محتار جدا بين الهوندا سيفك 2013 و الكورولا 2014

السلام عليكم ورحمة الله وبركاته

ياريت يا جماعة لو حد يقدر يفيدنى
انا محتار جدا بين الهوندا سيفك 2013 الفئة الهالى لاين هى عليها عرض دلوقتى عاملة 205 الف بدلا من 215 وبين الكورولا الفئة الثانية
بصراحة الاتنين حلوين قوى بس انا حاسس ان الهوندا اشيك من ناحية الطبلوه بتاعها بس مش عارف اختار بينهم لان الكورولا الجديدة حلوة جدا ايضا يا ريت لو حد جرب الاتنين يقولى ضرورى
بس من غير تعصب للكورولا او الهوندا انا عايز مقارنة تكون محترمة بين الفئتين
:Copy of m-s5:

بصراحة موضوع شراء عربية جديدة وتكون غالية موضوع مرهق جدا جدا وصعب اوى
ادعولى ان ربنا يرزقنى الخير فى الاختيار الصعب ده

اقتباس:

---

المشاركة الأصلية كتبت بواسطة هشام عبد اللطي

السلام عليكم ورحمة الله وبركاته

ياريت يا جماعة لو حد يقدر يفيدنى
انا محتار جدا بين الهوندا سيفك 2013 الفئة الهالى لاين هى عليها عرض دلوقتى عاملة 205 الف بدلا من 215 وبين الكورولا الفئة الثانية
بصراحة الاتنين حلوين قوى بس انا حاسس ان الهوندا اشيك من ناحية الطبلوه بتاعها بس مش عارف اختار بينهم لان الكورولا الجديدة حلوة جدا ايضا يا ريت لو حد جرب الاتنين يقولى ضرورى
بس من غير تعصب للكورولا او الهوندا انا عايز مقارنة تكون محترمة بين الفئتين
بصراحة موضوع شراء عربية جديدة وتكون غالية موضوع مرهق جدا جدا وصعب اوى
ادعولى ان ربنا يرزقنى الخير فى الاختيار الصعب ده

---

استاذ هشام منورنا في قسم تويوتا ,,,,

بدون تعصب او انحياذ شكل تابلوه الهوندا في رأي اشيك من الكورولا لكن الشكل الخارجي للهوندا مش متقبله بالمرة مش عارف ليه و ناس كتيرة ليهم نفس الرأي بس هي في الاخر ازواق .

لو هنتكلم بالورقة و القلم و مقارنة تفصيلية مملة لأن العربيتين متقاربتين جدا هنقول :


** الهوندا هاي لاين تتفوق علي الكورولا الفئة التانية في :

1.عدد 4 ايرباج مقابل 2
2. كاميرا خلفية
3. فتحة سقف كهربا قابلة للامالة
4. نظام الدخول الذكي
5. شياكة التابوله الداخلي
6. Start/Stop Engine


** الكورولا الفئة التانية تتفوق علي الهوندا هاي لاين في :

1. فرق السعر 15 الف
2. الابعاد عموما
3. طول قاعدة العجلات
4. الوزن الكلي
5. سعة خزان الوقود 55 مقابل 50 لتر
6. حجم الشنطة 470 مقابل 353 لتر
7. ضبط مستوى الاضاءة الامامية يدوى
8. نظام اضاءة نهارى (ليد)
9. حساسات ركن امامية وخلفية و جانبية
10. خاصية الركن التلقائي Auto Park
11. نظام HAC
12. نظام EBS
13. نظام Follow me Home
14. الانتشار

استاذ :Mohamed.Hany

اولا شكرا لك على اهتمامك بالرد عليا وتشرفت بالانضمام لقسم التويوتا واذا حصل نصيب واشتريتها هيكون الضل ليكم وكثرة المواضيع الخاصة بالقسم بصراحة انا استفدت منها كتير جدا

ثانيا بحكم انى من بورسعيد فنحن نقدر الهوندا جدا عندنا فى بورسعيد
بس بصراحة الاختيار صعب جدا الاثنين فيهم مميزات عالية وامكانيات رهيبة
بس كنت طالب من حضرتك خدمة لو عندك تقرير محترم للهوندا استاذن حضرتك انك تبعتهولى
بصراحة كنت عايز اعمل مقارنة بينهم دقيقة full details
وان شاء الله هستخير ربنا والى فيه الخير ربنا يقدمه

