تجربة شراء من Yashry * تمت بنجاح *

السلام عليكم ورحمة الله وبركاتة


من فترة وأنا بلف وبدور على محفظة بشكل ومواصفات معينة لصانع الامريكى

Tommy Hilfiger

http://nileup.com/up/uploads/nilemotors_13961783211.jpg


لقيت منها هنا فى مصر بس مش بنفس الكواليتى والتصميم ومتعدل فيها *ومضروبة* قولت مبدهاش واشتريها من برة اصلـــــى وأريح دماغى ,, دخلت على ادفعلى وحطت اللينك وشوفت الدنيا وحساباتهم وكنت عايز استفسر عن المدة وخدمة التوصيل وياترى السعر دة شامل كل حاجة ؟! اتصلت بخدمة عملاء ادفعلى : الصوت مكنش واضح وكان فية صدى صووت *من عندهم* ومدنيش عقاب نافع !!

المهم قبل ماكلمهم كان فية تسجيل صوتى للموقع



Yashry


http://nileup.com/up/uploads/nilemotors_13961783212.png


ودى كانت بداية معرفتى بموقع ياشرى , دخلت ودورت ع المحفظة ولقيتها وطلبتها


http://nileup.com/up/uploads/nilemotors_13961783213.jpg




وتانى يوم وصلتلى الفاتورة بالتفاصيل وزايد عليها 10 جنية *رسوم الديليفرى *

http://nileup.com/up/uploads/nilemotors_13961783215.jpg



قالولى التكلفة هتكون زى مامكتوبة ع الموقع وشاملة الشحن والجمارك ويضاف عليها 10 جنيهات *فى حالة طلبك لتوصيلها لباب منزلك* ,, وهتوصلك بعد 10 أو 22 يوما *22 يوم كحد أقصى وممكن أقل*

والدولار ساعتها حسبوا ع 7.29

والجمارك لسعت $ 6.30

وياشرى اخدت $ 8.86

http://nileup.com/up/uploads/nilemotors_13961783216.jpg



احسن حاجة فى الموقع أنك تقدر تتابع الحاجة بتاعتك أول بأول دة غير بيتبعتلك مسجات ونوتيفيكيشن على الموبيل والايميل .


http://nileup.com/up/uploads/nilemotors_13961783214.jpg




طبعا الحاجة وصلت فى خلال 14 يومــــا *بالتمام والكمال* وكانت موجودة فى مكتب ياشرى بــ *مساكن الشيراتون* وكانت ممكن توصلى قبل كدة كمان لولا شركة الشحن *واسمها توصيلة* المتخلفة اللى متعاقدين معها اخرووا الاوردر لوجود عطل فنى عندهم –وطبعا استرخمت المشوار ومكنتش فاضى أروحلهم - والحمدلله وصلت بسلامة وبدون أى تقطيع ولامشاكل .


http://nileup.com/up/uploads/nilemotors_13961783217.jpg



وناوى اكررها تانـــــــى http://www.nilemotors.net/Nile/image...0of%20m-s5.gif
فى رعايـــــــــــــــ الله ـــــــــــــــة .

تسويق فيروسى

اهلا بك

اعتقد ان الاتنين واحد ونفس ال owner قصدي على ادفعلي و ياشرى

شكرا لنقل التجربة

ابقى جرب محافظ السامسونايت الاصلية

بس تمنها بتاع 400 جنيه

انا معي دي
http://i1104.photobucket.com/albums/...ps525d10b1.jpg

دلوقت تقدر تجيب من ايباي مباشره و بتدفع باي بال و فرق السعر بيكون جامد مفيهوش عموله ولا ضرايب و لا رسوم شحن داخليه اللي بتستهبل فيهم ادفعلي
و لسه جايب ساعه سيتيزن تمنها هنا ٥٢٠٠ جنيه وقفت بالجمارك و كله ب ٣٨٠٠ جنيه

شكرا على نقل التجربة المفيدة

اقتباس:

---

المشاركة الأصلية كتبت بواسطة hany63

دلوقت تقدر تجيب من ايباي مباشره و بتدفع باي بال و فرق السعر بيكون جامد مفيهوش عموله ولا ضرايب و لا رسوم شحن داخليه اللي بتستهبل فيهم ادفعلي
و لسه جايب ساعه سيتيزن تمنها هنا ٥٢٠٠ جنيه وقفت بالجمارك و كله ب ٣٨٠٠ جنيه

