إلى إدارة كونتاكت كارز و بعد ذلك تقوم الشركة بدفع ثمن السيارة بالكامل إلى البائع بعد دفع المقدم من خلال المشترى ( من خلال عمل إجراءات التقسيط ) .
وهذا بالتأكيد فيه شبهة كبيرة لأن الشركة فى هذه الحالة تبيع ما ليس عندها و طبعا ً كلنا عارفين حديث رسول الله " لا تبع ما ليس عندك "
كنت أتمنى من إدارة الشركة أن تقوم بشراء السيارة بالفعل من البائع و نقل ملكيتها للشركة مباشرة
( أى أن السيارة لابد أن تتواجد فى حيازة الشركة بالفعل )
ثم بعد ذلك تقوم ببيعها مرة أخرى إلى المشترى الجديد بالسعر المؤجل المتفق عليه ، وهذا ليس فيه شبهة بدلا ً من دفع قيمة السيارة إلى البائع و السيارة نفسها محل الشراء ليست موجودة ،
و بعدين يبقى ايه لزمة انى اشترى سيارة بالتقسيط بفايدة 10.6 % فى السنة الواحدة من كونتاكت غير 2% مصارف إدارية من ثمن السيارة الكلى بحد أدنى 1000 جنيه و بحد أقصى 5000 جنيه ده غير مصاريف الاستعلام من 100 جنيه إلى 250 جنيه فى بعض المحافظات و بعد ده كله باردوا البيع فيه شبهة حرام كبيرة ،
طيب ما أنا أوفر ده كله بقى و اشترى من بنك ناصر الاجتماعى بفايدة 6% فقط و لا استعلام ولا مصاريف إدارية و لا تأمين ولا دياولو
شبهة بشبهة بقى !!!
و كله حراااااااااااااام
يا اخواننا الأصل فى البيع أن السلعة لااااااااااااااااابد و حتما ً تكون فى ملكية و حيازة البااااااائع و يتم دفع الثمن الكلى للسيارة إلى البائع من خلال المشترى الذى اختار هذه السيارة فاذا كان البيع كاش ليس فيه أدنى مشكلة
و لكن المعضلة الكبيرة ان احنا كلنا ليس معنا ثمن السيارة بالكامل و نضطر لشرائها بالتقسيط ، و طبعا ً كل الشركات اللى بتقسط هى عبارة عن برامج تمويييييييييييييييييييل بفايدة بنكية متراكمة و اتحدى أى حد يفتى ان ده حلال شرعا ً !!
تخيلوا بقى ان الحلال هو التقسيط المباشر لصاحب السيارة المباعة وده غالبا ً ما بيحبش التقسيط و بيروح يبيعها لأحد المعارض كاش ، ثم يتولى المعرض بعد ذلك بيعها بالتقسيط ،
تعالوا بقى نشوف التقسيط المباشر اللى فى المعارض ( علشان نتغلب على الشبهة و ناخد العربية اللى عاجبانا من المعرض و ندفع الفلوس باردوا فى المعرض شوف الفايدة كاااااام ؟؟؟؟
اللى يقول لك الجنيه ب 70 قرش و اللى يقول لك الجنيه بجنيه حاجة يعنى مش عارف أقول ايه؟؟؟؟
ففى النهاية انت أمام أحد أمرين

الأول :

التقسيط البنكى أو من خلال الشركات اللى هو باردوا تقسيط بنكى ( برامج تمويل و ان اختلفت المسميات حتى الاسلامى منها اللى بيزود الفايدة إلى حوالى 12 % فى السنة !!! ) وده حرااااااااام بدون نقاش لأن السلعة محل البيع ليست فى حيازة و لا ملكية البائع أصلا ً وهو فى هذه الحالة الشركة أو البنك !

الثانى :

انى مضطر اعمل تقسيط مباشر مع المعرض و ده باردوا فيه حالتين :

الحالة الأولى :

أن تكون السيارة موجودة فقط بالمعرض يعنى لا تكون مملوكة لصاحب المعرض
( معروضة فقط ) و عند البيع بالتقسيط يأتى صاحب السيارة الأصلى و ياخد الفلوس كاملة من صاحب المعرض و بعد ذلك يشتريها المشترى الجديد من المعرض بالتقسيط المباشر ( مع ملاحظة ان السيارة ما زالت مملوكة للبائع و عجبى ! ) و المعرض بياخد عمولة من البائع ومن المشترى الجديد بالاضافة إلى الفايدة ( الفلكية طبعا ً الجنيه بجنيه !! )
و ده حراااااااااااااام 100 فى الـ 100 لأن السيارة محل البيع ليست فى ملكية البائع النهائى و هو المعرض فى هذه الحالة .

