مشكله كبيره فى اوبل كورسا 1000 سى سى

انا فى شهر 10/2013 اشتريت عربيه كورسا موديل 1999 بها ماتور 1000 سى سر ومشت معايا كويس لمدة شهرين وفى يوم وانا نازل بيها الشغل الصبح لاقيت العربيه بتقطع جامد وجابت دخانه بيضه من الشكمان روحت للمكانيكى وورته العربيه قلى محتاجه طقم شنبر وفعلا حليت الموتور وعملت طقم الشنبر والعربيه برضوا ما اتظبطتش وقالى كده المشكله فى الكهرباء روحت وكشفت عليها كمبيوتر وغيرت كارته وحساس الهواء الايرماس وحساس البنزين الايدل وصرفت عليها لا يقل عن 5000 جنيه والعربيه باظت خالص فى دخان ابيض بيطلع من الجكمان ريحته بنزين - وزيت الماتور بيزيد ورائحته بنزين واستهلاك العربيه للبنزين بقى غير طبيعى بالمره استهلاك زياده جدا ولا يوجد عزم فى الموتور على الاطلاق تدور كويس بس اما اجى ازود بنزين بتبطل او بتضرر جامد اوى ومش عارف اعمل ايه بقالى اربع شهور راكنها فى الجراج وغيرت طرمبة البنزين والبوجيهات والمكانيكى بيأكد ان الماتور كويس --- برجاء الافاده السريعه

ممكن رشاش مسيل او شنبر مكسور
اختبر الرشاشات وقيس كبس الموتور

انا حاولت افهم بصراحة ايه العيب بالظبط
بس من الواضح انك تقريبا غيرت كل حاجة
فالموضوع علي ما أعتقد ممكن يكون عيب تشخيص
يعني ازاي يقولك محتاجة طقم شمبر وبعد متعمله يقولك المشكلة في الكهرباء والعربية برده تطلع دخان أبيض !!
انا ساكن في ميامي فشوف لو حضرتك قريب مني ممكن نتقابل ونشوف الموضوع ده ونحدد العيب من ايه

افتكر المكانيكي اللي عملها بتاع فجل .. انا شايف انك تريح نفسك و تروح لواحد فاهم ..ممكن يكون عيب بسيط .. و ممكن يكون عمل شنبر علي بساتم مسلخه او كان عايز شمايز