اعتقد ان المقارنة بين هوندا الهاي لاين تبقي مع تويوتا هاي لاين ومن الناحية دي يبقي كورلا تكسب

اقتباس:

---

المشاركة الأصلية كتبت بواسطة هشام عبد اللطي

استاذ :mohamed.hany

اولا شكرا لك على اهتمامك بالرد عليا وتشرفت بالانضمام لقسم التويوتا واذا حصل نصيب واشتريتها هيكون الضل ليكم وكثرة المواضيع الخاصة بالقسم بصراحة انا استفدت منها كتير جدا

ثانيا بحكم انى من بورسعيد فنحن نقدر الهوندا جدا عندنا فى بورسعيد
بس بصراحة الاختيار صعب جدا الاثنين فيهم مميزات عالية وامكانيات رهيبة
بس كنت طالب من حضرتك خدمة لو عندك تقرير محترم للهوندا استاذن حضرتك انك تبعتهولى
بصراحة كنت عايز اعمل مقارنة بينهم دقيقة full details
وان شاء الله هستخير ربنا والى فيه الخير ربنا يقدمه

---

كل النقاط اللي قلتها لحضرتك دي هي المقارنة التفصيلية و معتقدش في تفصيل اكتر كدة.
بقية الحاجات التانية مشتركة مبين العربيتين فمذكرتهاش.
بس عموما لو في تفاصيل غيرة عاوز تعرفها ممكن تقولها و ان شاء الله افيدك .
مستني اسئلة حضرتك .

الف شكر لحضرتك يا استاذ محمد

بس كنت حابب اسئلك عن الاتى

1.هل الهوندا الهاى لاين فعلا start stop engine
2.حضرتك متاكد ان الهوندا مفيهاش EPS
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن
4.هل المرايات بتاعة الهوندا مرايات ضم ام لا

الاسترا احسن مالتنين بمراحل

اقتباس:

---

المشاركة الأصلية كتبت بواسطة هشام عبد اللطي

الف شكر لحضرتك يا استاذ محمد

بس كنت حابب اسئلك عن الاتى

1.هل الهوندا الهاى لاين فعلا start stop engine
2.حضرتك متاكد ان الهوندا مفيهاش EPS
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن
4.هل المرايات بتاعة الهوندا مرايات ضم ام لا

---

انا اسف في غلطة عندي و في حاجات ممكن مكنش موضحها كويس :

1.هل الهوندا الهاى لاين فعلا start stop engine مفيهاش ولا حتي في الهاي لاين اسف جي غلطة من عندي
2.حضرتك متاكد ان الهوندا مفيهاش EPS هو EBS مش ESP ولا EPS انا اقصد بال EBS نظام التنبيه بالانوار الخلفية في حالة الفرملة المفاجئة وده مش موجود في الهوندا حتي الهاي لاين . لكن لو تقصد ال ESP نظام الثبات الالكتروني فهو موجود
3.هل هى ايضا مفيهاش حساسات للركن امال ايه فايدة الكاميرا الخلفية بدون حساسات للركن ايوة يافندم مفيهاش حساسات ركن خالص ولا حتي في الهاي لاين و الاعتماد علي الكاميرا الخلفية فقط .
4.هل المرايات بتاعة الهوندا مرايات ضم ام لا مفيهاش مرايات ضم ولا حتي في الهاي لاين و اقصد بالضم انك تدوس علي زرار من جوة العربية او تدوس علي الريموت تقفل , الاتنين غير متاحين حضرتك بتقفلهم بايدك .

اقتباس:

---

المشاركة الأصلية كتبت بواسطة opelcars

الاسترا احسن مالتنين بمراحل

---

هو الكلام هنا عن كورولا و سيفيك محدش جاب سيرة اي عربية تانية بس عموما وجهة نظر تحترم ,
بس ايه هي المراحل اللي بتتفوق فيها الاسترا عن الكورولا حابب اعرفها من حضرتك ؟ لنستفيد من خبرة حضرتك

أولا: ربنا يرزقك الخير فى الاختيار الصعب ده.
ثانيا: سبحان الله إنها الأذواق، أنا على عكسكم، عاجبني شكلها الخارجي جدا ومش عاجبني التابلوه.
ثالثا: رغم إني مدرستش السيفك بس بيتهئ لي إن الكورولا تكسب في الانتشار والاوبشنز خصوصا السينسور بارك عشان بجد فارق جدا انه بيبان في كمبيوتر العربية بالتفصيل الممل ومش مجرد صوت أو شاشة ثانوية.
رابعا: أضم صوتي لصوت omaranes77 والمفروض نقارن الهاي لاين بالهاي لاين.

