الموضوع: مشكلتي مع عز العرب (بروتون - ساجا )

انا بحييك علي انت عملتو معاهم.اخويا و هو بيعمل صيانة التلاتين الف في الجين تو في فرع العجوزة (موديل 2010 و الكلام ده في نوفمبر 2013) و هو بياخد بيانات العربية بيقولله انت معملتش صيانات عندنا؟ قاللول بعملها كلها عندكو و الراجل مصمم انه لا المهم فين و فين علي ما اقتنع

المشاركة الأصلية كتبت بواسطة m10_10

ربنا يخليك يا باشا ..

اخر التطورات .. يوم الاحد بعدت ميل لبروتون عز العرب على الايميل وشرحت فيه المشكلة .. بالليل لاقيت ميل من احمد مرزوق بيقولي فيما معناه ان العربية خرجت برة الضمان وانت اخر مرة جيت فيها التوكيل يوم 30/10/2012 وانت مش منتظم في عمل الصيانات .. وبالتالي العربية خرجت من الضمان وانا اللي اقدر اعملهولك خصم 15% .. رديت في ساعتها قلتله دة دليل اكبر على ان تم طلب قطعة الغيار في فترة الضمان وقبل مالضمان يسقط .. لاني ماروحتش التوكيل من ساعتها .. يبقا امتى طلبت القطعة وانا ماروحتلكوش من بعدها .. وازاي هاطلب اي قطعة مش موجودة زي دي من غير مادفع عربون لو انا كنت طالبها وكان الضمان اتشال .. ولو سمحت راجع ميعاد طلب القطعة عندك وانت هاتعرف انه تم الطلب في فترة الضمان واني طلبت منك ومن اللي كلمني يقولي امتى حصل الطلب دة وانتوا كلكوا رفضتوا تقولولي امتى .. واي كلام تاني لا يعنيني في اي شئ .. ولو قلتلي هانديلك خصم 95% برضو هارفض لان مش انا اللي اخرت وصول قطعة الغيار طول المدة دي ..

امس (الاثنين) كلمني م. احمد مرزوق وقالي تعالى التوكيل وهات معاك الفواتير .. بصراحة قلقت من اني اروح بالاصول عشان كدة صورتها وروحت بالصور وخليت الاصول معايا وروحتله تاني يوم .. وتعمدت ماخشش معاه في اي نقاش بخصوص الفاتورة دي مكتوب فيها اية ودي مكتوب فيها اية ..لان ببساطة كلنا بعد الصيانة باخد الفاتورة ونشوف فيها اية وندفع ونمشي مابنبصش هو كتب اية فيها ولا عمل اية ولا كتب كان فيها واتصلح ولا مكانش فيها اية .. كلنا بناخد الورق ونحطة في جيبنا وخلاص ( للعلم لاقيت اثناء ماكنت متابع في الصيانات عندهم انهم غيرولي البوجيهات في ال25 الف وبعدين في 35 الف مغيرنها تاني وفي المرتين طبعا انا محاسب عليها) ..

المهم تاني يوم روحت ومعايا الورق واديتهوله وقلتله على فكرة انا عرفت من ناس برضو حصل معاهم نفس الحركة دي واتأخر عليهم قطعة الغيار وقالولهم ان عربياتكوا خرجت برة الضمان .. وقلتله عندك في الورق انا اخر مرة روحت عصاية الفتيس اتغيرت وكان دة تبع الضمان يعني ساعتها كان الضمان ساري ومكانش سقط .. وساعتها لما المهندس كشف عالعربية وجربها انا ساعتها وقال محتاجة تغيير المساعدين الامامي قلتله ماشي .. ماجاش في بالي اقوله لا انتو هاتتأخروا عليا وهاتنكروا انها محتاجة حاجة وتيجوا تدفعوني تمنها .. ساعتها ماجاش في بالي اقوله اثبت عندك بورقه .. وحركة الورقيات بتاعتكم انا ماليش فيها واللخبطة دي برضو ماليش فيها .. وسيبتله الورق ومشيت ..

بعد ماروحت لاقيت جهاز حماية المستهلك كلمني وشرحتلهم الحكاية تاني وقالولي هانشوف الحكاية معاهم ونرد عليك وابعتلنا عالميل الفواتير والميل اللي كان بينك وبينهم .. قلتلهم ماشي ..

