عـدنــــا مـــن جــديـــــد :)

**أبو آسر** · 29-03-2014 05:40 PM

السلام عليكم ورحمة الله وبركاته
إخواني الأحبة في الله
أعتذر عن تغيبي الفترة الماضية بسبب قرار كنت قد أخذته في لحظة غضب بسبب إيقافي لمدة أسبوع عن مخالفة لإحدى قواعد المنتدى
وكان قرار انسحابي ليس اعتراضا على الإيقاف ولكن اعتراضا على شدة العقوبات في المنتدى وتطبيقها بكل صرامة والذي قد لا يكون بالضرورة خطأ في كل الأحوال
ولكن بعد مكالمة هاتفية رقيقة مهذبة من أخي الكريم كريم منير واهتمامه بالتواصل مع عضو لم يراه من قبل ولم يكن بينهما أي تواصل طلب مني فيها الرجوع للمنتدى بعد أن اكتشف انسحابي عندما همت الإدارة أن تكرمني بإعطائي وسام التكريم
وبعد أن قرأت أكثر من موضوع لإخوة أعضاء أفاضل كرام سألوا عني وافتقدوا غيابي وبعضهم سعى للتواصل معي
فبعد كل هذا الكرم الجميل وهذه الأخلاق الحميدة لا يسعني أن أستمر في الابتعاد عن المنتدى الذي أعتبره عالمي الافتراضي والذي حتى بعد انسحابي من المشاركة لم يمر يوم إلا وأنا أتصفحه وأتابع مواضيعه والذي وجدت فيه أناسا قمة في الاحترام والرقي نفتقدهم هذه الأيام في هذه الظروف وهذا التدهور الأخلاقي حتى بعض من أخالفهم في الفكر والرأي لم أجد منهم إلا كل أدب واحترام
وأشكر كل من اهتم بالسؤال عن أخيه والتواصل معه كما أشكر نايل موتورز وأتمنى لهم من كل قلبي الاستمرار في هذا النجاح وهذا التقدم وهذا الرقي في التعامل

**أبو آسر** · 29-03-2014 05:58 PM

المشاركة الأصلية كتبت بواسطة m.yahia

حمد الله على السلامة .... نورت المنتدى .

الله يسلمك
المنتدى منور بالأعضاء المحترمين زي حضرتك

**S O P H O S** · 29-03-2014 06:15 PM

الف حمد الله علي سلامتك
والله المنتدي نور تاني
اتمني بجد متغبش تاني وتفضل موجود اخ عزيز علينا
تحياتي ليك ..

**Y a r i s** · 29-03-2014 06:15 PM

أهلاً أهلاً أهلاً
حمــــــــــــــــــــــد الله على السلامة يا أبو أسر
وأنا بقول المنتدى النهردة منووووور ليه ... حمدالله على السلامة ... وربنا ما يحرمنا من وجودك ولا وجود الناس الحلوة .... وبعدين الوقف للجدعان ... والمثل بيقولك أيه عاوز تعرف غلاوت أي عضـــو أوقفوا :) . هههههههه حبيبي يا أبو أسر منور المنتدى يا غالي .

**طارق _عبد السلام** · 29-03-2014 06:28 PM

مع انى مظبط اعدادات الشاشه على نور خافت لزوم النظر بقى لكن مش عارف لقيت الاضاءه عاليه جدا
اتاريك رجعت نورت الدنيا :)
عودا حميدا .....انت من المحترمين فى المنتدى متعملهاش تانى واغلب الشيطان

**prof2013** · 29-03-2014 06:44 PM

لولولولولولوولولي زغرتي يا انشراح ابو اسر رجع تاااااااااني ههههههه
انا فرحان جدااا ومسرور وعودا حميدا يا غالي
على فكرة انا من اعطى رقمك للاستاذ كريم منير ياله من فخ وقعت فيه ههههههه

**أبو آسر** · 29-03-2014 06:50 PM

المشاركة الأصلية كتبت بواسطة محمود سامح

الف حمدلله على سلامة حضرتكم

الله يسلمك أستاذ سامح ربنا يبارك فيك

المشاركة الأصلية كتبت بواسطة s o p h o s

الف حمد الله علي سلامتك
والله المنتدي نور تاني
اتمني بجد متغبش تاني وتفضل موجود اخ عزيز علينا
تحياتي ليك ..

الله يسلمك أخي الحبيب
المنتدى منور بأعضاؤه المحترمين وإن شاء الله مش هغيب تاني وشد حيلك علشان نكمل سلسلة الإنجليزي :)

المشاركة الأصلية كتبت بواسطة y a r i s

أهلاً أهلاً أهلاً
حمــــــــــــــــــــــد الله على السلامة يا أبو أسر
وأنا بقول المنتدى النهردة منووووور ليه ... حمدالله على السلامة ... وربنا ما يحرمنا من وجودك ولا وجود الناس الحلوة .... وبعدين الوقف للجدعان ... والمثل بيقولك أيه عاوز تعرف غلاوت أي عضـــو أوقفوا :) . هههههههه حبيبي يا أبو أسر منور المنتدى يا غالي .

هههههههههههه
حبيبي يابو تركي
خلاص ياعم أنا عرفت الغلاوة كفاية وقف بقى :)

المشاركة الأصلية كتبت بواسطة wawamoha

الاستاذ كريم انسان محترم .... و خدوم

تنظيم الامور ووضع قواعد لتنظيم السلوك البشري حفاظ ليا قبل ما يكون التزام عليا .....

خصوصا اننا شرقيين و بنسخن بسرعه ...
بس المنتدى محترم فعلا .........
و الله الموفق

كلام حضرتك صحيح واتصال أستاذ كريم أكدلي الكلام ده أكتر ربنا يجزيه عنا كل خير

المشاركة الأصلية كتبت بواسطة طارق _عبد السلام

مع انى مظبط اعدادات الشاشه على نور خافت لزوم النظر بقى لكن مش عارف لقيت الاضاءه عاليه جدا
اتاريك رجعت نورت الدنيا :)
عودا حميدا .....انت من المحترمين فى المنتدى متعملهاش تانى واغلب الشيطان

ده نورك أخي الحبيب طارق
وأنا مقدرش أسيب الناس العسل المحترمة اللي زي حضرتك كفاية إنهم بيهونوا على الواحد شوية من اللي بيشوفه من الناس التانية
ربنا يديم المعروف إخواني الأحبة