| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 56

  1. #1

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي المرجع العملى للسيراتو الخليجى فى مصر – ابريل 2014 - Facebook Twitter whatsapp انشر الموضوع فى :

    hasad">

    --{المرجع العملى للسيراتو الخليجى فى مصر – ابريل 2014}--
    ---
    السلام عليكم ورحمة الله وبركاتة،،،،،
    استكمالاً لموضوع مقارنة السيراتو الخليجى فى مصر ال كتبتة منذ شهر تقريباً، وبعد الردود والايضاحات ال اضافها الزملاء فى المنتدى خلال الفترة الفاتت ، حبيت اعيد كتابة الموضوع بعد تحديثة واضافة تفاصيل اكترمستعين باضافات الزملاء فى المنتدى حتى تعم الاستفادة ان شاء الله.
    ---------------------------------------

    أولاً / خلينا نتفق - السيارة بيتم انتاجها من قبل مصدر واحد يعنى ضمان الجودة واحد، يعنى ببساطة الموصفات الاساسية للسيارة (المحركوالاجزاء الميكانيكية / عوامل الامان الاساسية / الخامات الاساسية المستخدمة) المفروض بتكون تقريباً واحدة والاختلاف المفروض بيكون فى التجهيزات فقط (الكماليات).
    و تختلف الموصفات القياسية للسيارة حسب المنطقة او البلد المصدرة ليها السيارة .
    - فمثلاً السيارات الموجهة لدول اوربا وامريكا بيكون الاهتمام بمواصفات الامان والسلامة فى السيارة أكثر، ودى لان الاهتمام بالعنصر البشرى عندهم اعلى ، زى أشتراط ان السيارة تكون حاصلة على 9 : 10 نجوم فى اختبارات التصادم، ويكون من تجهيزاتها الاساسية الايرباج لكل جوانب السيارة ، الفرامل (EBS-EBD) ، الاضاءة النهارية ،،،،،،،،،،،
    - اما السيارات الموجهة لدول االخليج ونظراً لطبيعة المناخ الحار والطرق ، بيكون الاهتمام اعلى بمواصفات كفاءة التبريد والتكيف وجودة الدهان والعزل والعفشة ، حتى يتناسب مع طبيعة المناخ والطرق فى تلك الدول.

