الموضوع: خاصية الأضاءة عن بعد للرينو فلوانس...رفاهية

راكن فى مول كبير زى كارفور بالليل و الدنيا زحمة و مش لاقى عربيتك، نازل جراج ظلمة، نازل متأخر و راكن فى شارع ظلمة، حد واقف جنب عربيتك و قلقان منه و عايزه يمشى و الكتير من المواقف اللى بتقابلنا يومياً.....الحل فى خاصية الأضاءة عن بعد اللى فى الرينو فلوانس



ببساطة دوس على زر الأضاءة رقم 3 اللى فى ال SMART CARD سوف يضىء الكشاف العالى لمدة 30 ثانية ليكشف لك مكان عربيتك، ينور الجراج او الشارع الظلمة و يطفى لوحده اتوماتيكياً و بالضغط عليه مرة تانية يمكن غلقه يدوياً

لاحظ ان range الكارت فوق ال 15 متر من العربية مع عدم وجود عوائق مرتفعة

طبعاً الكلام ده غير خاصية SEE ME HOME LIGHTNING اللى بنشغلها من دراع الكشاف العالى لما نشده علينا بعد ما نطفى العربية و ليه 4 تظبيطات 30, 60, 90 و 120 ثانية عن طريق عدد شدادات دراع الكشاف ناحيتنا و كأننا بنقلب النور العالى، كل شدة ب 30 ثانية و بيكتبلنا فى الشاشة see me home 60 seconds

استمتعوا بسيارتكم الفلوانس