حد اشترى كاسيت زي ده للبريليانس V5؟
ولو نعم
منين وبكام؟
Car Navigator For Brilliance V5 Specialcar Dvd Gps - Buy Car Navigator For Brilliance V5 Specialcar Dvd Gps,Brilliance Car Gps Navigation,Car Gps Navigation For Car Product on Alibaba.com
عرض للطباعة
حد اشترى كاسيت زي ده للبريليانس V5؟
ولو نعم
منين وبكام؟
Car Navigator For Brilliance V5 Specialcar Dvd Gps - Buy Car Navigator For Brilliance V5 Specialcar Dvd Gps,Brilliance Car Gps Navigation,Car Gps Navigation For Car Product on Alibaba.com
التوكيل قال بـ ٥٠٠٠ ج وهيتوفر كمان اسبوعين
حد من اصدقائنا مالكي السيارة عنده معلومات اخرى؟
في التوكيل ب 5500 بتركيبه وبياخده القديم ب 600 جنيه
واحد صاحبي اشتراه من المستورد الاصلي ب 4200 بضمان سنة وركبه برة ب 200 جنيه وباع القديم لواحد في التوكيل ب 800 جنيه
والله هيا فعلا ناقصها شاشه وكاميرا
http://www.ot2.com/download/88916/IMAG0672.jpg.html
http://www.ot2.com/download/88916/IMAG0672.jpg.html
أنا سألت في التوكيل اتقالي 5500 جنيه بالكاميرا
أنا جبته من شارع دمشق وركبته في شارع دمشق والكاست عباره عن فيشه بتتشال وبتركب الفيشه التانيه وشكرا
الجهاز فيه راديو ممتاز + في جي بي اس برنامج IGO Primo بخرائط مصر 2013 + دي في دي + والكاميرا الخلفيه عندي راكبه مكان اللمبه بتاعت النور بتاع النمره بتتشال وتركب كاميرا البي ام مكانها حتى علبه الكاميرا مكتوب عليها انها بتاعت البي ام يعني الكاميرا مش راكبه في نص الاكصدام ولا متعلقه على النمره دي شكلها اوريجينال اوي وممتازه في الاضائة والروئيه حتى الليليه + يو اس بي بتاع العربيه + اي يو اكس العربيه + بلوتوث تشغل منه الاغاني بتاعتك من ساوند كلاود او من اغانيك اللي مخزنها على الموبايل وطبعا ربط التلفون على العربيه وبيكتب نوع الموبايل على الشاشه وارقامك كلها بتحملها على العربيه ولما حد يتصل بيطلعلك الاسم زي ما انت مخزنه على الفون بووك بتاعك + بيشغل الفلاشات لغايه 32 جيجا و ممكن تحط عليها فولدرات واغاني وافلام وصور وتقدر تتصفح كل الفولدرات + النافيجيشن من اجمل ما يكون حتى الرادرات الثابته موجوده وبيتم تنبيهك وممكن تبقى مشغل فيلم او اغاني او اي حاجه شغاله وانت على النافيجيشن وعند التنبيه للسرعه او خلافه بيوطى الصوت اوتوماتك وتسمع التنبيه ويرجع الصوت لوضعه بعدها + ان الكاست بيتربط على الدركسيون عشان تتحكم فيه من الدركسيون بكل الخواص بتاعته
الجهاز بيغير شكل العربيه تماما وهي المفروض كانت تنزل كده مدام دافعين فلوس الهاي لاين يعني اقل حاجه نأخدها زي ما بتنزل بره حتى بره المرايات ضم وانا بعت اجبهم من بره
الكاست لاي حد عايز يبعت يجيبه من بره حط على سعره 40% ودي شريحه كماليات السيارات
وركبت برضه شاشات مخادع خلفي عشان الولاد وهبيقى انزل صور ليهم والصوره دي كانت سريعه وعندي على الموبايل لما قريت الموضوع يعني مش محضر للموضوع
بخصوص الاسعار السيستم كامل كاست وشاشته ومخادع وكاميرا 6000 جنيه
الكاست 4800
الكاميرا 300
والمخادع سعرها 1200 اتحسبولي عشان الطقم كله 900 جنيه
والتركيب 300 جنيه داخلين في سعر الكاست
واللي هيركب في التوكيل لازم يأكد عليهم توصيل الكاست على الطاره لانهم مش بيعرفوا يوصلوه على الطارة
والناس اللي بتعرف توصل للراجل بتاعي ده في دمشق هو بيعمل التوصيله عن طريق اكواد خاصه للربط بين الكاست والطاره
واي استفسار انا تحت امركم
بصراحة رد وافي اشكرك عليه جدا
وسؤالى هل هو نفس الكاسيت اللى بيتركب فى التوكيل ولا احلى؟ والكاميرا ف التوكيل برضه بتركب فى لمبة اللوحة؟
وهل ممكن عنوان الراجل اللى ركبلك وتليفونه؟
بص يا باشا هو هو نفس الكاست بتاع التوكيل لان هو اللي بيورده للتوكيل لان انت لو رحت التوكيل ومعاك الفلوس عشان تركب هيقولك لا ...هتدفع مقدم حجز ويومين تلاته تروح تركب وطبعا اليومين تلاته دول عشان يبعت يجيبه من الراجل ده
اما بخصوص الكاميرا اعتقد مفيش منها في التوكيل وبيركبوا بتاعت الاكصدام
بخصوص عنوان الراجل هديلك رقمة وانت كلمه ورتب معاه المواعيد هو راجل محترم جدا جدا
ووصله اليو اس بي بتاعت العربيه كانت بتعلق الافلام كلمته وقالت له وفضل متابع معايا الموضوع ويتصل كل يوم يتأكد بعد مارحت له وعملت وصله داخليه من الكاست في التابلوه ومخدش ولا مليم مني وفعلا اشتغلت زي الفل حتى بتاع العربيه مكنش راضي يقرأ اي فلاشه غير نوعةمعين من كينج ستون بعد الوصله بيقرأ اي فلاشه وبدون تقطيع ،،،،
هو اسم الشهرة بتاعه مصطفى باناسونك على اسم المحل بتاعه
01111334671
لما تكلمه قوله انك من طرف احمد نبيل اللي معاه البريلياس الفيراني ومركب كاميرا البي ام