الموضوع: نظام الثبات الالكتروني esp شرح + صور + اهميته في انقاذ حياتك + فديوهات + موضوع يهمك

المشاركة الأصلية كتبت بواسطة my3fox

الله ينور باشمهندس محمد.....
الموضوع إتعمل في قسم تويوتا علشان فيه ناس كانت بتقلل من النظام ده VSC اللي موجود بالكورولا و أنه مش مهم.....
و إن العربية لما بتكون تم تصميمها علشان تكون ثابتة مش بتحتاج لنظام الثبات الالكتروني...... و ده كلام مش صحيح.....

فيه مصنع سيارات أكبر و أعظم من مرسيدس و بي إم دبليو.....؟؟
إدخلوا علي ال youtube و شوفوا عربيات مرسيدس و بي إم دبليو في إختبارات ال ESP اللي بتكون مرة عند عدم تفعيل ال ESP و بعديها عند تفعيل ال ESP.....
مرسيدس و بي إم دبليو عند عدم تفعيل نظام ال ESP .... العربيات بتعوم جامد جداً و بتلف حولين نفسيها.....
هل يا تري مرسيدس و بي إم دبليو هما كمان مش بيصمموا عربياتهم علشان تكون ثابته بدون ال ESP......!!!

ال ESP نظام لا غني عنه..... و المقايس الاوروبية مش بتتساهل في حاجة زي كده و العربيات الاوروبي اللي بتنزل في أوروبا لازم بيكون فيها النظام ده.....
لكن لما تكون عربية تصميم أوروبي و بتنزل عندنا بدون هذا النظام علشان الوكيل عاوز ينزل في السعر علشان يبيع فده بيقلل بالطبع من العربية و ما ينفعش أدافع عن عدم وجود نظام ال ESP بأني أقول إن العربية أصلاً مصممة بأنها تبقي ثابته..... ...... ده يبقي العربية دي عدت مرسيدس و بي إم دبليو.....

كل كلامنا علي المواقف الصعبة اللي بتؤدي لحوادث و بتستوجب تفعيل ال ESP....

طب بلدك فيها ميكروباصات و تاكسي و توكتوك بيقفوا مرة واحدة و يكسروا مرة واحدة......أه موجودين.... و بغباوة.....يبقي لازم تجيب عربية فيها ESP..... لانك ممكن تقابل المواقف دي لو مش كل يوم يبقي ممكن يوم و يوم....
تحياتي

اشكرك علي كلامك الجميل

المشاركة الأصلية كتبت بواسطة TOPY

السلام عليكم
بعد ماقريت الموضوع وبجد اهنيك علي الموضوع المهم جدآ جدآ الي يجب لفت انظار الناس ليه والاهتمام بعوامل الامان في السياره
انا كنت نشرت موضوع ابل كدا عن حادث كيا ريو وكنت بحاول اصلحها

المهم انا لمه اشتاريت العربيه مكنش فيها اي عوامل امان غير ايرباج واحد للسواق بس
مفيهاش abs esp ebd ودا الي اقنعني بيه مندوب الشركه لمه ارجت اشتري العربيه عشان لقيت الفرق مابين السياره الي فيها عوامل امان والي مفيهاش حوالي 25 الف ومكنش معايه في الوقت دا المبلغ

واقنعني مندوب الشركه اني اشتريها ومش هحس بفرق في العربيه
والي احب اقولو واكيد هو هيشوف الموضوع حسبنا الله ونعمه الوكيل فيك

سبب الحادث والي اتئكدت منو بعد مقريت الموضوع دا ان السياره غعلآن لو كان فيها اي نوع من عوامل الامان مكنش حصل الحادث او علي الاقل الاضرار هتكون اقل

لان العربيه فعلآ زحفت مني بعد ملاقيت سواق التريلا داخل الوش في الوش وكان نايم ونا كنت شيفو نايم قدامي

فكسرت الدركسيون يمين زحفت عدلتو سنه شمال زحفت اكتر واتقلبت

زدا نتيجه لعدم وجود اي خصائص امان في السياره

بعد تجربه انصح اي حد هايشتري عربيه او بيفكر لازم قول حاجه يفكر فيها هي عوامل الامان المتوفرا في السياره

اخوكم احمد سعد

لا حول ولا قوة الا بالله، اهم حاجة انك كويس و فداك 100 عربية

المشاركة الأصلية كتبت بواسطة Mohab555

احد اهم مميزات الكورولا الجديدة و ان شاء الله بفكر فيها جديا بعد الريو نظرا لتميزها فى انظمة الامان ... رائعة

اختيار موفق بأذن الله

المشاركة الأصلية كتبت بواسطة kingrab

وجود هذا النظام في السيارة هو أول وأهم قرار كان متوقف عليه شرائى سيارة من عدمه
وأعتقد أن عدم توافر هذا النظام في سيارتى السابقة الله يرحمها هو أحد الأسباب الأساسية في الحادث
ولكن نتوقف عند نقطة جشع التوكيلات والتجار
وعلشان نسهل على الناس شوية .. اللى بيفكر في عربية أقل من 170 ألف ميفكرش في النظام من أصلة
إنما من تسمح إمكانياته بهذا المبلغ ويتنازل عن وجودة بالسيارة مقابل كماليات زيادة فخسارته كبييييييييييرة

عند حضرتك حق بس كمثال الكوروﻻ بتنزل من اول فئة ب esp عادي و سعرها 165 الف

المشاركة الأصلية كتبت بواسطة hany63

انا اتحطيت في مواقف صعبه جدا مره بالباسات و من كتر ما كسرت جامد عشان افادي العربيه اللي قطعت قدامي حسيت بدون مبالغه ان العربيه ماشيه على جنب واحد و فقدت السيطره نهائي و استنيت مصيري المحتوم و فجاءه زي ما تكون قوه خفيه عدلتها و لقيتها ماشيه في خط مستقيم
تاني موقف بالسيفيك فيها نفس النظام و اتفاجئت وانا على الطريق الساحلي و الطريق كحل ماشي بسرعه و على شمالي ميكروباص بعربيه كارو قدامي على بعد مترين بالظبط و برضه رميت جامد شمال ناحية الميكروباص اللي ضرب فرامل و برضه نفس احساس فقد السيطره للحظه و بعدين راحت عدلت نفسها كاءن مفيش حاجه و ساعتها كان راكب جنبي واحد صاحبي كان مستغرب ازاي نجونا من الحادث
و الفضل في نجاتي في الحالتين بعد ربنا هوا وجود نظام الثبات الاليكتروني

الحمد لله علي سلامتك

المشاركة الأصلية كتبت بواسطة hany63

مش متاءكد قوي من المعلومه بس يقال ان التسارع اعلى عند تعطيل النظام و كمان بقلل استهلاك تيل الفرامل

عند الضغط علي الزر مرة واحدة فانه يلغي نظام ال trc وده مهم ولازم تلغيه لو العربية غرزت في رملة او طينة عشان تعرف تطلع منها.
و عند الضغط مدة طويلة فانه يلغي ال esp و بعد الغائه بيديك تحكم كامل علي ااعربية و بعض السائقين المحترفين بيحبو كدة عشان يتحكمو بالعربية و النظام ميتدخلش في قراراته