بعدها لاقيت احمد مرزوق بيكلمني وبيقولي حضرتك فاضي بكرة تيجي تغير المساعدين .. قلتله اه فاضي وهاجيلك بكرة . ان شاء الله اروحله بكرة يخلصني من الهم دة ..


نصيحة لكل واحد بيتعامل مع التوكيل .. فواتيرك لازم يتكتب فيها كل كبيرة وصغيرة حصلت لعربيتك .. حتى لو حاجة كانت بايظة وصلحوهالك .. قالولك محتاجة كذا يتغير تبع الضمان قولهم اكتبولي كدة في ورقة المراجعة .. ماتتعاملوش بحسن نية بعد كدة .. ربنا يستر بكرة ومايطلعوليش اي خازوق جديد علشان بجد انا على اخري ..

الله ينور عليك يا برنس .. انا شاء الله ربنا يكرمك وتركب المساعدين .. بس حاول تراقب كده من بعيد وهما بيركبوها وتشوف العلبة الاصلية بتاعة المساعد وسيبك بقى من القعدة فى التكييف ... معلش هنعمل ايه امرنا لله .. احنا بيتكفر ذنوبنا من توكيل عز العرب ده

للاسف هو ده عز العرب !!

انا مش عارف دلوقتي اسب ولا العن ولا اروح ارتكب جريمة ولا اعمل اية مع العالم دي ..

انا روحت يوم الاربعاء حسب مكالمة احمد مرزوق معايا على اني اروح اغير المساعدين .. روحت استقبلني مهندس الاستقبال قالي هانستلم منك العربية بعد البريك قلتله مفيش مشاكل .. فضلت في العربية لحد ماجالي وقلتله تغيير المساعدين تبع الضمان قالي تمام وكشف الكشف الظاهري اللي بيعملوه عالعربية وتمام .. هاتخلص امتى ياعم الحاج ( انا كنت رايحلهم 12 والبريك خلص 12:30 تقريبا) .. قالي هاتخلص 4 .. قلتله المهم اخلص .. طلعت اللاب بتاعي وفضلت قاعد في الاستراحة بخلص شغلي .. المهم جالي تقريبا على 2:30 - 3 كدة قالي العربية خلصت .. قلتله تمام .. اروح فين روح ياباشا هنا والورق مكتوب علية تغيير المساعدين الامامي امضي هنا تمام .. قلتله المساعدين دول ضمانهم قد اية قالي لو حصل فيها حاجة خلال اسبوع هاتهالي .. قلتله اسبوع اية انا بكلمك على اقل واحب بعد 1000 كم ولا حاجة قالي تمام وهاتهالي ..

المهم استلمت العربية ومحدش جربها معايا قلت مش مشكلة .. ركبت العربية الصوت مفيش .. بس العربية في المطبات حاسسها انشف من الاول .. انا كان معايا بونتو غيرتلها مساعدين قبل كدة وبعدها العربية كنت بمشي على عين القطة اللي في الطريق مابحسش بيها .. دي مش عارف مالها .. قلت اللهم اغزيك يا شيطان عادي ياعم مساعدين جداد .. الكلام دة يوم الاربع .. مشيت بيها عالمحور ورجعت البيت وتمام .. الجمعة مابخرجش من بيتنا علشان القلق اللي بيبقا في الشوارع .. السبت ماشي بالعربية وباركنها سمعت نفس صوت الطقطقة .. انا حسيت ساعتها بسوااااااااااااااااد ونار بتغلي جوايا .. المساعدين زي ماهم .. نفس الصوت بس على اققل ودة يدل ان استحالة تكون المساعدين دول جداد ..

مش عارف اعمل اية دلوقتي .. اكشف عليها في مكان يشوفولي المساعدين دول جداد ولا هم هم ومعمولهم صيانه .. ولا في التوكيل ربطولي عفشة وقالولي غيرنهالك ؟؟؟؟ هاتجنن وشكلي هاروح عمل محضر فيهم .. انهاردة روحت لواحد صديقي في حدايق الاهرام .. عارفينها طبعا الطرق مش كويسة هناك وانا اصلا بامشي هادي بس سمعت الصوت كذا مرة وفي الاتنين مساعدين الاماميين .. انا كدة متأكد انهم ماركبوش حاجة جديدة ..

