-
زرار المفاجئ
بسم الله الرحمن الرحيم
يا جماعة انا اول مرة اركب عربية اوتوماتيك (اوبل استرا 2005) المهم فيه زرار فى الفتيس فا بسأل اللى قريبى قالى اوعى تدوس على الزرار ده عشان ده المفاجئ بيخلى العربية سرعتها تزيد 50 كيلو مرة واحدة وممكن تعمل حادثة لقدر الله :robo: وقالى ده عشان المواقف الحرجة لو هتعمل غرزة مثلا او مزنوق بين العربيات ..
اولا انا مش فاهم ايه برده فايدة الزرار ده
ثانيا هل ده استخدامه بيأثر على العربية فيما بعد
شكرا
اخوكم يوسف
-
معلش بس عندي سؤال......هو قريبك قوى يعنى ؟؟؟ :) :) :)
يا باشا الكلام ده فى شئ من الصحة
الزرار ده عشان ال Sport mode يعنى لو عاوز تخلى العربية بدل ما تنقل وهى على 4 RPM تنقل على بداية الأحمر فى عداد ال RPM يعنى حرق على النقلة
بس مش خيخلى العربية سرعتها تزيد 50 كم مرة واحدة ولا حاجة
زى لما تكون راكب عربية مانيوال لو فضلت ماشى على الأول أو التانى هل العربية هتنقل لوحدها ؟؟ طبعاً لأ بس الفرق الوحيد أن فى الأسترا هينقل لوحده لما يبقى مينفعش يزود على النقلة أكتر من كده
و طبعاً أستخدامه كتير مش كويس
-
esmo overdrive
we mafish zorar fel dnya yezawedak 50 km men 3ando kda ya3ni
zy ma 2alak kda by7ra2 fel na2la we yedik sor3a kowayesa awy bas 3ala 7esab el banzen tab3an
-
هو فعلا العربية بتنط ;) و فعلا في زرار بس مش 50 كم مش نيتروز هو يعني هو فعلا زي ما قالك كده بتستعمله لما تكون عايز تتطلع من عربية او عايز تاخد حتة بسرعة هو بيحرق على النقلة
بس ما تستعملوش كتير يعني بيحمل على الموتور شوية
-
شكرا اوى اوى على ردودكم وشكرا على المعلومة الجميلة من احلى اوبلاوية
اخوكم يوسف
-
ال Sport mode مش بس بيأخر النقلات يا اخوانا وبس
ال sport mode ده نظام متكامل
يعنى بيظبط الموتور على طريقه عمل مختلفه تماما
يعنى بمعنى اصح بيلعب فى الFuel Maps
وعشان تتاكد لو استخدم الاسبورت مود هتلاقى استجابه الموتور اعلى بكتير
وصوته اعلى عن الطبيعى
عشان بيلعب فى كمية خلط الهواء بالبنزين وفى وقت الشراره عشان يديك اندفاع اسرع وقوة سحب اقوى
وطبعا ده كله على حساب الاستهلاك
Content Relevant URLs by
vBSEO 3.6.0 PL2