اشتريت لادا سمارا وفيها كام مشكله.. برجاء الافاده

السلام عليكم..
اشتريت لادا سمارا 88 وفيها كام مشكله..
1- البطاريه نسر مش بتشحن مع انها بتاريخ 9 فبراير 2014 ومايتها رايقه خالص (واحد قالى انها كده بيتقال عليها ((حلت)) تحتاج تغير مايه وتشحنها)؟؟؟
2- العربيه بتقطع وتنتش واوقات كتير مش بتدور وساعات تكون شغالها كويسه وتبطل وتدور بعد 5 دقايق مترضاش تدور .. خصوصا بعد تغيير الاسبراتير.. الميكانيكى قالى عاوزه تظبط كربراتير.. .. هل الاسبراى المنظف ممكن يظبط الدنيا الى حد ما مع العلم ان استهلاكها للبنزين عالى؟؟ والمكنه خفيفه شويه والميكانيكى قالى محتاجه طقم شمبر.. هل ده له علاقه باستهلاك البنزين؟؟
3- كانت بتحدف شمال سنه صغيره وبعد تظبيط العفشه وتغيير كاوتش فرده امامى بقت تحدف يمين .. يبقا محتاجه ترصيص ولا ايه؟؟
4- الانزار بيهيس بيدى سرينه بدون اسباب مع نفسه!!!
برجاء الرد من الاخوه الافاضل ذوى الخبره واسف على الاطاله

اقتباس:

---

المشاركة الأصلية كتبت بواسطة عمرو عقبه

السلام عليكم..
اشتريت لادا سمارا 88 وفيها كام مشكله..
1- البطاريه نسر مش بتشحن مع انها بتاريخ 9 فبراير 2014 ومايتها رايقه خالص (واحد قالى انها كده بيتقال عليها ((حلت)) تحتاج تغير مايه وتشحنها)؟؟؟
2- العربيه بتقطع وتنتش واوقات كتير مش بتدور وساعات تكون شغالها كويسه وتبطل وتدور بعد 5 دقايق مترضاش تدور .. خصوصا بعد تغيير الاسبراتير.. الميكانيكى قالى عاوزه تظبط كربراتير.. .. هل الاسبراى المنظف ممكن يظبط الدنيا الى حد ما مع العلم ان استهلاكها للبنزين عالى؟؟ والمكنه خفيفه شويه والميكانيكى قالى محتاجه طقم شمبر.. هل ده له علاقه باستهلاك البنزين؟؟
3- كانت بتحدف شمال سنه صغيره وبعد تظبيط العفشه وتغيير كاوتش فرده امامى بقت تحدف يمين .. يبقا محتاجه ترصيص ولا ايه؟؟
4- الانزار بيهيس بيدى سرينه بدون اسباب مع نفسه!!!
برجاء الرد من الاخوه الافاضل ذوى الخبره واسف على الاطاله

---

خلي كهربائي يشوفلك موضوع شحن الدينامو للبطاريه يا باشا ولو علي الميه ممكن اي حد بتاع بطاريات يقيسلك نسبه الحمض في الميه
مش بتشحن دي معناها انها علطول بتنام منك وبتدور زق او بوصله من بطاريه تانيه
2- التقطيع والتنتيش ده ممكن يكون من الكربراتير او اسلاك البوجيهات او البوجيهات نفسها او الاسبراتير عاوز يتظبط او كل ما سبق
تروح الاول لمتخصص كربراتير او ميكانيكي بيفهم يخلصلك موضوع الكربراتير
3 محتاجه ظبط زوايا وترصيص والاتنين عند نفس الشخص بتاع الزوايا

حضرتك بتقول لسه شاريها
يا ريت تقولنا ايه الصيانات المبدئيه اللي عملتها
غيرت اسلاك او سيور او اي حاجه فيها ولا ماشي بيها زي ما اخدتها ؟؟
وتحت امرك في اي استفسار