---

ده زي نظام أمازون كده في الحاجات المسموح بشحنها دوليا بس ولا بيشحن أي حاجة على الموقع ؟

مبروك المحفظه جميلة ما شاء الله
مع إنها أكثر أكسسوار بكرهه .. مبحبش الكلاكيع :)

اقتباس:

---

المشاركة الأصلية كتبت بواسطة Secret-Man

تسويق فيروسى

اهلا بك

---

لا متقلقش مش فيروسي و لا حاجه هو BuNsH_FoX كده تقاريره متكامله و شامله و بينقل تجربه فقط

اقتباس:

---

المشاركة الأصلية كتبت بواسطة أبو آسر

شكرا على نقل التجربة المفيدة



ده زي نظام أمازون كده في الحاجات المسموح بشحنها دوليا بس ولا بيشحن أي حاجة على الموقع ؟

---

موقع ايباي نفس بضاعة امازون بالمللي بس خلي بالك عشان بيبقى فيه مستعمل الفكره انك تشوف التاجر بيشحن لمصر ولا لاء و فيه حاجات كتيره شحنها مجاني هوا بيبعتلك بعد تحويل الفلوس بحوالي ٤ ايام رقم الشحنه و شركة الشحن و لو شحن مجاني بتوصل بالبريد العادي انت بتخش على اللنك اللي بيبعتهولك و بتدخل فيه رقم الشحنه و بتعرف وصلت مصر ولا لسه اول ما تعرف انها وصلت تقوم مكلم الخط الساخن للبريد المصري و عن طريق الرقم بتعرف حاجتك وصلت فين و هيا عادة بتروح لمركز الطرود بتاع رمسيس يتقدر عليها الرسوم الجمركيه و بعدين بتتبعت على اقرب مكتب بريد رئيسي تابع للعنوان اللي على الشحنه الفيلم ده كله بيعمل ٣ اسابيع و حاجتك تكون معاك

تقرير ممتاز وللاسف دى الطريقه الوحيده للحصول على منتجات اصليه "بالرغم التكلفه العاليه " ولكنها اضمن طريقه لو حد محتاج منتج اصلى ولكن لو منتج هاى كوبى حتلاقى الاوفر تجيبها مباشره من مصر .
تحياتى وفى انتظار تقارير جديده مميزه .

تقرير مميز و الحلو أنه فيه صور كمان lol

المهم أنه بعد ليلة الجمارك و الشحن دي كلها هتلاقي نفسك موفر ما يقرب من نصف سعرها لو جبتها من مصر..
بس في حاجات تانية مينفعش تلعب فيها اللعبة دي و أوفرلك أنك تشتريها من مصر على طول,, فبيكون أفضل أنك تحسبها صح الأول و تشوف فرق التكلفة قد ايه..

و مبروك عليك المحفظة الطومي :)

سؤال : انت طامس سعر المحفظة ليه في الصور :)
عايزين نعرف المحفظة تمنها الأصلي كام ودفعت كام كله لحد ما وصلتك البيت علشان أنا كنت بفكر من فترة أجيب واحدة فعلا من أمازون برده

اقتباس:

---

المشاركة الأصلية كتبت بواسطة secret-man

تسويق فيروسى

اهلا بك

---

يعنى أيه تسويق فيروسى ، ممكن التوضيح

اقتباس:

---

المشاركة الأصلية كتبت بواسطة hany63

دلوقت تقدر تجيب من ايباي مباشره و بتدفع باي بال و فرق السعر بيكون جامد مفيهوش عموله ولا ضرايب و لا رسوم شحن داخليه اللي بتستهبل فيهم ادفعلي
و لسه جايب ساعه سيتيزن تمنها هنا ٥٢٠٠ جنيه وقفت بالجمارك و كله ب ٣٨٠٠ جنيه

---

هو أيه الفرق بين الباى بال والماستر كارد ، ممكن التوضيح

اقتباس:

---

المشاركة الأصلية كتبت بواسطة jackson_75

هو أيه الفرق بين الباى بال والماستر كارد ، ممكن التوضيح

---

الفكره عشان فيه مواقع كبيره ما بيتعاملوش بكروت الفيزا و الماستر الصادره من مصر فكانت الناس بتعمل كروت باي بال و ده نظام دقع معترف بيه عالميا و دي شبه الفيزا بس كاءنها صادره من امريكا مثلا بس كان فيلم و شغلانه عشان تفتح حساب عندهم
في الفتره الاخيره باي بال بقت بتسمح انك تفتح حساب عندها عن طريق عمل اكونت عندهم و تسجل فيه الفيزا العاديه اللي من مصر بتاعتك فالمشكله اتحلت بمجرد ما بتختار طريقة الدفع باي بال بيطلب منك الاسم و كلمة السر يقوم خاصم الفلوس من الكارت بتاعك و محول الفلوس للتاجر تقدر تقول انه وسيط

مشكووووووووووووووور على التوضيح اخى الكريم

اقتباس:

---

المشاركة الأصلية كتبت بواسطة Secret-Man

تسويق فيروسى

اهلا بك

---

بالظبط كدة التسوق عبر النت مش فيروسى بس دة أدمــــــــان !!

اقتباس:

---

المشاركة الأصلية كتبت بواسطة A_H_M_A_D

اعتقد ان الاتنين واحد ونفس ال owner قصدي على ادفعلي و ياشرى

---

تمــــام كدة وأنا شايف ياشرى أفضل من أدفعلى بغض النظر أنهم شركة واحد :fun_10_9_134[1]:

اقتباس:

---

المشاركة الأصلية كتبت بواسطة د.محمود صلاح

شكرا لنقل التجربة

ابقى جرب محافظ السامسونايت الاصلية

بس تمنها بتاع 400 جنيه

انا معي دي
http://i1104.photobucket.com/albums/...ps525d10b1.jpg

---

أأة اسمع عنها يادكتور محمود بس الفكرة أنى بدور ع حاجة صغيرة عشان متكلكعش فى جيبى :Copy of m-s5:

اقتباس:

---

المشاركة الأصلية كتبت بواسطة hany63

دلوقت تقدر تجيب من ايباي مباشره و بتدفع باي بال و فرق السعر بيكون جامد مفيهوش عموله ولا ضرايب و لا رسوم شحن داخليه اللي بتستهبل فيهم ادفعلي
و لسه جايب ساعه سيتيزن تمنها هنا ٥٢٠٠ جنيه وقفت بالجمارك و كله ب ٣٨٠٠ جنيه

---

ماهوة بنسبالى أول طلعة فى التسوق عبر النت ولسة بقول ياهادى كبداية كويسة وبعد كدة نبقى نستشيرك لو فى حاجة ..
ومبرووك عليك الساعة وتعيش وتدوبها :grin21:

مميز دايما فمواضيعك
مبروك

مبروك عليك
أنا جايب اختها من سنة ونص من أمازون ب 18 دولار وشحنتها على واحد صاحبي في امريكا وهو بعتهالي مع حد نازل فوفرت كتير

اقتباس:

---

المشاركة الأصلية كتبت بواسطة HOSSAM99

مبروك المحفظه جميلة ما شاء الله
مع إنها أكثر أكسسوار بكرهه .. مبحبش الكلاكيع :)


لا متقلقش مش فيروسي و لا حاجه هو BuNsH_FoX كده تقاريره متكامله و شامله و بينقل تجربه فقط

---

الله يبارك فيك .. ولله ولا أنا وكنت أول مرة فى حياتى اشيل فيها محفظة كان أول امبارح :nemoflow:
بس جبتها لأنى مرة انسى الفلوس ومرة كروت الفيزا هنا ومرة البطايق فقولت كفاية وادور ع حاجة صغيرة ومتكنش قد البوووك وتلم دة كلة !

ياحسام بية خلى عندك حسن ظن بالاخرين ,, هوة أكيد بيقصد التسوق من النت ومايترتب علية .
وع العموم أنا اطمئنت أن لية حد اتسند علية يوم ميحصل قلق ولا حاجة نيجى نقفلهم الاجتماعى :gun_bandana::gun_bandana:
اصيـــــــــــل ياحسام باشا ..

اقتباس:

---

المشاركة الأصلية كتبت بواسطة eslamrace

تقرير ممتاز وللاسف دى الطريقه الوحيده للحصول على منتجات اصليه "بالرغم التكلفه العاليه " ولكنها اضمن طريقه لو حد محتاج منتج اصلى ولكن لو منتج هاى كوبى حتلاقى الاوفر تجيبها مباشره من مصر .
تحياتى وفى انتظار تقارير جديده مميزه .

