معروض أمامى الفيكترا 2008 وصاحبها بيقول أنها ترخيص أكتوبر 2009 وهو مصمم أنها موديل 2009
ما علينا هى مركونه لانه مسافر وعامله 70 الف كيلو وزى ماقلت توب لاين ( مثبت سرعه وفتحه سقف ومرايات تعتيم وضم وثلاجه وتسخين للمقاعد ألخ ) يعنى كامله من كله بدون خربوش .. وطالب 120 الف
أنا عندى الفيكترا بى 2002 وقلت أغير . وخايف من الفيكترا 2008 بسبب نظام الايزيترونيك وقطع غيارها الغاليه وسعرها الى حد ما وأيضا بصراحه أنا مش من بتوع التوكيل .. فأرجو الافاده والنصيحه الخالصه لوجه الله
أخيرا عايز أعرف يعنى أيه( المالتي فانكشن ومرايات التعتيم )
السلام عليكم و رحمه الله و بركاتهاقتباس:
المشاركة الأصلية كتبت بواسطة keleshspot
المالتي فانكشن هي مجموعه من الزراير موجوده في عجله القياده "الدركسيون" للتحكم في وظائف الكاسيت "تعليه و توطيه و تبديل و تخطي و غيره...."
أما مرايات التعتيم هي مرايات تستشعر الضوء القوي القادم من الخلف و تحول لونها إلي اللون الغامق حتي لا ينعكس الضوء الساقط إلي عين السائق فيسبب زغلله أو حوادث.....و التعتيم موجود يدوي في بعض المرايات عن طريق زرار في المرآه تحركه للأمام عند الرغبه في تشغيله و يفيد جدا في القياده الليليه حين تستخد السيارات القادمه من الخلف الأضواء العاليه
و الله أعلم
وجزاكم الله خيرا
مبدأيا لازم تركبها اولا وتشوف هل الايزيترونيك مناسب لك ام لا
بعد ذلك كل شيء سهل
لو الحاله والكيلو متر ده حقيقى ومفيش خرابيش وبفوانيسا الاصلي وشغاله يبقى سعر منطقي دى عربيه ممتازه ولو كنت سايق مانيوال هتستمتع بيها لكن لو كنت سايق اوتوماتيك هتحتاج وقت تتعود على الفتيس وقطع غيارها عادي يمكن ارخص من معظم الكوري الجديد وموضوع الفواميس متستغربش ﻷن العربيه دى فيها فوانيس بتشتغل مع الدركسيون والمطالع يعنى تحود العربيه النور يلف قبلك وفى فانوس تانى صغير بينور جنب الطريق ولو معاك حمل فى الشنطى او طالع مطلع او منزل الفوانيس بتعلى وتوطى لوحدها وبره التوكيل فى ناس كتير بتفهم فيها اكتر من التوكيل نفسو وفعلآ العربيه اتباعت 2009 و2010 كمان بس كلهم موديل 2008 فى الرخصه بس هتلاقى الترخيص نفسو سنة 2009 منصور كان عندو عربيات منها بسعر غالى متبعوش غير لمى عمل عرض عليهم وخفض السعر وبالتوفيق عربيه ممتازه
سياره ممتازه ولو حالتها جيده جدا توكل على الله وربنا يوفقكاقتباس:
المشاركة الأصلية كتبت بواسطة keleshspot
الحاجة الوحيدة اللي هتضايقك شوية قطع الغيار غالية لو قارنتها بالفيكترا بي ... بس فعلا ارخص من قطع غيار الياباني و الكوري الجديد في التوكيل ................... العربية دي خيال بدون مبالغة و احسن من اي عربية اوربي تركبها بخلاف البي ام و المرسيدس طبعا ............ و بره زي ما الزملاء قالوا قطع غيار الاستيراد كتيير و في ناس حافظينها .............. فكرة الاستيبترونك مش اكتر من تعود على القيادة .............
معلش لونها ايه
لو محصلة نصيب اديني رقم صاحبها
110 الف لو زيرو اوي
احسن حاجه فى العربيه دى الايزيترونيك بس لما تفهم نظامه
عربية جميلة جدا فعلا و بريستيج جامد. عندي واحد صاحبي عنده أخت اللي حضرتك قولت عليها و لونها أسود و بردو عارضها للبيع.
اكشف عليها توكيل لو فعلا بالحالة دى اوعك تسيبها بجد العربيه دى محترمه اوى
يعنى يا جماعه تستاهل المبلغ ده ولا كتير عليها ... وايه أخبار السحب بتاعها وتكييفها كويس . لانى بعانى فى الفيكترا بى من حاجتين (السحب مش على قد المستوى خصوصا لما أشغل التكييف كأنى راكب أرنبه وكمان اللى أعرفه عنها أنها 74 حصان تقريبا والتكييف شجرته جنب الموتور لزق فبيضرب حساسات التكييف مع السخونيه وكله كان بيشتكى من الاوبل فى التكييف)
التكييف بيأثر على السحب الى حد ما بس مش زي البي و سحبها عموما ما شاء الله رائع بس مش من الطلعة الاولى عشان لحد 40 مش بتبقى حلوة بعد كده بتطيير انا لسة مشغل التكييف الناهردة على واحد و سقعت فخليته على الدرجة الاخف تماما اللي هى زي نسمة هوا بسيطة كده لو تكيفها مظبوط هيعجبك جدا بس اتأكد انه متنظف و " مظبوط " عيبه ان صوت الكمبروسور الى حد ما مسموع و بيأثر على صوت الموتور فبتحس بصوت ونة كده بسيطة .اقتباس:
المشاركة الأصلية كتبت بواسطة keleshspo
لو هتبيع عربيتك ياريت تقولي
من عنينااقتباس:
المشاركة الأصلية كتبت بواسطة opelcars