تحذير هام من شركة نصابه - اليانز

**Trondo** · 30-03-2014 09:32 AM

الموضوع دا منتشر فعلا فى كل البنوك
كل ماروح بنك ال cib
واحد من الموظفين يكلمنى عنها
اسمها cil
و اللى متأكد منه انهم بيعملوا كده علشان العموله
وبعدين البس انا فى الحيطه

الخلاصه واحد صاحبي قالى انا لبست و قعد بيدفع ٥ سنين و بعدها خد فلوسو بس :))

**drcobra** · 30-03-2014 11:04 AM

البلد بقت ملعب للحرامية

**salodas** · 30-03-2014 11:06 AM

يا جماعة خلاصة القول :
1- للأسف طالما مضيت انك استلمت الوثيقة ... أذا لن يتم رد الفلوس (انسى). (أنا واحد من الناس دى )
2- الشركة مش غلطانة ..ألغلط علينا لأننا بنستعجل ومش بنسأل ونتروى . (أنا واحد من الناس دى )
3- لو ممضيتش على استلام الوثيقة ... فلوسك هاتخدها كامله (اقصد الدفعات الى أنت دفعتها)
4- المشكلة مش في الشركة (اليانز) لأنها فعلا شركة عالمية ورأسمالها خرافى ... المشكلة في المندوبين النصابين ... الواحد منهم (عنده استعداد يعمل اى حاجة) المهم انك تمضى على استلام الوثيقة .... عشان العمولة وبعد كده اشرب من البحر .

**buisnessman** · 30-03-2014 10:52 PM

طيب المفروض نشهر بالناس دي عشان نمنعهم من النصب على ناس تانية
السكوت مش كويس

**waleed0** · 31-03-2014 12:39 AM

المشاركة الأصلية كتبت بواسطة salodas

يا جماعة خلاصة القول :
1- للأسف طالما مضيت انك استلمت الوثيقة ... أذا لن يتم رد الفلوس (انسى). (أنا واحد من الناس دى )
2- الشركة مش غلطانة ..ألغلط علينا لأننا بنستعجل ومش بنسأل ونتروى . (أنا واحد من الناس دى )
3- لو ممضيتش على استلام الوثيقة ... فلوسك هاتخدها كامله (اقصد الدفعات الى أنت دفعتها)
4- المشكلة مش في الشركة (اليانز) لأنها فعلا شركة عالمية ورأسمالها خرافى ... المشكلة في المندوبين النصابين ... الواحد منهم (عنده استعداد يعمل اى حاجة) المهم انك تمضى على استلام الوثيقة .... عشان العمولة وبعد كده اشرب من البحر .

متفق معاك تماما وشركة اليانز فعلا شركة كبيرة جدا وعالمية
انا عن نفسي حروح البنك وحقابل مدير الفرع واقدم شكوي فى الموظف اللي مقليش علي قسط التأمين اللي بيتاخد خلال اول سنتين ومبلغه كبير .
لو كل واحد عمل كدا الموظفين دول حيحترموا نفسهم ومش بيعيد اللي زيهم يترفد من البنوك
لان طبعا كلام الموظف مش مسجل دا ممكن يكدبك انما لما يتقدم فيه كذا شكوي بنفس الموضوع كدا حيتخرب بيته زي ما خسرنا .