    ملحوظة: مصر كانت بدأت تحدد مواصفات قياسية الزامية للسيارات ال هتسمح بدخولها او
    بتصنيعها فى مصر وحددت فعلاً حوالى 10 مواصفات خلال عام 2010 والمفروض
    انها كانت هتكمل لاكن الظروف السياسية اعاقت ذلك.
    ثانياً / فى مصر يطلق مصطلح الخليجى مجازاً على السيارات الغير مستوردة من خلال الوكيل ، وهى بتكون نوعين حسب الدول المصدر ليها السيارة (والبيعاد تصديرها لمصر):
    النوع الاول من الموصفات( الموصفات الخليجى) : والمقصود بيها الموصفات القياسية التى بتشترطها دول مجلس التعاون الخليجى فى السيارات المصدرة لدولها وال بتضم (السعودية والكويت والبحرين والامارات ،،،،،،،،،،،) .
    ويقال ان اهم ما يميزها زيادة كفاءة التكييف وجودة الدهان والخامات البلاستيك المستخدمة فى السيارة ، وال بيتطلب عدم تصفيح السيارة تحت الموتور و عزل أفضل للكبينة، ودى علشان يتناسب مع طبيعة الجو الحار لدول الخليج.
    علماً بان WATHER TYPE فى الVINللسيارات الخليجى والشرق اوسط بما فيها مصر بيكون واحد(THE TROPICAL ZONE ) كما انة لم يثبت صحة معلومة التكييف والبوية الاشد فى الموصفات الخليجى.
    النوع الثانى من الموصفات( مواصفات الشرق أوسط):والنوع دى بتكون الموصفات القياسية بتاعتة اقل من الخليجى (ممكن يكون مرتبط بمستوى الدخل لسكان تلك الدول ، وعدم وجود الزام بمواصفات قياسية للسيارة كحد ادنى لتجهيزات السيارة المصدرة لتلك الدول) – والموصفات دى خاصة بدول (مصر، سوريا، الاردن، لبنان،،،،،،،،،،،،).
    {بعض الاستفسارات الممكن تحتاجها وانت بتشترى الخليجى}
    كيفية الكشف عن مواصفات السيارة بما فى ذلك الدولة المصدرة لها وتاريخ الانتاج؟
    ودى بيكون من خلال VIN (Vehicle Identification Number)للسيارة وال بيشمل كافة المواصفات والكماليات وتاريخ الانتاج والدولة المصدر لها .
    وبيكون موجود فى االشارة الاسفل الزجاج الامامى ناحية السائق، او فى الاستيكرز الموجود على شراعة الباب الخلفى ناحية السائق.
    ويمكن الكشف على الVINمن خلال الدخول على الرابط التالى (خاص بموضوع احد الاعضاء):
    او اللينك التالى:
    www.kia-hotline.com
    1- هتعمل حساب.
    2- هتحط رقمvin فى الخانة بتاعتة وتعلم على المربع
    VIN (Vehicle Identification Number)
    3- بعد كدة تدوس علىSearch هيطلع بيانات العربية الى من ضمنها Country.
    لية سعر الوكيل اعلى من سعر الخليجى؟
    بيرجع لعدة اسباب منها أن الشركة المنتجة بتلزم الوكيل بوجود مراكز خدمة وضمان على السيارة ومعارض بيع ودعاية ،،،،،،،،،،،، - وكل دى بيأثر على تكلفة الوكيل ،يعنى مثلاً لو حضرتك راجعت الفاتورة التفصيلية البتستلمها مع العربية من الوكيل (على سبيل المثال عربيتى الهيونداى ix35) هتجد الاتى:
    سعر العربية:163الف جم.
    ضريبة مبيعات:24الف جم.
    الضمان وضريبتة:18 الف جم(16ضمان+2ضريبة ضمان)- يعنى الضمان 10%من قيمة العربية.
    الاجمالى:205 الف جم.
    - ببساطة الضمان وضريبتة (كمثال واحد ) بيمثل حوالى8,8% من سعر السيارة (موش عند المستورد خليجى).
    ازاى تشترى ضمان للسيارة المستوردة من غير التوكيل؟
    الشركات البتقدم ضمان للخليجى فى مصر محدودة منها المشرق(موش معروفة واعتقد معدتش شغالة) وشركة جديدة اسمها ايرو سيرفس
    ، والاشهر او اعتقد الوحيدة حالياً هى شركة اسمها تربيل اية
    AAA، وبتقدم ضمان موازى لضمان الوكيل بالضبط ، يعنى صيانة ال1000الاولى مجانية عدا قطع الغيار،وبتضمن السيارة ضد عيوب الصناعة طوال فترة الضمان من1 : 5 سنوات وتقدر تشترى الفترة التحددها .
    وسعر الضمان بيكون كالاتى والشراء بيكون من خلال المعارض الموزعة للشركة مقابل عمولة (علشان كدة احتمال يختلف السعر من معرض لللاخر) :
    1400جم لمدة سنة او 20000كم ايهما اقرب
    2000جم لمدة سنتين او 40000كم ايهما اقرب
    2500 جم لمدة ثلاث سنوات او 60000كم ايهما اقرب
    3200جم لمدة اربع سنوات او 80000كم ايهما اقرب
    4200 جم لمدة خمس سنوات او 100000ايهما اقرب.
    والشركة متعاقدة مع مراكز خدمة عديدة ومنها مراكز معتمدة من الوكيل زى السبع فى المعادى، وكمان عندها مراكز خدمة خاصة بيها زى كيا سيرفيس فى صقر قريش بالمعادى.
    وممكن تعمل الصيانة فى مراكز الوكيل الرئيسية ، بس تحتفظ بالفواتير، لاكن فى حالة تغير قطعة غيار لازم من خلال المركز التابعة لتربيل اية.