---

لو هاى كوبى ماهية مترمية فى كل حتة بس للأسف حرامية برضة ومغلييين سعرها طب ع أى مأنا اشتريها اصلى وأريح دماغى ..

اقتباس:

---

المشاركة الأصلية كتبت بواسطة dede_dodo88

تقرير مميز و الحلو أنه فيه صور كمان lol

المهم أنه بعد ليلة الجمارك و الشحن دي كلها هتلاقي نفسك موفر ما يقرب من نصف سعرها لو جبتها من مصر..
بس في حاجات تانية مينفعش تلعب فيها اللعبة دي و أوفرلك أنك تشتريها من مصر على طول,, فبيكون أفضل أنك تحسبها صح الأول و تشوف فرق التكلفة قد ايه..

و مبروك عليك المحفظة الطومي :)

---

الصور عشان الجمهور يعيش معايا اللحظة بلحظتها :grinder:
اكيـــــــد طبعا ,, والحج طومى بيسلم عليك *طـــــومى* lol

اقتباس:

---

المشاركة الأصلية كتبت بواسطة أبو آسر

سؤال : انت طامس سعر المحفظة ليه في الصور :)
عايزين نعرف المحفظة تمنها الأصلي كام ودفعت كام كله لحد ما وصلتك البيت علشان أنا كنت بفكر من فترة أجيب واحدة فعلا من أمازون برده

---

أتعودت أى حاجة ارفعها اطمس أى بيانات فيها وبقى داء فيــــــا
المحفظة تمنها 21.74 $
وبسلاطات والشحن والتيبس والديلفيرى وقفت عليا بـــــــ 300 جنيه

اقتباس:

---

المشاركة الأصلية كتبت بواسطة S O P H O S

مميز دايما فمواضيعك
مبروك

---

الله يبارك فيك يابوحميد :)

اقتباس:

---

المشاركة الأصلية كتبت بواسطة Mahmoud Mosaad

مبروك عليك
أنا جايب اختها من سنة ونص من أمازون ب 18 دولار وشحنتها على واحد صاحبي في امريكا وهو بعتهالي مع حد نازل فوفرت كتير

---

الله يبارك فيك ..
فرق 3.74 $ وبعد ماوصلتلى لقيتها زدات كمان :pirate03:

التسويق بالمقالة: اسلوب التسويق بالمقالة يتضمن كتابة مقالة و ثم نشرها على موقع دليل مقالات. عندما تكتب مقالة للدليل تستطيع ان تضع رابط لموقعك في النبذة عن الكاتب، في الوقت نفسه سيقرأ المقالة المهتمين بموضوع المقالة. فاذا استطعت ان تثير اهتمامهم اكثر فسوف يدخلون على موقعك للحصول على معلومات اكثر. هذا الاسلوب هو من الاساليب المستخدمة لبناء روابط (Backlink). وبالتالي زيادة مرتبة موقعك بالنسبة لمحركات البحث و الذي سيؤدي الى زيادة الاقبال على موقعك. فأن كان لديك موقع عن السيارات فبإمكانك كتابة مقالة عن السيارات و ثم نشرها في هذا النوع من المواقع.

Secret-Man: حضرتك مش عاجبك الموضوع يأريت متردتش وريح نفسك وريحنــــا !

اقتباس:

---

المشاركة الأصلية كتبت بواسطة Secret-Man

تسويق فيروسى

اهلا بك

---

اقتباس:

---

المشاركة الأصلية كتبت بواسطة Secret-Man

التسويق بالمقالة: اسلوب التسويق بالمقالة يتضمن كتابة مقالة و ثم نشرها على موقع دليل مقالات. عندما تكتب مقالة للدليل تستطيع ان تضع رابط لموقعك في النبذة عن الكاتب، في الوقت نفسه سيقرأ المقالة المهتمين بموضوع المقالة. فاذا استطعت ان تثير اهتمامهم اكثر فسوف يدخلون على موقعك للحصول على معلومات اكثر. هذا الاسلوب هو من الاساليب المستخدمة لبناء روابط (Backlink). وبالتالي زيادة مرتبة موقعك بالنسبة لمحركات البحث و الذي سيؤدي الى زيادة الاقبال على موقعك. فأن كان لديك موقع عن السيارات فبإمكانك كتابة مقالة عن السيارات و ثم نشرها في هذا النوع من المواقع.