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات


تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

إتفرج
http://wallsbot.com/wp-content/uploa...-Wallpaper.jpg

http://www.autoguide.com/gallery/d/6...Civic-rear.jpg

2013 Honda Civic Review - YouTube

انا عندي الهوندا الجيل التامن و الكورولا ٢٠٠٦ و طبعا سقت الهوندا ٢٠١٣ و الكرولا الشيب القديم
الكورولا عربيه يعتمد عليها بمعنى الكلمه السيفيك كسواقه و هايندلج احلى على رائي واحد صاحبي مره قال لي انه بيتلكك عشان يسوقها

اقتباس:

---

المشاركة الأصلية كتبت بواسطة swimmer25

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات

تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

2013 honda civic review - youtube

---

في فرق كبير مبين الهوندا في الخليج و في مصر لصالح الخليج
وفي فرق كبير مبين الكورولا في الخليج و في مصر لصالح مصر
فحضرتك لازم نوحد البلد للمقارنة الموضوعية الدقيقة لنفيد صاحب الموضوع .
وفي مصر عفشة الهوندا مش مالتي لينك حسب كلام السيلز في التوكيل .
اتمني حضرتك تجرب كورولا 2014 لانها فرق كبير عن الكورولا القديم (الكورولا المصري مش الخليجي عشان تفرق كتير) و ده بالتجربة و حضرتك هتحس فعلا بالهاندلينج و التطور الرهيب للكورولا .
اشكرك علي المعلومات القيمة يا فندم.

اقتباس:

---

المشاركة الأصلية كتبت بواسطة hany63

انا عندي الهوندا الجيل التامن و الكورولا ٢٠٠٦ و طبعا سقت الهوندا ٢٠١٣ و الكرولا الشيب القديم
الكورولا عربيه يعتمد عليها بمعنى الكلمه السيفيك كسواقه و هايندلج احلى على رائي واحد صاحبي مره قال لي انه بيتلكك عشان يسوقها

---

كورولا 2014 مختلفة تماما لو جربتها هتعرف جمالها و ثباتها و الهاندليج بتاعها بقي عامل ازاي.
تحياتي لحضرتك

مقارنة صعبة بين عربيتين محترمتين .. الهوندا ممتازة طبعاً .. وكانت من ضمن اختياراتي قبل الكرولا هي والفلوانس .. ولكن اللي رجح وحسم الأمر بالنسبة ليا الراحة النفسية أولاً واختلاف الكرولا 2014 تماماً شكلاً وكيفاً عن موديلاتها السابقة .

بص حضرتك يا فندم ،، زمان الهوندا تكتسح التويوتا بمراحل لسببين الاول النظام الثبات الالكتروني ونظام تعليق المالتي لينك اللي بينزل في السيارات الاوروبي زي الاوبل والمرسيدس والبي ام وهنستثني الاوكتافيا الجديده ،، مجددا التويوتا اقتربت جدا بعد منزلت نظام الثبات الالكتروني مع اوبشن محترمه جدا ،، هيفضل نظام التعليق المالتي لينك هو الفيصل مع حضرتك ،، لازال الثبات في صالح الهوندا بسبب العفشه المالتي لينك وده هيفرق بس مع حضرتك لو بتجري او بتشد ،، النعومه في صالح التويوتا بفرق ملحوظ ،،، العزل مقدرش اقارن لاني معرفش ،، الفتيس تقريبا الاتنين cvt ,, المواتير هوندا تتفوق طول عمرها حتي علي الالماني اللي في نفس السعر

اقتباس:

---

المشاركة الأصلية كتبت بواسطة mohamed.hany

في فرق كبير مبين الهوندا في الخليج و في مصر لصالح الخليج
وفي فرق كبير مبين الكورولا في الخليج و في مصر لصالح مصر
فحضرتك لازم نوحد البلد للمقارنة الموضوعية الدقيقة لنفيد صاحب الموضوع .
وفي مصر عفشة الهوندا مش مالتي لينك حسب كلام السيلز في التوكيل .
اتمني حضرتك تجرب كورولا 2014 لانها فرق كبير عن الكورولا القديم (الكورولا المصري مش الخليجي عشان تفرق كتير) و ده بالتجربة و حضرتك هتحس فعلا بالهاندلينج و التطور الرهيب للكورولا .
اشكرك علي المعلومات القيمة يا فندم.