    لو عاوز تركب الكماليات الناقصة فى عربيتك ، او تركب كماليات زيادة تعمل اية؟
    فى بعض المواقع البتعرض كماليات السيراتو ومن افضلها موقع اسمة(eBay)و بيعرض معظم الكماليات البتنزل مع النيو سيراتو 2014 وكمان بيعرض كماليات اضافية للعربية، ومعظمها من انتاج كوريا الجنوبية من نفس المصانع المغذية ال بتورد المكونات لكيا وهيونداى، ويمكن الدخول على الموقع من اللينك التالى وانشاء حساب والشراء مباشرة :
    المعارض ال بتبيع سيراتو خليجى فى مصر؟
    تقريباً معظم معارض جمهورية مصر العربية بتشتغل فى السيراتو الخليجى ، حتى لو موش عندها بتتصرف، ودى راجع لان السيراتو هى موضة 2014 ، يعنى الطلب عليها زيادة.
    أشهر المعارض :
    سمير ريان (افضلهم لانك بتشوف عندة كل الفئات وكل الالون تقريباً جنب بعض، ودى بيسهلك المقارنة)
    المصرية/القرش/الملك/سلطان/فرست اوتو،،،،،،،،،،،،،،،،،،،،، ،،،،،،،،،،،،،،،،،،
    ملحوظة: علشان المصريين مقتنعين ان السيراتو السعودى هى الافضل ، والاردنى والعراقى هى
    الاسوء، فكتير من المعارض بتقول على العربية سعودى ، وتطلع حاجة تانية.
    يعنى احنا البنخلى المعارض تضحك علينا ، يعنى بنعمل زى البيحضر عفريت ويرجع
    يخاف منة.
    وفى النهاية اتمنى اكون ساهمت ولو بقدر بسيط فى مساعدة الناس البتفكر فى الخليجى، وياريت يا جماعة لو حد عندة اضافة او توضيح او تصحيح يقول علية، بحيث يكون الموضوع محدث اول باول، ويارب يكون فية افادة، واشكركم .
    للامانة/ الموضوع بيشمل بعض البيانات المنقولة من مواضيع/تعليقات بعض الاعضاء فى المنتدى.


