الموضوع: الأوفردرايف... يعني إيه؟؟؟

المشاركة الأصلية كتبت بواسطة MisterMaN

انا معايا النترا 2004 اوتوماتيك فيها زرار الاوفر درايف..الزرار ده عندى بيعلق وبيهرًب المهم انى لما فجأة بلاقى العربية ال ار بى ام بتاعها بيعلى بعد التانى بمعنى انه دايما بينقل على 3 او اقل لكن فجأه لقيته بيعلى مع السرعه يعنى ممكن على 110 يكون الار بى ام على 4 ولو السرعه زادت الار بى ام بيزيد كتييير عكس اللى بيحصل معايا فى العادى(لانه فى العادى بحيب 130 والار بى ام اقل من 4)..رحت كشفت على العربية فالكمبيوتر قال الفتيس سليم اللى حصل بس ان الاوفر درايف واضح انه معلق(باين فى التالوه انه off بس على الجهاز باين انه on) بسبب الزرار وانى محتاج اغير الزرار وفعلا داس على الزرار كذا مرة ورجعت العربية عادى تنقل على اتنين ونص او تلاته وتطلع 140 والار بى ام 3 او اعلى حاجه بسيطه ده غير انه قالى كويس انك مزودتش عن 100 والا كان ممكن فالف الفتيس يتغير (بس انا عموما مبزودش لما اسمع صوت الموتور عالى او الاقى الر بى ام بيعلى عن 4)

الشاهد فى الموضوع ان الاوفر درايف بيعلى الار بى ام عند السرعات العاليه لان وظيفته انه مينقلش العربية بعد التالت ولو ماشى على الرابع العربية بتسقط لل الثالث والا فا ايه اللى كان بيخلى صوت الموتور والار بى ام عندى يعلى لما الاوفر درايف بيكون شغال

ارجو الافاده وشكرا

تعليقا على الجزء الللي بالأزرق فوق.... الأوفر درايف مقصود بيه يا فندم هو تشغيل ترس الأفردرايف.. وبالتالي تشغيل الترس الرابع اللي بيوفر في البنزين

لما بتظهر في التابلوه لحضرتك العبارة بتاعة O/D off وده اختصار لكلمة (Over Drive Off) فده معناه إن وظيفة الأوفر درايف مطفية والترس الرابع مفصول.. وبالتالي لازم الصوت يعلى لإن العربية شغالة على التالت


الخطأ الشائع عندنا كمصريين إن اللمبة لما بتنور بتنبه حضرتك إن الخاصية دي مش شغالة... مش العكس.. لإنها لمبة إنذار.. بدليل إن لونها دايما أصفر... زي لمبة البنزين.


والمعروف في كود الألوان بالنسبة للعلامات التحذيرية إن الأصفر يستخدم للتنبيه لحاجة ممكن تسبب مشاكل.. بس ما فيهاش خطر

بعكس اللون الأحمر... ده معناه تحذير لحاجة بتسبب خطر على العربية أو خطر علينا.

زي لمبة الفرامل أو لمبة الدينامو أو لمبة الحرارة.




بالنسبة للمشكلة بتاعت الزرار... فأعتقد إنك او رشيت اسبراي من بتاع ( Contact Cleaner) اللي بينضفوا بيه زراير الكاسيتات والأجهزة الكهربائية هيشتغل معاك كويس

ثمن العلية حوالي 25 جنيه.



...

المشاركة الأصلية كتبت بواسطة faroojj

طيب بالنسبة إلى زر السبورت اللى فى الفيتيس الستيبترونيك يعتبر زيه برده ؟؟؟؟

لأ... ده اختصار لكلمة "Snow" أو "ثلج".. وده مهمته أساسا في الدول اللي بتنزل فيها الثلوج علشان ما يعشقش السرعة الأول..

لإنك لو عشقت الأول على الثلج وجيت تطلع .. العربية هتعوم منك وهي شبه واقفة


عموما.. نظام الاستبترونك لوحده يعتبر نظام رياضي.. هو انت محتاج حد يقولك احرق عالموتور؟؟؟

الموتور هيفضل على النقلة اللي انت معشقها لحد ما توصل للخط الاحمر.. وساعتها هينقل للي بعده.