السؤال... لما هي السواقة عادية... انا ازاي باعرف من اخر الشارع ان اللي سايق ست ومن غير ما اشوفها؟؟
عرض للطباعة
السؤال... لما هي السواقة عادية... انا ازاي باعرف من اخر الشارع ان اللي سايق ست ومن غير ما اشوفها؟؟
الستات يعني السواقة في ملكوت تاني يعني تدخل فيا ولا مش باصالي اساسا ولما الحق نفسي وابصلها استنى تقولي معلش ولا حاجاة الاقيها مش عارفة انها كانت داخلة فيا اصلا :00020191:
الستات يعني تدي اشارة يمين وتدخل شمال :oho:
الستات يعني تركن في ربع ساعة وفي الاخر تسيب مسافة نص متر جنب الرصيف وتوقف الطريق
الستات يعني تيجي عكس الاتجاه وتقف في مكان ضيق وتستنى انا اجي اعدي من المكان الضيق ده
بالعافية ومش عاجبها المكان الواسع اللي مستني فيه عشان تعدي
كفاية كده لحسن تدعي عليا :36_2_55[1]:
هو في اكتر من واحدة ست .. لقيتها طالعة على الدائري من المخرج بتاعي (يعني المخرج اللى انا انزل منه من على الدائري)، والمصيبة لقيتها ماشية عكسي في وشي فى الحارة الشمال خالص !!!
اطالب بمنع الستات من السواقة نهائيا فى هذا الكون
المشكلة مش في كونها بنت .. المشكلة فى كونها بتعمل مليون حاجة فى نفس الوقت .. بتحط مكياج وتسرح شعرها وهيا بتكلم صاحبتها فى التيلفون وبتسكت الولد ابنها وتحط توكة بنتها وسايقة وفي ايديها ساندويتش وكوباية نسكافيه وبتفكر هتخرج فين النهاردة بعد الشغل ؟!!
اخى المواطن خوفا على سلامتك اذا اردت ان تعبر الشارع فانظر الى سائق السياره اذا وجدته رجل فاعبر الشارع وانت مغمض عنيك اما اذا وجدتها امراه فالتزم بالوقوف على الرصيف وتمسك بأقرب عمود وتقرب الى الله بالدعاء وتذكر اجمل لحظات حياتك ههههههههههههههههههه طبعا ده هزار علشان محدش يزعل. بس انا هقولكوا على موقف حصل معايا انا كنت راكب مع بنت خالى وهيا اللى سايقه وعربيه ضايقتها اقسم بالله دخلت فيها انتقام
هو صحيح السواقة الحريمى ليها مشاكل
و صحيح لسه انهاردة واحدة ريحت بعربيتها ع الاكصدام عندى
و صحيح ان معظمهم مش بيعرف يركن
و صحيح ان معظمهم مش حافظ ابعاد عربيته
و صحيح ان كتير منهم بيتوتر ف المواقف الصعبة
و الحاجة اللى ملاحظه انها مشتركه مابينهم انهم لما بيتوتروا بيدوسوا بنزين بدل الفرامل
الا اننا لازم نعترف انهم بيلتزموا بقواعد المرور اكتر مننا
يعنى مثلا انا عمرى ماشفت ست كسرت اشارة
و عمرى ما شفت واحدة بتخمس
و عمرى ما شفت واحدة بتاخد غرزة
و عمرى ما شفت ست بتزنق ع حد عشان تاخد طريقه
و عمرى ماشفت واحد ع الطريق السريع ماشية اكتر من 90 -100
موضوع يستحق الدراسه ..
بس أنا حقيقي عادي .. مش فارقه ..و أنا شفت ستات بتسوق أحسن ميت مره من رجاله كتير ..
الفكره بس إن في ستات بتعمل حاجات غريبه و غير متوقعه .. و ماشيه مش باصه في المرايات و من الأخر بتبقي معتمده .. إن اللي جنبها ياخدوا بالهم :d
بس ع العموم حقيقي مش كل الستات بتسوق وحش
( معظم ) سواقه الستات مـأساه يا حبيبى مـأساه
الست ممكن تشوف شعرايه حريمى من على كتف جوزها
بس و هيا سايقه لو دخلت فى عمود نور تقولك و الله ما شفته