  2. #2

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي -

    { بعض الاسعار والموصفات الاسترشادية للنيو سيراتو الخليجى فى مصر}
    ---------------
    فئات الخليجى كتير جداً جداً جداً ، ودى غير الفئات الخاصة بالسيراتو المستوردة عن طريق الوكيل(تقريباً الموجود فى السوق ومن خلال سؤال المعارض حوالى 12 فئة).
    لاكن نقدر نلخص أهم الفئات الاتوماتيك (سواء كانت خليجى او شرق اوسط) فى الاتى:
    ملحوظة :
    - الكماليات استراشادية لان بعض الكماليات بتقل او بتزيد حسب مصدر السيارة ، بس موش يتزيد عن المكتوب غالبا.
    - الاسعار برضة استراشدية، يعنى انا هكتب الرنج، وفى الغالب موش هيزيد او هيقل عن 1000: 2000 جم بالكتير لو فى حاجة مضافة فى العربية.
    - فى بعض الفئات بيكون فيها بواقى موديلات 2013 وبتنزل فى السعر حوالى 4000: 5000جم (فرق موديل).
    - فى بعض التجهيزات اساسية فى الوكيل زى (الامبوليزر أو مانع دارة المحرك/ الفوجات الامامية/طفاية سجاير متحركة)
    الفئة الاولى :
    جنط 15 حديد وفى بعض المعارض بتركب جنط اسبور 15(موش اصلى)/سى دى تاتش وفيها كاميرا خلفية (موش اصلى صينى راكب فى مصر)/اكر ومرايات غير مطلية/اير باج واحد/مفتاح عادى موش ريموت/ حساسات خلفية (موش اصلية راكبة فى العربية).
    اهم الحاجات الناقصة فى الفئة دى: الفوجات/الجنط 16/ فراملaps)/الطارة المالتى/مخرج كهرباء 12 فولت وغطاء لدرج الكنصول (الفيةusb / aux)
    سعرها من 139 :142 الف جم.
    يعادل تلك الفئة فى الوكيل مع فرق بعض التجهيزات (lx at - ex ) ودول سعرهم 150 و 152 الف جم .
    الفئة الثانية : (تسمى فى السوق الهاى لاين)
    جنط 16 اسبور اصلى/فوجات/ ايرباج/طارة مالتى/ بلوتوث أو مثبت /كبوت مبطن/مفتاح ريموت/كرسى السائق هيدروليك/ داليات/نور استوب خلفى/ نور قراءة و مكان لحفظ النظارة/ فراملaps.
    سعرها من 145 : 149 الف جم . (حسب الكماليات ولاحظ ان المواصفة/الكماليات البتكون موجودة فى عربية ومبتكنش موجودة فى عربية تانية – فى الغالب بيكون مكانها مواصفة اخرى).
    يعنى ممكن تلاقى عربية فيها بلوتوث وعربية تانية مفهاش بلوتوث بس فيها مثبت
    يعادل تلك الفئة فى التوكيل (ex fo ) ودى سعرها 162 الف جم- ولكنها بتزيد كشكل اساسى (اشارات بالمرايات ومرايات ضم/مخداع خلفية ومسند يد خلفى بحامل اكواب /تكيف خلفى/فراملaps)
    الفئة الثالثة :
    ودى بتكون نفس مواصفات الفئة الثانية وبتزيد فتحة سقف.
    سعرها من 155: 158 الف جم.
    بالنسبة للوكيل فاول فئة بفتحة سقف سعرها 179 الف جم.
    الفئة الرابعة: ( تسمى توب هاى لاين)
    ودى بتزيد عن الفئة الثالثة جنط17/ليدات امامى وخلفى/سنسور امامى وخلفى/نواكل/ تكييف اتوماتيك تاتش/طارة مالتى كاملة(تحكم فى سى دى وبلوتوث و مثبت وكمبيوتر رحلات) شيفتات فى الطارة/ سبويلر خلفى.
    (تقريباً بتكون زى الوكيل الهاى لاين بدون بصمة)
    سعرها من 165 : 170 الف جم.
    يعادل تلك الفئة فى الوكيل(srfxs - xs)وبتزيد الsxsrfبصمة وفتحة سقف، ودول سعرهم 169 و179 الف جم.
    فى فئه اعلى من الهاى لاين عند اشرف جوده الى معرضة فى المعادى الى جنب مستشفى السلام المعادى عند مستشفى السلام الدولى والعربيه دى فيها مفتاح بصمه والشاشه الى بين العدادات الوان والكاسيت تاتش وفيها كاميرا خلفيه والكرسى كهربه كامل وفيه ميمورى كمان لوضع السواق وتمنها 200 الف جنية.


  3. #3

    الصورة الرمزية abou_sama

    رقم العضوية : 440

    تاريخ التسجيل : 03May2007

    المشاركات : 619

    النوع : ذكر

    الاقامة : Maadi

    السيارة: ISA

    السيارة[2]: Daewoo Lanos 2008

    دراجة بخارية: no

    الحالة : abou_sama غير متواجد حالياً

    افتراضي -

    جزاك الله خيرا على المعلومات المفيده

    سبحان الله وبحمدة سبحان الله العظيم


  4. #4

    الصورة الرمزية shifoo68

    رقم العضوية : 73757

    تاريخ التسجيل : 24Jun2010

    المشاركات : 191

    النوع : ذكر

    الاقامة : elmaniyal

    السيارة: no

    السيارة[2]: نيو سيراتو 2013 توب لاين

    دراجة بخارية: no

    الحالة : shifoo68 غير متواجد حالياً

    افتراضي -

    اقتباس المشاركة الأصلية كتبت بواسطة tiggosaid مشاهدة المشاركة
    --{المرجع العملى للسيراتو الخليجى فى مصر – ابريل 2014}--



    ---


    السلام عليكم ورحمة الله وبركاتة،،،،،
    استكمالاً لموضوع مقارنة السيراتو الخليجى فى مصر ال كتبتة منذ شهر تقريباً، وبعد الردود والايضاحات ال اضافها الزملاء فى المنتدى خلال الفترة الفاتت ، حبيت اعيد كتابة الموضوع بعد تحديثة واضافة تفاصيل اكترمستعين باضافات الزملاء فى المنتدى حتى تعم الاستفادة ان شاء الله.