كورولا 2014 مختلفة تماما لو جربتها هتعرف جمالها و ثباتها و الهاندليج بتاعها بقي عامل ازاي.
تحياتي لحضرتك

---

فعلا إنت صح...بس أنا مش بقارن أنا بس بدي فكرة عن الفروق
السيفيك عفشتها مالتي لينك دايما مفيش اختلاف عليها ايا كانت في مصر او الخليج
وبالتالي الثبات والراحة دايما للهوندا
بالنسبة للهاندلنج فدا بردو دايما في صالح السيفيك ...هو اتحسن في الكورولا 2014 بس موصلش للسيفيك

اقتباس:

---

المشاركة الأصلية كتبت بواسطة swimmer25

فعلا إنت صح...بس أنا مش بقارن أنا بس بدي فكرة عن الفروق
السيفيك عفشتها مالتي لينك دايما مفيش اختلاف عليها ايا كانت في مصر او الخليج
وبالتالي الثبات والراحة دايما للهوندا
بالنسبة للهاندلنج فدا بردو دايما في صالح السيفيك ...هو اتحسن في الكورولا 2014 بس موصلش للسيفيك

---

اشكرك علي التوضيح.
بس كلام الوكيل معايا كان غير كدة و اكدلي ان القديم كان مالتي لينك اما الجديد اللي بينزل مصر فتقفيل تركي و عفشة تورشن بيم !

العربيتين محترمتين جدا خصوصا بعد التعديلات الجذرية في كورولا 2014... بس لا زلت أميل للسيفيك خصوصا مع العفشة الدبل ويشبون + اني بحب العربية متكونش منتشرة قوي، وطبعا الكورولا كلها فترة بسيطة وهتغرق البلد (ودي ميزة رهيبة عن ناس كتير انا مش منهم)...

الخلاصة ان الكورولا لو كانت الشكل السابق مكنش حد تقريبا هيفضلها على السيفيك، وده معناه ان الجديدة طفرة بصراحة بالنسبة لتويوتا... واعتقد الراحة النفسية هي اللي هتحدد الاختيار لأن الفروق لو موجودة فهي بسيطة جدا...

اقتباس:

---

المشاركة الأصلية كتبت بواسطة mohamed.hany

اشكرك علي التوضيح.
بس كلام الوكيل معايا كان غير كدة و اكدلي ان القديم كان مالتي لينك اما الجديد اللي بينزل مصر فتقفيل تركي و عفشة تورشن بيم !

---

مش عارف السيفيك في مصر تقفيل ايه
بس اللي اعرفه ان نوع العفشة حتي مع اختلاف التقفيل مش بيتغير
يعني مينفعش نلاقي كورولا مالتي لينك وتانية تورشن
لان العفشة مكون أساسي في التصميم
لكن ممكن نلاقي نفس العربية فرامل خلفية ديسكات في بلد او في موديل وتانية طبلة
وممكن يغيروا المواتير والفتيس والاوبشن

اقتباس:

---

المشاركة الأصلية كتبت بواسطة swimmer25

مش عارف السيفيك في مصر تقفيل ايه
بس اللي اعرفه ان نوع العفشة حتي مع اختلاف التقفيل مش بيتغير
يعني مينفعش نلاقي كورولا مالتي لينك وتانية تورشن
لان العفشة مكون أساسي في التصميم
لكن ممكن نلاقي نفس العربية فرامل خلفية ديسكات في بلد او في موديل وتانية طبلة
وممكن يغيروا المواتير والفتيس والاوبشن

---

انا بنقلك كلام الوكيل بالمللي انها مش مالتي لينك.
لو حضرتك عاوز تتأكد كلمه برضو او حد من ملاك موديل ٢٠١٣ يقولنا

اقتباس:

---

المشاركة الأصلية كتبت بواسطة mohamed.hany

انا بنقلك كلام الوكيل بالمللي انها مش مالتي لينك.
لو حضرتك عاوز تتأكد كلمه برضو او حد من ملاك موديل ٢٠١٣ يقولنا

