دلوقتى انا عربيتى كيا سيراتو 2011
الكاوتش كومهو
بقالو 3 سنوات و5 اشهر
العداد عامل 26 الف (مش بمشى بالعربية )
المفروض انى أغير الكاوتش بعد ال 3 سنوات ولا أعمل ايه ؟
ملحوظة :
لا يوجد بلالين .
صلحت كاوتش واحد مرة واحدة فقط .
عرض للطباعة
دلوقتى انا عربيتى كيا سيراتو 2011
الكاوتش كومهو
بقالو 3 سنوات و5 اشهر
العداد عامل 26 الف (مش بمشى بالعربية )
المفروض انى أغير الكاوتش بعد ال 3 سنوات ولا أعمل ايه ؟
ملحوظة :
لا يوجد بلالين .
صلحت كاوتش واحد مرة واحدة فقط .
هل في اكلان في الكاوتش او منحول او فيه مشاكل منه على الطريق ؟؟
اخى العبرة بحالة الكوتش وكيفية القيادة لو كانت قيادتك عادية والكوتش حالته كويسه يقعد معاك لغاية 50 الف كم ان شاء الله
لا حاليا متغيرش كاوتش .. انت بس كل شهر كده او شهرين.. اعمل ضبط زوايا و اتزان ( ترصيص ) و بتاع الاتزان . هيقولك على حاله الكاوتش من خلال الجهاز بتاع الاتزان ( جهاز الترصيص ) .. لكن حاليا الكاوتش بتاعك يعتبر جديد .
لا طالما لسه مفيش معدل تاكل كبير و لا اى اصلاحات كبيره لسه قدامه شويه كمان سنه او سنه و نصف و لحد 45-50 الف كيلو
السلام عليكم
غير الكوتش .. لللامان
انت في الحالة دي عندك خطورة
مش معنى انك شايفه بحالة كويسة يبقى تمشي بيه , انت شايفة بحالة جيدة لاكن هو مش بحالة كويسة عمرة الافتراضي على وشك الانتهاء او انتهى
على حسب حالة الكوتش بتاعك انا بقعد بل كوتش 100 الف كيلو عادى اهم حاجة حالة الكوتش
حضرتك العمر الافتراضي للكاوتشي من 40 50 الف كيلوا حتى 70 80 الف كيلو على حسب النوع
او يقعد خمس سنين لو موصلش الكيلوات يفضل تغييره بعد خمس سنين او على الاقل تغير الاثنين الامامي
واخيرا لو انت بتمشي بالعربية على سرعات عالية اكتر من 120 غير الكاوتش لان انا شفت كاوتش شكله زيرو بس بفرقع وقتها رينا يسترها
مؤقتا اكشف علي الكاوتش عند واحد كويس و خليه يقولك ايه أخباره و النصيحه ان حضرتك تبدأ تخطط لتغييره كمان ٦ شهور مثلا و لا حاجه و حتي. ممكن تغيره علي مرتين علشان ما تبقاش التكلفه جامده مره واحده يعني تغير العجلتين اللي قدام الاول و بعدها تغير العجلتين اللي ورا و كل ده علشان امان حضرتك طبعا
لو الكاوتش الاصلى بتاعها مش الصينى وماشى 26 الف بالعربيه بس معتقدش انك تغيره ...المهم شوف انت بنفسك حاله الكاوتش متشقق ولا لأ الكاوتش الوحش بيبان من النظر له ..وطبعا بتوع الكاوتش عايزه تبيع ولازم هيقولك غير وخلاص ...انا ف السعوديه اللى الحراره ع الاسفلت اكتر مليون مره من مصر وكاوتشات وشارى عربيتى مستعمله مو 2007 ومغيرتش كاوتشاتها وشغاله زى الفل مع انها كانت مستعمله
لو مش بتسافر بالعربية وتحركات قليلة جوا المدينة
اصبر عليه طالما حالته كويسة انما لو العكس
غيره طبعا للامان
ألف شكر لكل الى رد .... وشارك برأيه .
انا فعلا هفحص الكاوتش بنفسى وبناء على حالته هشوف أغير ولا لأه ...خصوصا أنى :
1 - مش بجرى خالص .... أخرى 100 ك\ساعه.
2- مش بسافر كتير .
3- العربية مركونة نص الوقت فىى الجراج .
شكرا لكم
لا يا باشا استني شويه لسه بدري لو حالت الكوتش كويسه ... ممكن تستني سنتين كمان بالمعدل ده