    ---------------------------------------


    أولاً / خلينا نتفق - السيارة بيتم انتاجها من قبل مصدر واحد يعنى ضمان الجودة واحد، يعنى ببساطة الموصفات الاساسية للسيارة (المحركوالاجزاء الميكانيكية / عوامل الامان الاساسية / الخامات الاساسية المستخدمة) المفروض بتكون تقريباً واحدة والاختلاف المفروض بيكون فى التجهيزات فقط (الكماليات).
    و تختلف الموصفات القياسية للسيارة حسب المنطقة او البلد المصدرة ليها السيارة .
    - فمثلاً السيارات الموجهة لدول اوربا وامريكا بيكون الاهتمام بمواصفات الامان والسلامة فى السيارة أكثر، ودى لان الاهتمام بالعنصر البشرى عندهم اعلى ، زى أشتراط ان السيارة تكون حاصلة على 9 : 10 نجوم فى اختبارات التصادم، ويكون من تجهيزاتها الاساسية الايرباج لكل جوانب السيارة ، الفرامل (ebs-ebd) ، الاضاءة النهارية ،،،،،،،،،،،
    - اما السيارات الموجهة لدول االخليج ونظراً لطبيعة المناخ الحار والطرق ، بيكون الاهتمام اعلى بمواصفات كفاءة التبريد والتكيف وجودة الدهان والعزل والعفشة ، حتى يتناسب مع طبيعة المناخ والطرق فى تلك الدول.

    ملحوظة: مصر كانت بدأت تحدد مواصفات قياسية الزامية للسيارات ال هتسمح بدخولها او
    بتصنيعها فى مصر وحددت فعلاً حوالى 10 مواصفات خلال عام 2010 والمفروض
    انها كانت هتكمل لاكن الظروف السياسية اعاقت ذلك.


    ثانياً / فى مصر يطلق مصطلح الخليجى مجازاً على السيارات الغير مستوردة من خلال الوكيل ، وهى بتكون نوعين حسب الدول المصدر ليها السيارة (والبيعاد تصديرها لمصر):



    النوع الاول من الموصفات( الموصفات الخليجى) : والمقصود بيها الموصفات القياسية التى بتشترطها دول مجلس التعاون الخليجى فى السيارات المصدرة لدولها وال بتضم (السعودية والكويت والبحرين والامارات ،،،،،،،،،،،) .



    ويقال ان اهم ما يميزها زيادة كفاءة التكييف وجودة الدهان والخامات البلاستيك المستخدمة فى السيارة ، وال بيتطلب عدم تصفيح السيارة تحت الموتور و عزل أفضل للكبينة، ودى علشان يتناسب مع طبيعة الجو الحار لدول الخليج.



    علماً بان wather type فى الvinللسيارات الخليجى والشرق اوسط بما فيها مصر بيكون واحد(the tropical zone ) كما انة لم يثبت صحة معلومة التكييف والبوية الاشد فى الموصفات الخليجى.




    النوع الثانى من الموصفات( مواصفات الشرق أوسط):والنوع دى بتكون الموصفات القياسية بتاعتة اقل من الخليجى (ممكن يكون مرتبط بمستوى الدخل لسكان تلك الدول ، وعدم وجود الزام بمواصفات قياسية للسيارة كحد ادنى لتجهيزات السيارة المصدرة لتلك الدول) – والموصفات دى خاصة بدول (مصر، سوريا، الاردن، لبنان،،،،،،،،،،،،).



    {بعض الاستفسارات الممكن تحتاجها وانت بتشترى الخليجى}



    كيفية الكشف عن مواصفات السيارة بما فى ذلك الدولة المصدرة لها وتاريخ الانتاج؟


    ودى بيكون من خلال vin (vehicle identification number)للسيارة وال بيشمل كافة المواصفات والكماليات وتاريخ الانتاج والدولة المصدر لها .


    وبيكون موجود فى االشارة الاسفل الزجاج الامامى ناحية السائق، او فى الاستيكرز الموجود على شراعة الباب الخلفى ناحية السائق.


