عايز حل لعداد الحراره في النوبيرا حيشلني

**amr83** · 29-03-2014 02:03 AM

هو مش العداد اصلا مش المفروض يبقي علي النص ؟ دا ما بيوصلش النص بيبقي قبلوا بشرطه و لما ببطل مش المفروض ينزل علي ال c ؟ بيفضل معلق شويه حلوين كده و بعدين يتمختر و ينزل علي مهله و سعات اصلا بعد ما بسخن و امشي شويه حلوين بيبقي تحت النص بشرطتين ! اعمل فيه ايه انا خايف العربيه تسخن و ما يدينيش قرائه سليمه , هل في حل ؟؟؟؟

**blazer** · 29-03-2014 02:28 AM

الصح بتاع العداد ان المؤشر يبقى فى اول تلت يعنى فى نص المسافه بتاعه تانى ربع

**FAR!D** · 29-03-2014 02:46 AM

وارد ان يكون في مشكله مع ترموستات الكوعه بس اللي بيخلي الفرضيه ديه ضعيفه و اشك في العداد اكتر قصه انه بينزل ببطئ بعد قفل الكونتاك المفروض انه بينزل بسرعه زيه زي كل العدادات بتاعه العربيه

**MOSTAFA . AHMED** · 29-03-2014 10:01 AM

تقصد ان العداد بالمنظر ده
لو كده غير صباع الحرارة والدنيا حتضبط معاك ان شاء الله
سعره كان حوالي 30 جنيه

**mamd_3000** · 29-03-2014 10:31 AM

سنسور الحرارة او بمعنى تانى صباع الحرارة عبارة عن قطعة نحاس رفيعة بطرف واحد

**amr83** · 31-03-2014 01:22 AM

انا غيرت عداد الحراره و الدنيا ظبطت الحمد لله بس العداد الجديد المؤشر الاحمر بتاعه مجرب شويه عن الي كان فيها , الكهربائي كان عنده عداد فكهولي منه بس لسعني في 100 بلبل , عندي استفسار معلش لما العربيه بتبقي سخنه و لما ابطل و ارجع اشغا الكونتاك العداد بينطر بسرعه علي النص مش واحده واحده , هل دا الطبيعي ؟