الموضوع: معاك فورد اسكورت مكانك معانا

فكرة ممتازة انا معايا اسكورت انجكشن ١٦٠٠ موديل ٩٨

ابدا باول مشكلة بقا
انا معايا اسكورت ١٦٠٠انجكشن ٩٨ كنت مسافر والعربية راكنة ١٠ ايام المهم دورتها وسخنتها وشيكت عالمية والزيوت العربية زي الفل وخدت بيها مشوار ٢٠٠ كيلو وقرصت عليها العربية ١٠٠ ل ١٥٠ العربية كانت رايقة وزي الفل روحت ركنتها كلو تمام نص ساعة ونزلت خدتها مشوار صغير لاحظت ان الار بي ام عالسلانسيه عالي جدا ٢.٢ بطلت ودورت نفس المشكلة وشامم ريحة سخونة مع ان الحرارة نورمال فتحت الكبوت وبهوي علي غطا المية لقيته بتغلي وتفور ودا مش الطبيعي بتاعها خالص ركنت العربية وتاني يوم زودت مية لتلت تربع القربة وشيكت عالزيت ودورت نفس المشكلة الار بي ام عالي جدا والمكنة صوتها عالي وفي خلال ١٠ دقايق والعربية دايرة المية في القربة غليت والار بي ام نزل ل١.٥ بس دا مش الطبيعي الطبيعي لما ادورها الصبح بيبقي ١.١وبعد العربية تسخن بينزل ل٠.٨
ملاحظة لما اشغل التكيف الار بي ام بينزل ل ١.٤ ولما اطفي يعلي تاني ل٢ وثانيا العربية وهي ماشية الار بي ام نورمال خالص وصوت المكنة عادي اسف عالاطالة ياريت لو حد عندو فكرة يفيدني

بص يا محمد لازم تروح لأقرب ميكانيكى فورد استنتاجى انا والله اعلم ممكن يكون عندك مشكله فى الرششات بخصوص علو العربيه لوحدها بخصوص غليان الميه 90 % ممكن يكون الثرموستات عندك بايظ او جوان الوش

كان عندى مشكله ف السنتر وروحت لشيوخ الصنيعية ومحدش فادنى اللى هى انى لما اقفل من الرموت ببان تقفل وببان لاء طبعا مشكله غبيه جدا اقعد الف حولين العربيه اقفل باب باب لحد ما فكيت الفرش بتاع البيبان وفضلت 5 ايام ادور ايه المشكله لحد لما ربنا كرمنى ولقيت الحل اللى بعد عزاب جبار الحل انك تفك الكلون نفسة من الباب هتلاقى اللسان اللى بيقفل المفتاح بتاع الكلون تشيله وتنضفة كويس جدا وبعد كده حطة ف جاز وجرب وادعيلى اللى قابلته المشكلة دى يقولى وانا افسرلو الموضوع كويس واسعده فيه

عندى 2 مراية جنب فورد اسكورت عاده مش كهرباء وزجاج خلفى يمين وانا عامل عندى بار حوض رياضى مخلى العربيه وهم فى الغرز ومزود حته ف الكبوت زى رمش هصوره وانزل الصور قريب انشاء الله

المشاركة الأصلية كتبت بواسطة mohamede002e

ابدا باول مشكلة بقا
انا معايا اسكورت ١٦٠٠انجكشن ٩٨ كنت مسافر والعربية راكنة ١٠ ايام المهم دورتها وسخنتها وشيكت عالمية والزيوت العربية زي الفل وخدت بيها مشوار ٢٠٠ كيلو وقرصت عليها العربية ١٠٠ ل ١٥٠ العربية كانت رايقة وزي الفل روحت ركنتها كلو تمام نص ساعة ونزلت خدتها مشوار صغير لاحظت ان الار بي ام عالسلانسيه عالي جدا ٢.٢ بطلت ودورت نفس المشكلة وشامم ريحة سخونة مع ان الحرارة نورمال فتحت الكبوت وبهوي علي غطا المية لقيته بتغلي وتفور ودا مش الطبيعي بتاعها خالص ركنت العربية وتاني يوم زودت مية لتلت تربع القربة وشيكت عالزيت ودورت نفس المشكلة الار بي ام عالي جدا والمكنة صوتها عالي وفي خلال ١٠ دقايق والعربية دايرة المية في القربة غليت والار بي ام نزل ل١.٥ بس دا مش الطبيعي الطبيعي لما ادورها الصبح بيبقي ١.١وبعد العربية تسخن بينزل ل٠.٨
ملاحظة لما اشغل التكيف الار بي ام بينزل ل ١.٤ ولما اطفي يعلي تاني ل٢ وثانيا العربية وهي ماشية الار بي ام نورمال خالص وصوت المكنة عادي اسف عالاطالة ياريت لو حد عندو فكرة يفيدني

ناس كتير مش بتاخد بالها من الموضوع ده انك تبقى جاى من سفر كبير وتبطل العربية ع طول وده غلط فادح ع الاقل تسيب العربية واقفه ودايره شويه لحد ما المروحة تفصل ومش كل ما تقف تبطلها واللى لفت انتباهى للموضوع ده انت يا محمد ف الغالب مشكلتك جوان الوش وده تجيبة من الحرفيين ب70 جنيه المانى وشوف الميكانيكى بتاعك هيقولك ايه وفدنا معاك وانشاء الله بسيطة

في حاجة سمعت عنها اسمها حساس الايدل بيقولو لو وسخ بيعمل كدا حد يعرف حاجة عنو؟؟؟؟؟؟

وياريت حد يرشحلي ميكانيكي كويس في القاهرة اتعامل معاه وهل في خطر لو سافرت بالعربية كدا من المنصورة؟؟؟؟؟؟