    ويمكن الكشف على الvinمن خلال الدخول على الرابط التالى (خاص بموضوع احد الاعضاء):


    http://www.nilemotors.net/nile/186717-vin.html



    او اللينك التالى:

    www.kia-hotline.com
    1- هتعمل حساب.

    2- هتحط رقمvin فى الخانة بتاعتة وتعلم على المربع


    vin (vehicle identification number)

    3- بعد كدة تدوس علىsearch هيطلع بيانات العربية الى من ضمنها country.


    لية سعر الوكيل اعلى من سعر الخليجى؟


    بيرجع لعدة اسباب منها أن الشركة المنتجة بتلزم الوكيل بوجود مراكز خدمة وضمان على السيارة ومعارض بيع ودعاية ،،،،،،،،،،،، - وكل دى بيأثر على تكلفة الوكيل ،يعنى مثلاً لو حضرتك راجعت الفاتورة التفصيلية البتستلمها مع العربية من الوكيل (على سبيل المثال عربيتى الهيونداى ix35) هتجد الاتى:


    سعر العربية:163الف جم.


    ضريبة مبيعات:24الف جم.


    الضمان وضريبتة:18 الف جم(16ضمان+2ضريبة ضمان)- يعنى الضمان 10%من قيمة العربية.


    الاجمالى:205 الف جم.


    - ببساطة الضمان وضريبتة (كمثال واحد ) بيمثل حوالى8,8% من سعر السيارة (موش عند المستورد خليجى).




    ازاى تشترى ضمان للسيارة المستوردة من غير التوكيل؟


    الشركات البتقدم ضمان للخليجى فى مصر محدودة منها المشرق(موش معروفة واعتقد معدتش شغالة) وشركة جديدة اسمها ايرو سيرفس( تليفونها/01020098543- 26202860)، والاشهر او اعتقد الوحيدة حالياً هى شركة اسمها تربيل اية aaa، وبتقدم ضمان موازى لضمان الوكيل بالضبط ، يعنى صيانة ال1000الاولى مجانية عدا قطع الغيار،وبتضمن السيارة ضد عيوب الصناعة طوال فترة الضمان من1 : 5 سنوات وتقدر تشترى الفترة التحددها .


    وسعر الضمان بيكون كالاتى والشراء بيكون من خلال المعارض الموزعة للشركة مقابل عمولة (علشان كدة احتمال يختلف السعر من معرض لللاخر) :


    1400جم لمدة سنة او 20000كم ايهما اقرب


    2000جم لمدة سنتين او 40000كم ايهما اقرب


    2500 جم لمدة ثلاث سنوات او 60000كم ايهما اقرب


    3200جم لمدة اربع سنوات او 80000كم ايهما اقرب


    4200 جم لمدة خمس سنوات او 100000ايهما اقرب.


    والشركة متعاقدة مع مراكز خدمة عديدة ومنها مراكز معتمدة من الوكيل زى السبع فى المعادى، وكمان عندها مراكز خدمة خاصة بيها زى كيا سيرفيس فى صقر قريش بالمعادى.


    وممكن تعمل الصيانة فى مراكز الوكيل الرئيسية ، بس تحتفظ بالفواتير، لاكن فى حالة تغير قطعة غيار لازم من خلال المركز التابعة لتربيل اية.


    تليفون شركة تربيل اية:0224016370


    موقع الشركة على النت:http://si-sv3907.com/aaa-home/default.aspx




    لو عاوز تركب الكماليات الناقصة فى عربيتك ، او تركب كماليات زيادة تعمل اية؟


    فى بعض المواقع البتعرض كماليات السيراتو ومن افضلها موقع اسمة(ebay)و بيعرض معظم الكماليات البتنزل مع النيو سيراتو 2014 وكمان بيعرض كماليات اضافية للعربية، ومعظمها من انتاج كوريا الجنوبية من نفس المصانع المغذية ال بتورد المكونات لكيا وهيونداى، ويمكن الدخول على الموقع من اللينك التالى وانشاء حساب والشراء مباشرة :



    http://www.ebay.com/sch/car-truck-parts-/6030/i.html?mvsub=1&_mcatda=true&_nkw=2014%20kia%20fort e&selfil=1%2c2%2c3&selvel=2014~kia~forte~-~-



    المعارض ال بتبيع سيراتو خليجى فى مصر؟


    تقريباً معظم معارض جمهورية مصر العربية بتشتغل فى السيراتو الخليجى ، حتى لو موش عندها بتتصرف، ودى راجع لان السيراتو هى موضة 2014 ، يعنى الطلب عليها زيادة.


