قل لن يصيبنا الا ما كتب الله لنا الحمد لله عربيتى اتخبطت
الحمد لله وقدر الله وما شاء فعل امبارح وانا على الصحراوى قبل البوابة وماشى فى امان الله وكان الطريق فيه شغل وحالته سيئة جداوكانت سرعتى حوالى60 او اقل واذا بسواق ميكروباص ربنا يغفر لنا وله عايز يقطع الطرق ولا باصص ولاحتى مهدى وتديله كلاكس ما فيش فايدة يدوب عديت بنصف العربيه والمعلم راح داخل فى الباب اللى وراياوخد معاه جزء من الرفرف تحت تنك البنزين والحمد لله انا كنت واخد الاولاد عشان افسحهم بمناسبة العربية الجديدة ولاكن الحمد لله قدر ولطف المهم ان الباب والرفرف عايزين شغل سمكرة انهاردة ان شاء الله هروح لسمكرى ناس بتشكر فيه ونشوف هيعمل ايه وربنا المستعان وربنا يكفيكم شر الحوادث ويبعد عنكم كل شر فهو سبحانه وتعالى ولى ذلك والقادر عليه
لا حول و لا قوة إلا بالله
قدر الله و ما شاء فعل
محدش بيسيب حد في حاله
واحد بن حلال برضه رسم على باب الراكب اﻷمامي
ربنا يصبرك و يخلف عليك