---

http://www11.0zz0.com/2014/04/01/10/367177841.jpg

تقريبا أنا طلعت بشتغل مع ياشـــــــــــرى !!!

موضوع جميل
بس هل ينفع برضه فى اجهزة الموبيل ؟؟؟
لأنى اللى اعرفه ان الجمارج بتمنع اى حاجه فيها اتصالات لاسيلكيه زى ريموت الطائرات (بيبقى مداه فى حدود كيلو)

اقتباس:

---

المشاركة الأصلية كتبت بواسطة khaled_sabry

موضوع جميل
بس هل ينفع برضه فى اجهزة الموبيل ؟؟؟
لأنى اللى اعرفه ان الجمارج بتمنع اى حاجه فيها اتصالات لاسيلكيه زى ريموت الطائرات (بيبقى مداه فى حدود كيلو)

---

الموبيلات ينفع عادى بس أى حاجة بريموت لأ *لحسن حد يستخدمها فى متفنجرات* ولا حاجة .

والله ابن حلال يا حمزه انا كنت عايز محفظه ضرورى جدا وكنت بدور على التومى كمان
اعتبرها اتضربت يوم الجمعه ان شاء الله
ومبروك عليك يا كبير
افرحلك بيها اليومين دول :]

اقتباس:

---

المشاركة الأصلية كتبت بواسطة BuNsH_FoX

الموبيلات ينفع عادى بس أى حاجة بريموت لأ *لحسن حد يستخدمها فى متفنجرات* ولا حاجة .

---

جميله اوى المعلومه دى مين قالك عليها :wink10:

اقتباس:

---

المشاركة الأصلية كتبت بواسطة الغزالى

والله ابن حلال يا حمزه انا كنت عايز محفظه ضرورى جدا وكنت بدور على التومى كمان
اعتبرها اتضربت يوم الجمعه ان شاء الله
ومبروك عليك يا كبير
افرحلك بيها اليومين دول :]

---

وأحنا نفديك ساعة اغزغز ,, يالا محفظة تومى اصلى استعمال 3 ايام ودواخل وخوارج وبريحة الفابريكة ومعاها علب جلد ,, جهز أنت ظرف بــ 400 جنية واعتبرها وصلت :grinder:
الله يبارك فيك يامعلم ..

اقتباس:

---

المشاركة الأصلية كتبت بواسطة الغزالى

جميله اوى المعلومه دى مين قالك عليها :wink10:

---

قصدك ع الموبيلات ولا المتفجرات ؟!
مش مصدق اتصل بيهم ع هوت لاين بتاعهم .
:evil:

يا جماعه احب اضيف حاجه
انا من فترة موبايلي شاشته اتكسرت
وعلى النت لقيت الشاشه تمنها اقل من مصر بكتيييير وبناء عليه كلمت شركة اشتريلي ودفعت الفلوس وبعد 21 يوم وصلت الشاشه
بس اكتشفت انها محروقه
فكلمتهم تاني علشان نشوف حل للمشكله دي لان الشاشه جتلي بايظه والرد عليا كان كالتالي
يا فندم احنا هنبعت للموقع و لما يدينا اوك باستبدال الشاشه هناخدها منك ونبعتها هناك ونجيبلك شاشه تانيه بس حضرتك هتدفع رسوم شحن لامريكا وبعد كدا هتدفع رسوم شحن للشاشه التانيه لمصر وهتدفع جمارك وضرايب تاااني !!! وهتدفع عمولتنا تاني
يعني علشان اغير الشاشه اللي وصلتني بايظه هدفع اكتر من تمن شاشه تانيه
....
انا استعوضت ربنا في ال 400 جنيه اللي اترموا في الارض ودعيت عليهم
لان شركتهم بتاخد عموله 5 دولار ليهم ودي مالهاش دعوة برسوم الشحن فحقي ان السلعه توصلي شغاله واي خلل المفروض الشركه تتحمله لانها بتاخد فلوس على كدا مش مجرد توصيل وخلاص

الخلاصه .... فلوسك ممكن تروح عليك بكل سهوله .. فما تجازفش بحاجه سعرها عالي واقرا رأي الناس اللي اشتروا المنتج قبلك وشوف تقييم البائع ايه قبل ما تشتري حاجه

أنا كنت عاوز اشترى طيارة لعبة بتشتغل بالبنزين وبتطير لمسافات عالية بجناحات حوالى 2 متر
فهل الجمارك ممكن تعترض على هذه النوعية من الالعاب ولا شغال وأزاى اتاكد من المعلومة دى .

