عرض للطباعة
السلام عليكم ورحمه الله
محتاج الفترة الجاية اجيب غسالة اوتو بمجفف
هل حد ليه تجربه حلوة او سيئة مع نوع معين ؟
انا ناوي علا ال جي بالمجفف
هل في نصيحة في موديل معين
وانا عايز 7 كجم فيما فوق
هل فعلا الاحجام الكبيرة سيئة وفيها مشاكل زي ال 9 وال 10 ؟
شكرا مقدما
زانوسى ال 7 كجم ممتازه جدا
الوكيل بقى اوليمبيك جروب
ممكن ياخدوا الغساله القديمه ب 10 % من تمن الجديده و التوصيل و التركيب مجانا للبيت
عندى lg حلوة قوى 7ك مفيش ان شاء الله منها مشاكل
عندي ايستون بس مش فاكر كام كجم و شغالة تمام الحمد لله
لسه مشترى واحده لعميل فى الشركة عندنا كانت lg مساحة 10كيلو و6كيلو مجفف بس صناعه كورى
من اسواق القاهره للمبيعات وكانت ب 6690 جنيه والتوصيل مجانا..وبعتوله معاها منشر غسيل هديه :)
ال إل جي .. شغاله زي الفل 7 كيلو .. و جبت لواحد صاحبي إل جي 9 كيلو من 5 شهور .. و ما شاء الله زي الفل .. البرامج بتاعتها كتيره .. و هي غساله مريحه و أخف صوت في السوق تقريبا ..
المشكلة اني مش لاقي ال جي 7 او 8 كيلو بمجفف في السوق
كله عادي
ومش بستريح لزانوسي تجاربي معاه زفت هي صناعه ايه اللي عندك ahmedteam
ال جي وسامسونج احسن سعر واداء
احسن حاجه فى السوق lg
فيه منها موديلين بالمجفف ٧ و ال ١٠
مجفف و مبخر للتعقيم و فيه مجفف بس
كل اللى اشتراها شكر فيها ... انا لسه مجبتهاش بس بقولك اللى وصلت له :)))
عندي lg
7كيلو وهي فوق الممتازة صوت قليل جدا واعطال معدومة ولله الحمد كفائة في تنظيف الغسيل بشكل رااائع جدا وتكنولوجيا عالية زي مثلا ( لو كيمة المياة الداخلة لها قليلة تعطيك تحذير - لو الغسيل ثقيل عليها تقف وتعطيك تحذير بثقل الوزن - لو الباب غير مغلق بشكل جيد ايضا تعطيك تحذير واشياء اخرى ) وشكلها اشيك من غسالات كتير جدا وخصوصا اللون السيلفر
شكرا جزيلا لذوقكم واضح انها في الاخر lg
اقتباس:
المشاركة الأصلية كتبت بواسطة karim_monir
معقوله يا فندم .. روحت عبد العزيز طيب .. دي كانت كميات مريبه لما نزلت أخر مره من 5 شهور .. انا كان معايا نمره تاجر هناك .. هحاول أوصله
LG أكيد
عندى ال7 كيلو من غير مجفف وممتازة
ودول 6 موديلات بالمجفف نقى اللى يعجبك :)
ال جى غسالة ملابس 7 كيلو بالمجفف 4 كيلو سيلفر F1296VDT4 – القاهرة للمبيعات – LG مصر
ال جى غسالة ملابس 8 كيلو بالمجفف 4 كيلو سيلفر F1496ADT4 – القاهرة للمبيعات – LG مصر
ال جى غسالة فول اتوماتيك 10 كيلوبالمجفف6 كيلو: F1480RD5 – القاهرة للمبيعات – LG مصر
ال جى غسالة ملابس 10 كيلو تجفف 6 كيلو بالبخار سيلفر F14A8RDS7 – القاهرة للمبيعات – LG مصر
غسالة ملابس ال جى 13 كيلو بالمجفف 8 كيلو استانليس F1252RD7 – القاهرة للمبيعات – LG مصر
ال جى غسالة ملابس 17 كيلو تجفف 9 كيلو بالبخار استانليس F1255RDS7 – القاهرة للمبيعات – LG مصر
انا شايف الموديل ده كويس F14A8RDS7 وبرده على حسب ميزانيتك
غساله أتوماتيك سعه 10.2 كيلو بالبخار | إل جى للإلكترونيات مصر
جود لك :)
شكرا جزيلا ولا افضل الشراء من عبد العزيز لتجارب سيئة جدا في النقل ولو حصلت حاجة في الغسالة مالكش حق ومش هاتعرف تاخد حقك
وانا كنت سمعت عن قلة قطع غيار الغسالات فوق ال 8 كجم لان مبيعاتها قليلة بالنسبة لل 5 و ال 7 وال 8
هاتلاقيها فى ماركاتوا فى مدينة نصر وعندهم خدمة توصيلاقتباس:
المشاركة الأصلية كتبت بواسطة karim_monir
lg بتوفر قطع الغيار لكل الموديلات
انا عندي ال جي بالمجفف 8 كيلو بقالها 6 شهور
زي الفل
مش ح تندم ابدا انك جبتها
لما تتعود علي تشغيلها وتعرف اسلوبها ح ترتاح جدا
نشر الملابس اصبح وسيلة تلوث حاليا
...
وعلى فكرة طاقة التجفيف بتبقي نصف وزن طاقة الغسيل
يعني ال 8 كيلو بتبقي تجفيف 4 كيلو
مبروك مقدما
نسيت اقولك
القاهرة للمبيعات بتوصل الغسالة للبيت والدفع عند الاستلام
ريح دماغك من عبعزيز ومقالبه السخيفة
شكرا جزيلا ليكم هي ال جي ان شاء الله
زانوسي مكونات ايطالي بالكامل تجميع في مصر فقط 10 كيلو بالمجفف 6500 جنيه بضمان اوليبميك جروب