عندك وظائف مخفيه فى سيارتك ؟ يا ريت تقولنا عليها

**Land_Cruiser** · 30-03-2014 10:03 AM

السلام عليكم
فكره الموضوع للأمانه مأخوذه من هذا الموضوع تحديداhttp://www.nilemotors.net/Nile/412992-bmw-e46.html و كل الشكر لكاتبه و قد قررت عمل الموضوع ده بحيث انه يكون موضوع عام لكل الماركات و الموديلات يعني اي حد منا عنده معلومات عن وظائف مخفيه او أوبشنز موجوده فى عربيته و لكنها غير معروفه لأغلبيه الناس أو مثلا اكتشفها بالصدفه يا ريت يشارك بها فى الموضوع لكي يستفيد بها أكبر قدر من مالكين الموديل ده و طبعا ياريت نبقي نضع فيه الماركه و الموديل و سنه الصنع علشان المعلومه تبقي كامله

**abohend** · 30-03-2014 12:18 PM

في هاند بوك مع العربية
مش بيسيب حاجة إلا و بيذكرها
مفيش حاجة إسمها مخفية
ممكن بس في أبشن صاحب العربية مش عارف يستفيد بيه
و لما بيسأل في القسم المختص محدش بيتأخر عليه
تحياتي

**omaranes77** · 30-03-2014 12:41 PM

لو كنت فاتح النور الصغير ونزلت من العربية فية انزار بيشتغل
اي خدمة
هههههههههه
skoda octavia a4

**FAR!D** · 30-03-2014 01:20 PM

المشاركة الأصلية كتبت بواسطة abohend

في هاند بوك مع العربية
مش بيسيب حاجة إلا و بيذكرها
مفيش حاجة إسمها مخفية
ممكن بس في أبشن صاحب العربية مش عارف يستفيد بيه
و لما بيسأل في القسم المختص محدش بيتأخر عليه
تحياتي

مش شرط كل حاجه في العربيه بتتكتب في المانويلو خصوصا لو تخص الصيانه والفنيين

**FAR!D** · 30-03-2014 01:23 PM

صعب اقول حاجه عن النوبيرا لانها اتهرت في 300 فيلم قبل كده هههههه
بس فكره الموضوع هايله و المطلوب من باقي الناس تفاجأنا بأوبشن عربياتها

**Samir Elshahawy** · 31-03-2014 04:34 PM

- السيارة : هيونداي ألنترا md أول فئة أوتوماتيك
- سنة الصنع : 2011

أولا.. الوظائف الغير معلومة للمستخدمين و لكنها موجودة بالكتالوج :
- تغيير طريقة عمل نظام الانذار خاصة عند ترك السيارة متوقفة لفترة طويلة من خلال زر بعلبة الفيوزات
- الغلق الذاتي لضائة التابلوه و أنوار السيارة بمجرد فتح باب السائق و اعادة تشغيل الانوار مع وضع المفتاح في الكونتاكت مرة أخري
- تشغيل أشارات الانعطاف ثلاث مرات بضغطة واحدة خفيفة علي ذراع الاشارات
- عند الضغط علي زر التبريد للزجاج الامامي (في حالة وجود تكثف لبخار الماء) يتم تشغيل ضاغط التكييف و فتح بوابة تجديد الهواء بشكل تلقائي
- وجود زر بلوحة التحكم في التكييف لتشغيل سخانات المرايات الجانبية مع أزالة بخار الماء من الزجاج الامامي
- وجود لمبة بيان الاستهلاك الاقتصادي للبنزين بشاشة الرحلات و التي علي أساسها يستطيع السائق التحكم في طريقة قيادته للسيارة و التحكم في أستهلاكها للبنزين

ثانيا.. الوظائف الغير معلومة للمستخدمين و الغير مكتوبة بالكتالوج:
- أعادة شحن بطارية مفتاح السيارة ذاتيا عند وضع المفتاح بالكونتاكت و تشغيل السيارة

هذا كل ما أتذكره الان و أرجو من الاخوة مالكي نفس الموديل أضافة أو تصحيح أي من المعلومات السابقة

و شكرا جزيلا علي الموضوع الرائع و المفيد

**MohamedSamy06** · 31-03-2014 07:04 PM

المشاركة الأصلية كتبت بواسطة samir elshahawy

- السيارة : هيونداي ألنترا md أول فئة أوتوماتيك
- سنة الصنع : 2011

أولا.. الوظائف الغير معلومة للمستخدمين و لكنها موجودة بالكتالوج :
- تغيير طريقة عمل نظام الانذار خاصة عند ترك السيارة متوقفة لفترة طويلة من خلال زر بعلبة الفيوزات
- الغلق الذاتي لضائة التابلوه و أنوار السيارة بمجرد فتح باب السائق و اعادة تشغيل الانوار مع وضع المفتاح في الكونتاكت مرة أخري
- تشغيل أشارات الانعطاف ثلاث مرات بضغطة واحدة خفيفة علي ذراع الاشارات
- عند الضغط علي زر التبريد للزجاج الامامي (في حالة وجود تكثف لبخار الماء) يتم تشغيل ضاغط التكييف و فتح بوابة تجديد الهواء بشكل تلقائي
- وجود زر بلوحة التحكم في التكييف لتشغيل سخانات المرايات الجانبية مع أزالة بخار الماء من الزجاج الامامي
- وجود لمبة بيان الاستهلاك الاقتصادي للبنزين بشاشة الرحلات و التي علي أساسها يستطيع السائق التحكم في طريقة قيادته للسيارة و التحكم في أستهلاكها للبنزين

ثانيا.. الوظائف الغير معلومة للمستخدمين و الغير مكتوبة بالكتالوج:
- أعادة شحن بطارية مفتاح السيارة ذاتيا عند وضع المفتاح بالكونتاكت و تشغيل السيارة

هذا كل ما أتذكره الان و أرجو من الاخوة مالكي نفس الموديل أضافة أو تصحيح أي من المعلومات السابقة

و شكرا جزيلا علي الموضوع الرائع و المفيد

شكرا يا بشمهندس على المعلومات بس معلش محتاج تعرفنى اكتر بالنسبه ل :

تغيير طريقة عمل نظام الانذار خاصة عند ترك السيارة متوقفة لفترة طويلة من خلال زر بعلبة الفيوزات
انهى علبه فيوزات اللى جوا العربيه ولا اللي في الكبوت وايه اللى ممكن يتغير ؟

وجود زر بلوحة التحكم في التكييف لتشغيل سخانات المرايات الجانبية مع أزالة بخار الماء من الزجاج الامامي
فين دا بقى ؟؟ عملتها ازاى دى دا العربيه بقالها معايا سنتين اهو ومش عارف فين الاوبشن دا

فعلا معلومتين جداد عليه جدا

وشكرا