الموضوع: الأوفردرايف... يعني إيه؟؟؟

المشاركة الأصلية كتبت بواسطة Ahmedbasha14

معلش أن عامل لك إزعاج كل شوية

أولاً: شكراً على مجهودك فى تبسيط وإيضاح المعلومات

ثانياً : عندى سؤالين بخصوص موضوع الأوفر درايف


السؤال الأول : هل يوجد خطورة على الموتور أو الفتيس لو مشيت وأنا فاصل الأوفر درايف لفترة طويلة جوه البلد يعنى على سرعات لا تتجاوز ال100 كيلو ؟

السؤال الثانى : لو أنا ماشى على سرعه تقريبا 120 -140 وانا مشغل الأوفر درايف وحبيت أعمل غرزه أو أشد مع عربية تانيه بفصل الأوفر درايف وبالتالى السرعة بتزيد والrpm كمان بيعلى فهل ده نظرياً بيشكل خطورة على الموتور أو الفتيس ؟

مع وافر التحية والتقدير

يا باشا أنا في الخدمة :)

عموما ما تقلقش... مفيش خطورة نهائي من فصل الأوفردرايف جوه البلد... يمكن كل اللي يحصل إنك تلاقي استهلاك البنزين زاد شوية... إنما غالبا سحب العربية هيزيد.


وبالنسبة لفصل الأوفر درايف في حالات الغُرز.. فده عامل بالضبط زي تسقيط النقلات أو الكيك داون...

كتر الحركة دي نفسها غير مستحب.. علشان ممكن تزود استهلاك الرينجات الداخلية بتاعت مجموعات الكلاتشات اللي في الفتيس... إنما لو عملتها ساعة الحاجة بس.. يبقى مفيش قلق إن شاء الله.



في جميع الأحوال... الفتيس الأوتوماتيك بيتعمله صيانة بتغيير الرينجات الداخلية بس على فترات بعيدة جدا (حوالي 300 ألف كيلومتر) تعادل تقريبا عمر العربية.


...