الحالة الثانية :

أن السيارة تكون مملوكة بالفعل لصاحب المعرض و يتم بيعها بالتقسيط المباشر للمشترى الجديد و هذا ليس فيه أى شبهة ( و لكن باردوا الجنيه بجنيه !!!! ) هههههههههههههههه

طيب ايه الحل ؟؟؟؟

كلنا عاوزين عربيات بالتقسيط المعتدل و ليس فيه أى شبهة .
اللى عنده حلول أو اقتراحات يدلنا عليها و له الأجر و الثواب عند الله

**m_love4me** · 29-03-2014 12:51 AM

هقولك ولا تزعلش مني ؟؟
بجد والله

امشي بمبدأ بقي ال معوش ما يلزموش .
كدا هتستريح اوي

**simon659** · 29-03-2014 01:25 AM

ده شغل يا برنس واستثمار وعمليات اقتصاديه كبيره وهو البنك والبلد والقروض هيعلو علي اي اساس كل واحد ودماغه بس انا عاوز اسأل سؤال لو ليك اخ وعنده محل او صيدليه وانت اديتله 100 الف جنيه وشغلهم واداك مرتب او صافي ربح شهري هل ده حرام في مقابل انه بيكسب ؟؟؟؟؟
نفس الفكره البنك انت بتديله فلوس بيستثمرها وبيشغلها في مقابل مادي متهيألي نفس الفكره والاستثمارات دي بارضو بتكبر البلد وبتشغل شباب .
انت البنك بيسلفك فلوس والفلوس بتاعت واحد تاني واعتبره اخوك وهتاخد منك فوايد علشان تديها لاخوك الي بيستثمر فلوسه معتقدش انها حرا .
انا حاجتين اتنين اعتبرهم حرام جدا ؟؟؟؟؟؟؟
اولا عدم الشغل واني مش اطور البلد واخليها احسن بلد في الدنيا واعمل علي ما اقدر اعمله بكل نيه صافيه ؟
الحاجه التانيه اكبر حرام اذيت الناس وحرق قلوبهم!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!

**تامر.محمد** · 29-03-2014 01:38 AM

المشاركة الأصلية كتبت بواسطة simon659

ده شغل يا برنس واستثمار وعمليات اقتصاديه كبيره وهو البنك والبلد والقروض هيعلو علي اي اساس كل واحد ودماغه بس انا عاوز اسأل سؤال لو ليك اخ وعنده محل او صيدليه وانت اديتله 100 الف جنيه وشغلهم واداك مرتب او صافي ربح شهري هل ده حرام في مقابل انه بيكسب ؟؟؟؟؟
نفس الفكره البنك انت بتديله فلوس بيستثمرها وبيشغلها في مقابل مادي متهيألي نفس الفكره والاستثمارات دي بارضو بتكبر البلد وبتشغل شباب .
انت البنك بيسلفك فلوس والفلوس بتاعت واحد تاني واعتبره اخوك وهتاخد منك فوايد علشان تديها لاخوك الي بيستثمر فلوسه معتقدش انها حرا .
انا حاجتين اتنين اعتبرهم حرام جدا ؟؟؟؟؟؟؟
اولا عدم الشغل واني مش اطور البلد واخليها احسن بلد في الدنيا واعمل علي ما اقدر اعمله بكل نيه صافيه ؟
الحاجه التانيه اكبر حرام اذيت الناس وحرق قلوبهم!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

طالما مش تحت المكسب و الخسارة فده بالظبط تعريف الربا

بالنسبة للموضوع فالحل المستعمل و خلاص

Sent from my GT-N7000 using Forum Runner

**magdy_c_c** · 29-03-2014 02:05 AM

المشاركة الأصلية كتبت بواسطة simon659

ده شغل يا برنس واستثمار وعمليات اقتصاديه كبيره وهو البنك والبلد والقروض هيعلو علي اي اساس كل واحد ودماغه بس انا عاوز اسأل سؤال لو ليك اخ وعنده محل او صيدليه وانت اديتله 100 الف جنيه وشغلهم واداك مرتب او صافي ربح شهري هل ده حرام في مقابل انه بيكسب ؟؟؟؟؟
نفس الفكره البنك انت بتديله فلوس بيستثمرها وبيشغلها في مقابل مادي متهيألي نفس الفكره والاستثمارات دي بارضو بتكبر البلد وبتشغل شباب .
انت البنك بيسلفك فلوس والفلوس بتاعت واحد تاني واعتبره اخوك وهتاخد منك فوايد علشان تديها لاخوك الي بيستثمر فلوسه معتقدش انها حرا .
انا حاجتين اتنين اعتبرهم حرام جدا ؟؟؟؟؟؟؟
اولا عدم الشغل واني مش اطور البلد واخليها احسن بلد في الدنيا واعمل علي ما اقدر اعمله بكل نيه صافيه ؟
الحاجه التانيه اكبر حرام اذيت الناس وحرق قلوبهم!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!

