تحذير هام من شركة نصابه - اليانز
السلام عيكم ورحمة الله
أحب احذر بشدة من التعامل مع شركة أليانز النصابة بتاعة التأمين
أنا اتنصب عليا من الشركة وخسرت مبلغ 13 الف جنيه يا جماعة ومش عارف اعمل ايه
وحابب احذركم منهم وأطلب منكم المشورة والمساعدة
الشركة ليها مندوبين في كذا بنك متواجدين على طول ده غير ان خدمة العملاء في البنوك كمان بتروج ليهم
عاملين برامج زي زواج الابناء والطلوع على المعاش وتعليم الابناء
الفكرة انهم بيقنعوك تدفع مبلغ شهري او ربع سنوي او سنوي وهكذا
مقابل انك تاخد مبلغ كويس يعد مدة زمنية 10- - 15 - 20 سنة
ودي اسمها وثيقة استثمار وقولو لي معاها وثيقة تأمين مجاااااني على الحياة (على فكرة ما طلبتهاش وما كانتش من أسباب التعاقد لأن فيها شبهة)
طيب لو حبيت افسخ الوثيقة
قالو بعد سنتين على الأقل بتاخد 95 في المية من مبلغ الاستثمار ولو قبل سنتين ما بتاخدش حاجة (طبعا انا فاهم ان مبلغ الاستثمار هو مجموع المبلغ اللي انا بدفعه)
وشوية اغراءات قالو عليها طلعت كلها كدب - مثلا قالو بتاخد جواب من عندنا للضرائب بيرجعوا لك المبلغ اللي انت دفعته لأن انت بتستثمر والحكومة قانونيا بتشجع الاستثمار وبعد ما اتعاقدت طلبت منهم الجواب قالو الجواب تاخده بعد سنة وكل سنة قلت طيب (ما هى شركة عالمية ومعروفة) وقالو هيرجع لك المبلغ كله يعني لو بتدفع الف جنيه كل شهر بيرجع لك 12000 كل سنة من الضرائب اللي دفعتها
وكل سنة الشركة بتبعت جواب بتفاصيل حسابك معاهم
جالي الجواب بعد اول سنة من التعافد
فوجئت انهم باعتين لي انهم اشترو كل شهر ليل وحدات استثمارية واجمال مبلغ الاستثمار بتاعي 4800 جنيه :Copy of majd(4):
طيب ده انا دافع 12000 الف في سنة (وطبعا لأن الجواب بييجي متأخر مش بعد سنة بالضبط خصموا الشهر ال 13 وبقيت دافع 13000 جنيه)
اتصلت بيهم فين فلوسي يا جدعان وازاي مبلغ الاستثمار بتاعي 4800 مش 12000 أو اكتر لان المفروض فيه فوايد قالو ما احنا بنخصم من فلوسك مبالغ تحت حساب بند اسمه التأمينات
تأمينات ايه ---------- أكتر من 60 % بتاخدوهم تحت مسمى تأمينات
يعني لو حبيت أمشي بعد سنتين وأنا مبلغ الاستثمار بتاعي اللي انا فاكره هيبقى 24000 هيكون 9500 وآخد منهم كمان 95% بس - ---------
المهم روحت البنك وطبعا العقد شريعة المتعاقدين وهما مأمنين نفسهم
وشوفو بقى - لما سألت على جواب الضرايب وهيترد لي قد ايه ضرايب قالو لي هيترد لك 10% من الضرايب اللي انت دفعتها أو مبلغ 3000 ايهما اكبر - مش 12000 زي ما قالو النصابين
سألت في الضرايب قالو مفيش حاجو من ده
شتمتهم على الفيس بوكو حطيت رقمي لقيت واحد من اسندرية بيكلمني وبيقوللي انه متضامن معايا وانه بيدفع 2500 جنيه بقاله خمس سنين وقعدوا 4 سنسن ميبعتو لوش تفاصيل حسلبه ولما صحي وسأل لقا مبلغ الاستثمار بتاعه 112000 (رغم انه دافع 130000) المفروض هما قايلين التأمينات بتبقى اول سنتين بس كمان لما سألت طلعت التأمينات بتتخصك على طول
المهم أنا خدت قرار افسخ التعاقد عشان اوقف نزيف الفوس وما أفضلش اددفع وبعدين أفوق لهم وأشوف اعمل ايه معاهم
ارجو المساعدة أعمل معاهم ايه وخلو بالكو من النصب ده
يرجى مرعاة اختيار الالفاظ للمحافظة على الاداب العامة
مشرف 3 ب
5.21pm
29/3/2014