البطارية ما بتشحنش شوف كهربائي يقيس لك شحن الدينامو لأن ممكن يكون العيب فى الدينامو
التقطيع و التنتيش و عدم الدوارة
لو لما العربية بتسخن ما بترضاش تدور و لما تهدى شوية بتدور يبقى الموبينة و ده عيب مشهور فى اللادا عموما
لو موضوع انها بتبطل سواء سخنة او باردة
لما ما ترضاش تدور بص على فلتر البنزين لو لاقيته مليان يبقى العيب مش فى طرمبة البنزين
انت مغير الاسبراتير (عادى و لا الكترونى ) لو عادى يبقى لازم تغير طقم الكهرباء لو الكترونى ممكن الميكانيكى يجرب لك واحد من عنده مؤقتا تشوف المشكلة هاتتحل و لا لا . لو اتحلت يبقى الاسبراتير ممكن يكون الوش مشروخ او الابلاتين لادع او اى سبب و بص على سلوك البوجيهات ممكن تلاقى واحد بيهرب او مقطوع قبل ما تكلف نفسك اسبراتير تانى
فك بوجيه و شوفه لو لاقيته مهبب يبقى العيب كاربراتير
بس لو انت عندك المكنة خفيفة مش هايفيدك قوى علاج الكاربراتير و ظبطه الا لما تظبط المكنة
و طبيعى المكنة الخفيفة بتاكل بنزين و زيت كمان
و ربنا يبارك لك فيها و يرزقك خيرها و يكفيك شرها
السمارة انعم من ال 2107 و اشيك و عربية لو اهتميت بيها هاتلاقيها ان شاء الله زى الفل

الاخ ماهر والاخ محمد شنورى..
لكم خالص الشكر على اهتمامكم وردكم..
انا يوم السبت رحت لكهربائى غير ماية البطاريه وقالى انها حلت مايه ودا غريب مع انها جديده جدا ..وشحنها ساعه كده وبعدين حطيتها فى العربيه ومشيت بيها ماشاء الله شحنت وبقت تمام.. وقالى طالما بتشحن يبقا الدينمو كويس.. مش هلعب فيه..
وفى نفس اليوم نظفت الكربراتير باسبراى منظف والدنيا مشت زى الفل لحد يوم الثلاثاء بالليل..
رحت مشوار وركنت العربيه دقيقه وجيت ادورها تانى مردتش تدور كونتاك وشحن البطاريه نزل والبطاريه بتدى سنة تشغيل دون ان تقوم الموتور يادوب سنه تشغيل (تششش) وتقف.. زقيتها.. يدور الموتور خفيف وكان مش واصل له بنزين كويس او كأن فى مشكله فى اشعال البوجيهات... مع العلم ان الميكانيكى غير بوجيه كان مش شغال الاسبوع اللى فات.. قعد يشيل سلك كل واحد على حده والعربيه شغاله واكتشف واحد فيه مشكله حله وغيره..
الكلام ده معناااااااااااااااااااااا ااااااااه ايه لو سمحتم؟؟؟؟
-----------------
اما الاسبراتير فهو جديد الكترونى
والصيانات اللى عملتها فيها هو تغيير اسبراتير وتغيير زيت وفلتر زيت وفلتر بنزين وسير التقسم كان متغير قريب من طرف البائع وظبط عفشه وفرامل وبعض الاشياء فى الكهرباء .. عموما لما الميكانيكى كشف عليها قالى عاوزه اسبراتير لانه كان بيجيب زيت من عند الوش وعاوزه طقم شمبر وعاوزه تظبط كربراتير وأدينى بتسلى بعمل حاجه حاجه.. لان فى حاجات تانيه بظبطها فى الكهربا والسمكره وكده... بس المشكله انها ساعات تمشى زى الساعه وساعات تقرفنى جدا..
اسف للاطاله

لو ناوي تعمل كل اللي فيها ده وخصوصا طقم الشنبر
يبقي هاتلك موتور استيراد كامل وريح دماغك من الفتي
او ظبط كل حاجه فيها وسيب الموتور خفيف لحد ما يتكسر في بعضه وابقي هات واحد استيراد
لان مفيش عمره عدله بتتعمل دلوقتي
وتكاليف العمره كبيره ومبتجيبش العربيه قدام بعدها
================================================== ===
عربيتك محتاجه حد فاهم كمان علشان هي محتاجه تظبيط اكتر من تغيير حاجات فيها

انا اشتريت طقم الشمبر وبكره هركبه ان شاء الله.. دعواتك ان ربنا يصلح الحال وما تفتحش بقهاااااااااااااا
وبالنسبه للبطاريه طلعت اللمبات اللى راكبه فى الكشافات عالييييييه جدا غيرتها بلمبات اقل والحال ماشى الحمد لله..
وبالنسبه للكربراتير فبعد طقم الشمبر ان شاء الله..
ومتشكر على اهتمامك يا شنورى باشا