فرق كبير بين انك تشغل فلوسك تحت مبدأ الربح و الخسارة و ده ليس به أى شبهة و حلال مليون فى المية طالما هناك اتفاق بين الطرفين ، و بين انك تاخد فلوس من البنك و تردها على أقساط بفايدة معلومة ، يا باشا سواء البنك بيديك الفلوس فى ايدك أو بيدفعها لصاحب المعرض هى هى انت فى الحالة دى خدت فلوس و بتردها بفاااايدة و ده الربا الواضح ،،،،
فى بعض البلدان العربية كل البنوك اللى بتمول السيارات بها صالات لعرض السيارات و معروف ليهم سعر البيع الفورى و سعر المؤجل و حضرتك بتاخد العربية من البنك بالسعر المؤجل بعد الاتفاق عليه و دفعه على أقساط معينة ، يعنى المكان اللى بتشترى منه هو هو اللى بتدفع فيع " تقسيط مباشر للبنك "كأنك شارى تليفزيون من معرض أدوات كهربائية و بتقسط فى نفس المعرض .
يبقى هنا حضرتك البنك باع سلعة مملوكة له بالفعل " ممكن تاخدها و لو ما عجبتكش ما تشتريهاش "
و السلعة دى كمان معروف سعرها فورى و تقسيط

**Eng.Sameh** · 29-03-2014 02:08 AM

انا جربت اني اخد قرض زمان من يجي ٦ سنين .. وعرفت معنى عدم البركة وخراب القروض .. ومن ساعتها اقسمت على نفسي اني عمري ما هاخد قروض تاني واجيب على قد فلوسي ... والحمد لله ما هدت قروض بعد كدا .. وحتى اليومين دول بشتري عربية غالية .. وكتير بيقولي حتى لو معاك كاش حطو في البنك وهيطلعلم فرق كويس بين فايدة القرض اللي هتدفعها والفوايد على الفلوس اللي هتودعها .... والحمد لله مفكرتش حتى لحظة في الكلام ده .. ربنا هو الرزاق فتعففوا يعفكم الله ويغنيكم بحلاله عن حرامه ...

**Elkordy2000** · 29-03-2014 11:15 PM

اللي انا لاحظتوا حتي الان ان كل انظمه التقسيط في مصر بما فيها ما يقال انها اسلاميه أو تقسيط مباشر , مجرد ضحك علي الدقون زي مابيقولوا , كلها انظمه ظاهرها اسلامي وباطنها الربا
علشان كده افضل طريقه هي انك تشتري علي قد فلوسك مستعمل أو زيرو وشويه شويه تبيعها وتشتري افضل منها العمليه ده فيها اكثر من ميزه ...أولا بعدت عن الربا الحرام ... ثانيا وفرت فلوس الفوايد ..... ثالثا هتغير وتبدل العربيه بمزاجك وتتذوق طعم العربيات كلها ههههههه يعني يارب تغيرها كل سنه وتزود علي تمنها وتجيب اعلي وهكذا
ده رأيي اللي انا ماش بيه بصراحه ...

**magdy_c_c** · 30-03-2014 01:57 AM

المشاركة الأصلية كتبت بواسطة elkordy2000

اللي انا لاحظتوا حتي الان ان كل انظمه التقسيط في مصر بما فيها ما يقال انها اسلاميه أو تقسيط مباشر , مجرد ضحك علي الدقون زي مابيقولوا , كلها انظمه ظاهرها اسلامي وباطنها الربا
علشان كده افضل طريقه هي انك تشتري علي قد فلوسك مستعمل أو زيرو وشويه شويه تبيعها وتشتري افضل منها العمليه ده فيها اكثر من ميزه ...أولا بعدت عن الربا الحرام ... ثانيا وفرت فلوس الفوايد ..... ثالثا هتغير وتبدل العربيه بمزاجك وتتذوق طعم العربيات كلها ههههههه يعني يارب تغيرها كل سنه وتزود علي تمنها وتجيب اعلي وهكذا
ده رأيي اللي انا ماش بيه بصراحه ...

الله يفتح عليك
و نورت الموضوع

**elhelwany188** · 30-03-2014 11:23 AM

المشاركة الأصلية كتبت بواسطة elkordy2000

اللي انا لاحظتوا حتي الان ان كل انظمه التقسيط في مصر بما فيها ما يقال انها اسلاميه أو تقسيط مباشر , مجرد ضحك علي الدقون زي مابيقولوا , كلها انظمه ظاهرها اسلامي وباطنها الربا
علشان كده افضل طريقه هي انك تشتري علي قد فلوسك مستعمل أو زيرو وشويه شويه تبيعها وتشتري افضل منها العمليه ده فيها اكثر من ميزه ...أولا بعدت عن الربا الحرام ... ثانيا وفرت فلوس الفوايد ..... ثالثا هتغير وتبدل العربيه بمزاجك وتتذوق طعم العربيات كلها ههههههه يعني يارب تغيرها كل سنه وتزود علي تمنها وتجيب اعلي وهكذا
ده رأيي اللي انا ماش بيه بصراحه ...

رأى سليم ما شاء الله ...

الموضوع: حلال أم حرام

LinkBack

أدوات الموضوع

عرض

-

-

-

المواضيع المتشابهه

حلال ولا حرام؟

حلال ولا حرام

هو كدة حلال ولا حرام

فوايد البنوك حرام و لا حلال, و لو حلال, أنهى أفضل بنك ؟؟؟

حد يفهمني حلال ده و لا حرام؟

الكلمات الدلالية لهذا الموضوع

المفضلات

المفضلات

ضوابط المشاركة