افيدوني اعمل اية في ولاد اللاذينا دول ؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة m10_10

انا مش عارف دلوقتي اسب ولا العن ولا اروح ارتكب جريمة ولا اعمل اية مع العالم دي ..

انا روحت يوم الاربعاء حسب مكالمة احمد مرزوق معايا على اني اروح اغير المساعدين .. روحت استقبلني مهندس الاستقبال قالي هانستلم منك العربية بعد البريك قلتله مفيش مشاكل .. فضلت في العربية لحد ماجالي وقلتله تغيير المساعدين تبع الضمان قالي تمام وكشف الكشف الظاهري اللي بيعملوه عالعربية وتمام .. هاتخلص امتى ياعم الحاج ( انا كنت رايحلهم 12 والبريك خلص 12:30 تقريبا) .. قالي هاتخلص 4 .. قلتله المهم اخلص .. طلعت اللاب بتاعي وفضلت قاعد في الاستراحة بخلص شغلي .. المهم جالي تقريبا على 2:30 - 3 كدة قالي العربية خلصت .. قلتله تمام .. اروح فين روح ياباشا هنا والورق مكتوب علية تغيير المساعدين الامامي امضي هنا تمام .. قلتله المساعدين دول ضمانهم قد اية قالي لو حصل فيها حاجة خلال اسبوع هاتهالي .. قلتله اسبوع اية انا بكلمك على اقل واحب بعد 1000 كم ولا حاجة قالي تمام وهاتهالي ..

المهم استلمت العربية ومحدش جربها معايا قلت مش مشكلة .. ركبت العربية الصوت مفيش .. بس العربية في المطبات حاسسها انشف من الاول .. انا كان معايا بونتو غيرتلها مساعدين قبل كدة وبعدها العربية كنت بمشي على عين القطة اللي في الطريق مابحسش بيها .. دي مش عارف مالها .. قلت اللهم اغزيك يا شيطان عادي ياعم مساعدين جداد .. الكلام دة يوم الاربع .. مشيت بيها عالمحور ورجعت البيت وتمام .. الجمعة مابخرجش من بيتنا علشان القلق اللي بيبقا في الشوارع .. السبت ماشي بالعربية وباركنها سمعت نفس صوت الطقطقة .. انا حسيت ساعتها بسوااااااااااااااااد ونار بتغلي جوايا .. المساعدين زي ماهم .. نفس الصوت بس على اققل ودة يدل ان استحالة تكون المساعدين دول جداد ..

مش عارف اعمل اية دلوقتي .. اكشف عليها في مكان يشوفولي المساعدين دول جداد ولا هم هم ومعمولهم صيانه .. ولا في التوكيل ربطولي عفشة وقالولي غيرنهالك ؟؟؟؟ هاتجنن وشكلي هاروح عمل محضر فيهم .. انهاردة روحت لواحد صديقي في حدايق الاهرام .. عارفينها طبعا الطرق مش كويسة هناك وانا اصلا بامشي هادي بس سمعت الصوت كذا مرة وفي الاتنين مساعدين الاماميين .. انا كدة متأكد انهم ماركبوش حاجة جديدة ..

افيدوني اعمل اية في ولاد اللاذينا دول ؟؟؟؟؟؟؟؟؟؟؟؟؟؟؟؟؟

بص هقوللك حاجة بسيطة تعملها الاول .. طبعا انت عارف ان المساعدين اللى بقالهم فترة طويلة بيكون التراب ماليهم عكس الجداد بيبقوا كانهم لسة مدهونين بوية سوداء .. لف دريكسيون العربية للاخر على الشمال ومرة على اليمين وبص على المساعد حالته ايه وقوللى ايه الاخبار ...

المشاركة الأصلية كتبت بواسطة amrseif

بص هقوللك حاجة بسيطة تعملها الاول .. طبعا انت عارف ان المساعدين اللى بقالهم فترة طويلة بيكون التراب ماليهم عكس الجداد بيبقوا كانهم لسة مدهونين بوية سوداء .. لف دريكسيون العربية للاخر على الشمال ومرة على اليمين وبص على المساعد حالته ايه وقوللى ايه الاخبار ...

انا بفكر اجيب الميكانيكي يشوفهالي من غير مايلمسها واروح اعمل محضر ..
مش عارف اكبر الموضوع لحد كدة ولا امشيها شكاوي ؟؟؟؟؟؟