الموضوع: ! Octavia 2012

كل دي مشاهدات و محدش عايز يرد !!!!!!!!؟؟؟؟؟؟؟

الف شكر يا استاذ طارق يعني في راي حضرتك بلاش الخليجي ولا دي عشان ال ٧٠٠٠ كيلو تبقي كويسه

و معلش هي الخليجي كان فيها مشاكل او اي حاجه و التوكيل بيكشف عليها و يشتغلوا فيها ولا لا و لو حبيت اكشف عليها في التوكيل ولا اروح الاقصي احسن

السلام عليكم
أولا احب اقولك ان الهايلاين الخليجي في السنوات 2011 - 2012 كانت بتنزل ناقصه حاجات زي الحساسات الأمامي و مساعد الكرسي

فلو العربيه اللي حضرتك شوفتها دي هاي لاين بدون حساسات امامي و ب 200 الف تبقي فيها بالظبط 10 الاف زياده بس علشان الحاله لأن 7000 كم تعتبر زيرو ممشتش

العربيه التوكيل بيكشف عليها و بيعمل كل حاجه انت عايزها بس علي حسابك طبعا
و في ناس كتير بتشتغل في العربيات دي و ناس محترمه و بيعملو شغل احسن من التوكيل كمان

اتكل علي الله و روح اكشف عليها في التوكيل و لو تمام و الراجل ينزل 5 مثلا تبقي زي الفل و ربنا يديك خيرها و يكفيك شرها

المشاركة الأصلية كتبت بواسطة haitham.hesham

و معلش هي الخليجي كان فيها مشاكل او اي حاجه و التوكيل بيكشف عليها و يشتغلوا فيها ولا لا و لو حبيت اكشف عليها في التوكيل ولا اروح الاقصي احسن

انا معايا خليجي ٢٠١٢ بس مش هاي لاين ، الحمد لله حتى الان لم اجد فيها اي مشاكل، والصيانة الدورية باعملها بانتظام في آر توك القطامية ومفيش اي مشكلة خالص.
اعتقد ان العيب الوحيد هو ان الخليجي أوطى حاجة بسيطة من الوكيل، بس في اي حاجة تانية وخصوصاً البوية الخليجي افضل بكتييييير.
بالنسبة الخليجي الهاي لاين ٢٠١٢ كان الزيرو بتاعها ثمنه ٢٠٧٠٠٠ جم وجنطها كان ١٧ وفيها جي بي اس وسنسور خلفي وأمامي.