اقتباس:

---

المشاركة الأصلية كتبت بواسطة speed_magnum

يا جماعه احب اضيف حاجه
انا من فترة موبايلي شاشته اتكسرت
وعلى النت لقيت الشاشه تمنها اقل من مصر بكتيييير وبناء عليه كلمت شركة اشتريلي ودفعت الفلوس وبعد 21 يوم وصلت الشاشه
بس اكتشفت انها محروقه
فكلمتهم تاني علشان نشوف حل للمشكله دي لان الشاشه جتلي بايظه والرد عليا كان كالتالي
يا فندم احنا هنبعت للموقع و لما يدينا اوك باستبدال الشاشه هناخدها منك ونبعتها هناك ونجيبلك شاشه تانيه بس حضرتك هتدفع رسوم شحن لامريكا وبعد كدا هتدفع رسوم شحن للشاشه التانيه لمصر وهتدفع جمارك وضرايب تاااني !!! وهتدفع عمولتنا تاني
يعني علشان اغير الشاشه اللي وصلتني بايظه هدفع اكتر من تمن شاشه تانيه
....
انا استعوضت ربنا في ال 400 جنيه اللي اترموا في الارض ودعيت عليهم
لان شركتهم بتاخد عموله 5 دولار ليهم ودي مالهاش دعوة برسوم الشحن فحقي ان السلعه توصلي شغاله واي خلل المفروض الشركه تتحمله لانها بتاخد فلوس على كدا مش مجرد توصيل وخلاص

الخلاصه .... فلوسك ممكن تروح عليك بكل سهوله .. فما تجازفش بحاجه سعرها عالي واقرا رأي الناس اللي اشتروا المنتج قبلك وشوف تقييم البائع ايه قبل ما تشتري حاجه

---

ربنا يعوض عليــك ,, مأنا بقول لو حد لسة جديد ومش دايس جامد فى المووضوع دة ,, احسنلة يشوفلة وسيط ويكون ثقــــــة عشان لو حصلت مشكلة *تبقى خطوتين ع مكتبهم وتدب فيهم* :wound09:

وبالنسبة لو حد مجرب الموضوع وعارف بيشترى ازاى اكيد بياخد بالة من الرانك بتاع البايع ويشوف التعليقات ع المنتج !

اقتباس:

---

المشاركة الأصلية كتبت بواسطة jackson_75

أنا كنت عاوز اشترى طيارة لعبة بتشتغل بالبنزين وبتطير لمسافات عالية بجناحات حوالى 2 متر
فهل الجمارك ممكن تعترض على هذه النوعية من الالعاب ولا شغال وأزاى اتاكد من المعلومة دى .

---

مش عارف بصراحـــــة ,, ممكن تدخل على موقع ادفعلى وبعدين contact uS وابعتلهم ميل بالحاجة اللى أنت عايزها وفى اقل من 48 ساعة هيردوا عليك ينفع أو لأ وبتكلفتها ..

اقتباس:

---

المشاركة الأصلية كتبت بواسطة bunsh_fox

ربنا يعوض عليــك ,, مأنا بقول لو حد لسة جديد ومش دايس جامد فى المووضوع دة ,, احسنلة يشوفلة وسيط ويكون ثقــــــة عشان لو حصلت مشكلة *تبقى خطوتين ع مكتبهم وتدب فيهم* :wound09:

وبالنسبة لو حد مجرب الموضوع وعارف بيشترى ازاى اكيد بياخد بالة من الرانك بتاع البايع ويشوف التعليقات ع المنتج !

---

دي ما كانتش اول مرة اشتري عن طريقهم
بس كانت اول مرة السلعه توصلني بايظه
شاري عن طريق وسيط هو شركة اشتريلي
والوسيط طلع نصاب ولما الشاشه جت بايظه بقدرة قادر غير اسمه من وسيط لشركة شحن مع انه ملزم يوصلي المنتج سليم

...وشركتهم في الاسكندريه

قللي بقى اسافر من القاهره للاسكندريه مشوار 600 كيلو علشان اقلهم انتو نصابين ...
...