---

أنا مش بشكك فيك خالص
اللي قالك الكلام دا بس هو اللي غلطان

العفشه مالتى لينك اكيد لان العربيه معايا بس 2012 اول الشكل الجديد واخر اليابانى ولسه زي ما هى فى التركى واتاكد من موقع هوندا تركيا والعربية بقالها معايا سنتين ممتازه مفيش فيها اي مشاكل والحمد لله بالنسبة للمقارنه معرفش الاتنين كويسين بالتوفيق

Sent from my GT-S5282 using Forum Runner

اللى معلم عليه مواصفات العفشة من هوندا تركيا اعملها traslate ب google هتلاقيها مالتى لينك
http://im85.gulfup.com/TehD0f.png

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

نسيت اقول لحضرتك تقفيل التويوتا فى الصالون والخامات المستخدمه فيه احسن بكتير من الهوندا

اقتباس:

---

المشاركة الأصلية كتبت بواسطة وائل محمد نبيل

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

---

مع احترامي الكامل والتام لكلام حضرتك اكيد كان عندك حاجه غلط فى الهوندا موتور الهوندا اضعف من الكورولا اعتقد موتور الهوندا vtec غنى عن التعريف واكيد فيه حاجه غلط فى موضوع بعد 140 سحبها تقيل انا مش من هواة السرعة واخرى 140 بس العربيه لما بتكون معايا علي 140 ببقى مش جايب حتى ربع مشوار دواسة البنزين اما بالنسبه لموضوع التقفيل مركبتش الكورولا عشان اقول مين احسن بس الهوندا فوق الممتاز وارجوك تقبل كلامى وده مش هجوم على كلامك بس علشان افيد صاحب الموضوع فقط

Sent from my GT-S5282 using Forum Runner

اقتباس:

---

المشاركة الأصلية كتبت بواسطة swimmer25

أحب أضيف
تتفوق الهوندا في:
1- متعة القيادة
2- دقة التوجيه
3- العفشة المنفصلة
4- جودة الخامات


تتفوق الكورولا في:
1- أسعار قطع غيار أرخص
2- إعتمادية أكتر وبتستحمل الإهانة

مش عايز أوصفلك بقي الفرق بين الكورولا المصري والسيفيك اللي في الخليج 2013
بغض النظر عن الأوبشن السيفيك تكتسح في كل حاجة

إتفرج
http://wallsbot.com/wp-content/uploa...-wallpaper.jpg

http://www.autoguide.com/gallery/d/6...civic-rear.jpg

2013 honda civic review - youtube

---

اقتباس:

---

المشاركة الأصلية كتبت بواسطة وائل محمد نبيل

بص يا سعادة الباشا انا معايا العربيتين طبعا الهوندا تابلوها اشيك بمراحل عن التويوتا وكمان تعامل الناس جوة التوكيا اكثر احتراما وتقديرا للعميل بس عيوبها السحب بعد سرعه 140 بطئ جدا والعزل لصوت الموتور وحش وكمان العربيه ضيقه فى الكنبه الخلفيه اما التويوتا موتورها احسن وصالونها اوسع وناعمه جدااا بصراحه انا بافضل التويوتا عن الهوندا بدون تحيز

---

بالنسبه لموضوع السحب ضعيف بعد ال ١٤٠ كم اكيد عند حضرتك حاجه عايزه تتظبط دي اهم ميزه في الهوندا
ده انا كنت عامل موضوع زمان عن تجربتي للسيفيك للشد بيها على الصحراوي و مفيش عربيه بلا مبالغه سدت معاها بما فيها باسات تربو و خصوصا ان المرحله التانيه من الفيتك بتكون شغاله
انما للامانه في الاول لغاية ٣٥٠٠ لفه المستويات متقاربه بينها و بين فئتها بعد كده بتقلب تربو
بس عموما سحبها ممتع حتى لو ماشي براحتك

الكورولا حاليا ثفقة فرأي
مع التقدير لمكانة السيفيك الافضل

اخوانى الاعزاء اعضاء هذا المنتدى الرائع
انا خلاص استخرت ربنا عز وجل وقررت اشترى الكورولا الفئة الثانية
ارجو منكم الدعاء ويارب يكون اختيار صحيح باذن الله تعالى