    أشهر المعارض :


    سمير ريان (افضلهم لانك بتشوف عندة كل الفئات وكل الالون تقريباً جنب بعض، ودى بيسهلك المقارنة)


    المصرية/القرش/الملك/سلطان/فرست اوتو،،،،،،،،،،،،،،،،،،،،، ،،،،،،،،،،،،،،،،،،



    ملحوظة: علشان المصريين مقتنعين ان السيراتو السعودى هى الافضل ، والاردنى والعراقى هى


    الاسوء، فكتير من المعارض بتقول على العربية سعودى ، وتطلع حاجة تانية.


    يعنى احنا البنخلى المعارض تضحك علينا ، يعنى بنعمل زى البيحضر عفريت ويرجع


    يخاف منة.




    وفى النهاية اتمنى اكون ساهمت ولو بقدر بسيط فى مساعدة الناس البتفكر فى الخليجى، وياريت يا جماعة لو حد عندة اضافة او توضيح او تصحيح يقول علية، بحيث يكون الموضوع محدث اول باول، ويارب يكون فية افادة، واشكركم .


    للامانة/ الموضوع بيشمل بعض البيانات المنقولة من مواضيع/تعليقات بعض الاعضاء فى المنتدى.




    شكرا لتوضيحك بس كدة الواحد يشترى وكيل ويريح دماغة بدل اللعب فى موضوع خليجى وتطلع اردنى او شرق اوسط وعايز اسال سواللللللل اشمعنى السيراتو بسسس اللى فى منها خليجى ومافيش فى كل العلامات التانية وشكرا


  5. #5

    الصورة الرمزية afrikano

    رقم العضوية : 153968

    تاريخ التسجيل : 31Dec2013

    المشاركات : 172

    النوع : ذكر

    الاقامة : الاسكندرية

    السيارة: سيراتو 2014 ان شاء الله :)

    السيارة[2]: دايو لانوس 2008

    الحالة : afrikano غير متواجد حالياً

    افتراضي -

    معلومات جميلة جدا تسلم ايدك

    بس عندى سؤال معلش لانى المفروض هنزل الاسبوع دة اجيب سيراتو خليجى اعلى فئة

    هل هى مصفحة من تحت ؟
    يعنى العربية من تحت زيها زى الوكيل ولا بتختلف ؟


  6. #6

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي -

    اقتباس المشاركة الأصلية كتبت بواسطة shifoo68 مشاهدة المشاركة
    شكرا لتوضيحك بس كدة الواحد يشترى وكيل ويريح دماغة بدل اللعب فى موضوع خليجى وتطلع اردنى او شرق اوسط وعايز اسال سواللللللل اشمعنى السيراتو بسسس اللى فى منها خليجى ومافيش فى كل العلامات التانية وشكرا
    ياباشا العربيات الموجهة لمصر (مواصفات شرق اوسط) ودى مذكور فى كتالوج العربية، علماً ان مفيش فرق فى اساسيات العربية (المحرك والاجزاء الميكانيكية والعفشة والصاج،،،) وال بتعتبر مؤثرة،،،، الفرق فى الكماليات والتجهيزات الاضافية (الاوبشن).

    من ناحية اخرى جميع العربيات في منها خليجى ، بس التجار بتستورد العلية طلب وممكن يعمل فرق سعر، زى ما كان قبل كدة الخليجى منتشر فى فترة فى اللانسر وفترة اخرى التويوتا والجيتا والالنترا، والاوكتفيا ،والبيجو،،،،،،، وكمان فى موديلات متنفعش تنزل مصر زى الاسبورتج علشان الخليجى كلة 2000سى سى.


