ازاي تقدر توسع طريق لعربية الاسعاف و الطريق زحمة
سلام عليكم
استكمالا للحديث بخصوص عربية الاسعاف و الطريق قدامها
ماشي و الطريق زحمة .....
سمعت صوت سارينة عربية الاسعاف جاية من ورا
بتيجي اللحظة اللي هتاخد فيها القرار
عايز توسع لها , حتى لو هي لسه بعيدة عنك , و تساهم في انقاذ حياة انسان راكب فيها او هي رايحة له ؟
ولا مش مهتم و هاتمشي زي ما انت و الموضوع ما يخصكش ؟
مش هاسأل ان كنت كمان مش هاتسمح لها تعدي :(
الاجابة عموما بتاعتك حسب انت شايف نفسك ايه كبني أدم
بس ده اتكلمنا فيه في الموضوع اللي فات
بالنسبة للناس اللي عايزة توسع لها و تعديها بس مش عارفين يعملوا ايه
تابع معايا
مبدئيا بتحاول تحدد عربية الاسعاف لما توصل جنبك هاتعدي من انهي حارة , و تبدأ تبعد عن الحارة دي
صعب
انا عارف و مش في كل الاوقات باقدر اعمل كده
لكن خلينا نشوف
الحالة العادية
http://imageshack.com/a/img833/6866/ju5j.png
و دي سهلة , لما بتكون عايز توسع بيبقى الواحد فينا عايز شوية جرأة بس عشان يكبر من الناس اللي ماعندهاش احساس اللي هاتضرب له كلاكسات و تتخانق معاه
http://imageshack.com/a/img35/6483/5fv7.png
الحالة الاصعب بقى
لما يكون الطريق زحمة بقى و ماشي بطيء زي كده
http://imageshack.com/a/img404/667/cstl.png
في الحقيقة هو نفس الحل, بتاخد حارة غير اللي فيها عربية الاسعاف ............... و تقف او تمشي بطيء جدا !
ايه الاستفادة ؟
مبدئيا الحارة اللي وقفت فيها دي هايتخانقوا معاك كلهم
معلش بسيطة
لكن اللي هايحصل ان الحارة اللي فيها عربية الاسعاف و الحارة اللي جنبها هايفرغوا في الحتة الفاضية اللي سبتها قدامك و ده هايخلي عربية الاسعاف توصل للنقطة اللي انت فيها اسرع , و ده حـــــــــقها
و بكده تبقى عملت اللي عليك و الباقي بتاع واحد تاني بقى ربنا يكرمه و يعمل زيك كده
http://imageshack.com/a/img28/9659/m33n.png
عايز تعرف الفرق بين زمن وصول عربية الاسعاف لما الناس توسع لها و بين لما يطنشوها ؟
مش مقتنع ان التوسيع لعربية الاسعاف ممكن حتى في ازحم الطرق لو الناس عندها القدر الكافي من التحضر و الانسانية ؟
اتفرج على الفيديو ده
https://www.youtube.com/watch?featur...&v=UG6jtga3oGI