**أبو آسر** · 31-03-2014 12:48 AM

وأنا بدوري بحذر من الشركة النصابة اللي اسمها "بيت التأمين المصري السعودي" علشان واحد صاحبي كان مأمن على عربيته عندهم وبعدين اتثبت والعربية اتاخدت تحت تهديد السلاح قام مكلم "منتج العملية !" تاني يوم علطول قاله لازم تجيب صورة رسمية من محضر الشرطة فعلى ما المحضر وإجراءات النيابة خلصت راح يسلمهم المحضر بعد حوالي 3 أسابيع قالوله ملناش فيه انت اتأخرت وكان لازم تبلغنا في خلال 72 ساعة من سرقة العربية !!! وكده ملكش حاجة عندنا ! مع العلم إن وثيقة التأمين مفيهاش الشرط ده أساسا
هو بس هيبلغ كذا جهة رسمية بالنصب العلني ده ولو موصلش لحل معاهم هو اداني صور من الأوراق كلها علشان أنشرها علشان نحذر الناس من الشركات اللي معندهاش ضمير ولا دم وبيستحلوا أموال الناس بالباطل وبيستغلوا الفوضى اللي في البلد علشان ينهبوا من الناس وياكلوا حقوقهم وعارفين ان محدش هيعرف يعمل معاهم حاجة علشان الشركات دي بتأكل الجهات اللي المفروض إنها بتراقب عليهم ! والضحية في النهاية المواطن المسكين اللي عربيته اتسرقت ولا شرطة رجعتهاله ولا شركة تأمين عايزة تديله 75% من تمنها

**Ahmed Selim** · 31-03-2014 09:40 AM

المشاركة الأصلية كتبت بواسطة أبو آسر

وأنا بدوري بحذر من الشركة النصابة اللي اسمها "بيت التأمين المصري السعودي" علشان واحد صاحبي كان مأمن على عربيته عندهم وبعدين اتثبت والعربية اتاخدت تحت تهديد السلاح قام مكلم "منتج العملية !" تاني يوم علطول قاله لازم تجيب صورة رسمية من محضر الشرطة فعلى ما المحضر وإجراءات النيابة خلصت راح يسلمهم المحضر بعد حوالي 3 أسابيع قالوله ملناش فيه انت اتأخرت وكان لازم تبلغنا في خلال 72 ساعة من سرقة العربية !!! وكده ملكش حاجة عندنا ! مع العلم إن وثيقة التأمين مفيهاش الشرط ده أساسا
هو بس هيبلغ كذا جهة رسمية بالنصب العلني ده ولو موصلش لحل معاهم هو اداني صور من الأوراق كلها علشان أنشرها علشان نحذر الناس من الشركات اللي معندهاش ضمير ولا دم وبيستحلوا أموال الناس بالباطل وبيستغلوا الفوضى اللي في البلد علشان ينهبوا من الناس وياكلوا حقوقهم وعارفين ان محدش هيعرف يعمل معاهم حاجة علشان الشركات دي بتأكل الجهات اللي المفروض إنها بتراقب عليهم ! والضحية في النهاية المواطن المسكين اللي عربيته اتسرقت ولا شرطة رجعتهاله ولا شركة تأمين عايزة تديله 75% من تمنها

هيئة الرقابة على التأمين ممكن تساعد في الموضوع ده

بيروح و معاه الوثيقة و المحضر و اي أوراق رسمية تانية ليها علاقة بالموضوع و يعمل شكوى

**Deshahcoka** · 04-04-2014 01:27 PM

المشاركة الأصلية كتبت بواسطة trondo

الموضوع دا منتشر فعلا فى كل البنوك
كل ماروح بنك ال cib
واحد من الموظفين يكلمنى عنها
اسمها cil
و اللى متأكد منه انهم بيعملوا كده علشان العموله
وبعدين البس انا فى الحيطه

الخلاصه واحد صاحبي قالى انا لبست و قعد بيدفع ٥ سنين و بعدها خد فلوسو بس :))

ايحه !

باشا انا عملت الحوار ده بقالي سنه

بس الشروط كانت مكتوبه في الوثيقة اول نوع استثمار الامن ده الي بتدفعه كل شهر

ممكن تكنسل الوثيقة بعد السنة الرابعه قبل كده حتخسر كتير ! و الي دفعته كل سنة بيتعمل عليه فوايد 7 - 13 في الميه ! بدل ما كنات حعمل شهادات قالتلي المندوبه انها احسن فقلت اجرب و في ناس كتير عامله المووضع ده

اظني مش نصبايه اكيد يعني

بس ممكن تكون انتا اخترتب اكبر نسبت مخاطره بتدي اعلى ربح ! مش اقل ربح بس فلوسك مضومونه كلها