  7. #7

    الصورة الرمزية said.d.y

    رقم العضوية : 37730

    تاريخ التسجيل : 10Apr2009

    المشاركات : 571

    النوع : ذكر

    الاقامة : maadi

    السيارة: Mercedes A Class 2020

    السيارة[2]: Mercedes CLA 2022

    دراجة بخارية: no

    الحالة : said.d.y غير متواجد حالياً

    افتراضي -

    اقتباس المشاركة الأصلية كتبت بواسطة afrikano مشاهدة المشاركة
    معلومات جميلة جدا تسلم ايدك

    بس عندى سؤال معلش لانى المفروض هنزل الاسبوع دة اجيب سيراتو خليجى اعلى فئة

    هل هى مصفحة من تحت ؟
    يعنى العربية من تحت زيها زى الوكيل ولا بتختلف ؟
    فى الغالب الخليجى وخصوصاً السعودى موش مصفح من تحت المحرك ، ودى علشان زيادة كفاءة التبريد ومواصفات المناطق الحارة.

    وسؤالى لحضرتك هل موضوع التصفيح من تحت دى مهم ومؤثر فى العربية؟


  8. #8

    الصورة الرمزية OmarEzzat93

    رقم العضوية : 155003

    تاريخ التسجيل : 22Jan2014

    المشاركات : 218

    النوع : ذكر

    الاقامة : الزقازيق

    السيارة: لا يوجد

    السيارة[2]: سيراتو 2014

    الحالة : OmarEzzat93 غير متواجد حالياً

    افتراضي -

    الفئه التانيه فى الخليجى هل فيها abs و اموبليزر ولا لا و هل الوكيل مصفح من تحت


  9. #9

    الصورة الرمزية ابو ليلى

    رقم العضوية : 61530

    تاريخ التسجيل : 09Feb2010

    المشاركات : 5,916

    النوع : ذكر

    الاقامة : EL Haram

    السيارة: no

    السيارة[2]: kia new cerato 2010

    دراجة بخارية: no

    الحالة : ابو ليلى غير متواجد حالياً

    افتراضي -

    كل التحية والتقدير للموضوع المميز والجهد المبذول والواضح
    واتمنى من الاعضاء اللى يعرف اى معلومة او سعر يضيفها فى الموضوع لانه اكيد هيفيد غيره ويعتبرها زكاة عن عربيته .
    لينا مناقشة اكتر بالموضوع باذن الله .


  10. #10

    الصورة الرمزية afrikano

    رقم العضوية : 153968

    تاريخ التسجيل : 31Dec2013

    المشاركات : 172

    النوع : ذكر

    الاقامة : الاسكندرية

    السيارة: سيراتو 2014 ان شاء الله :)

    السيارة[2]: دايو لانوس 2008

    الحالة : afrikano غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة tiggosaid مشاهدة المشاركة
    فى الغالب الخليجى وخصوصاً السعودى موش مصفح من تحت المحرك ، ودى علشان زيادة كفاءة التبريد ومواصفات المناطق الحارة.

    وسؤالى لحضرتك هل موضوع التصفيح من تحت دى مهم ومؤثر فى العربية؟

    اها مهم
    لان مطبات فى مصر زى مانت عارف المطب بيبقى بطول العربية ههههه
    فلو مصفحة من تحت وحكيت فى مطب ولا حاجة مش هتقلق اوى !



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. استفسار عن تركيب مثبت سرعه للسيراتو 2014
    بواسطة Maged93 في المنتدى كـــــيا
    مشاركات: 4
    آخر مشاركة: 16-03-2014, 03:08 AM
  2. معرض اندورز 2012 من 5 ابريل وحتي 8 ابريل
    بواسطة corsair في المنتدى المنتــــــدى الاجتمــاعى
    مشاركات: 19
    آخر مشاركة: 10-04-2012, 06:37 PM
  3. صيانة ال 1000 كيلو للسيراتو الخليجى
    بواسطة raya1111 في المنتدى كـــــيا
    مشاركات: 9
    آخر مشاركة: 23-08-2010, 10:06 PM
  4. كتيب الضمان للسيراتو الخليجى
    بواسطة TERNA في المنتدى كـــــيا
    مشاركات: 4
    آخر مشاركة: 13-09-2009, 09:15 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2