الموضوع: <<< استووا , أقيموا صفوفكم وتراصوا واعتدلوا , أتموا الصف المقدم >>>

المشاركة الأصلية كتبت بواسطة y a r i s

ياسبحان الله ... واللهِ ابن حلال يا شيخنا
انا اساساً بقالي كزا يوم عاوز اسئل عن نفس هذا الموووووضوع. وعمال اقول اسئلوا ولا مسئلهوش. هو انتا كل شوية هتقعد تسئلوا تسئلوا كده صدعت الشيخ خالد بكترت الاسئلة .... وكنت متردد الحقيقة بس نعمل ايه ملناش بركة غيرك يا مولنا. ...

لكن ...

لكن يا مولانا سؤالي هنا في النقطة. دي بالذات وتحديداً ليه الامام بيقول القدم في القدم والكتف والكتف. رغم ان الجامع تالت تربعوا فاضي والناس مابتصدق ... كأن خلاص نفذوا كل التعليمات ومفضلش غير يلزق كتفوا في كتفك او يحط قدموا في قدمك ... ويفضل يلزق فيك يلزق فيك. لغايت ما يوحشرك لايخليك تعرف تركع ولا تسجد ولا حتى توقف براحتك يعني حتى في السجود لايوجد مكان لفتح الكوع قليلاً اثناء السجود ... رغم ان الجامع فاضي وكبيررر وبالذات الي جيلك مبلول من الوضوء وكلو مية ويقعد ينقط كده من دورة المية لغايت مايجي ينشف فيك !!! ده واللهِ ياشيخنا انا لو الي جنبي حب يحط ايدوا في جيبوا واحنا واقفين بنصلي. من كتر ما احنا لازقين في بعض مبعرفش اذا حط ايدوا في جيبوا ولا في جيبي (( ووالله ما ببالغ )) وغير كده وكده انا واحد من الناس مثلاً وظيفتي مبتسمحليش اني اقلع الجزمة. وافضل لابسها طول النهار لغايت ما صوابع رجليا ما بتورم وتفئفئ. وقت الصلاة اول مالي جمبي بيسمع الامام يقول القدم في القدم والكتف في الكتف استو واعتدلوا وتراصو يرحمكم الله . تبص تلاقي الي جمبك بقدرة قادر صوابع رجليه كلها. بقت فوق رجليك (( وبمنتهى الغباء )). لدرجة اني بسحب رجليا من تحت رجليه وهو مفيش فايدة يرجع يحط رجليه فوق صباع رجليا تاني وارجع اسحب رجليا من تحته وهو مفيش فايدة (( بقه الموضوع عامل زي اللعبه )) ...

لكن السؤال هنااا

هل في قاعدة فقهيه. بتقول الصباع في الصباع او القدم في القدم ولا لازم يكون في احتكاك بين الاقدام اساساً !! وليه بعض الأئمة بيقولوا سدوا الفرج ولاتدعوا منفذ للشيطان (( حاجة زي كده )). هل في اصل في الدين من هذا الشيء. ان لو انا سيبت مثلاً بيني وبين الي جنبي ٥ سم. او حتى ٧ سم. كده الشيطان. هيعدي فيما بيننا !!

وعلى حسب مفهمت من موضوع حضرتك ياشيخنا ان النبي عليه افضل الصلاة والسلام ... اوصى بالاستواء. (( يعني نكون على صف واحد )). طيب ماذا عن مقولة سد الفرج من تمام الصلاة ؟ هل فعلا ً الصلاة لا تتم لو فيه فرجة بينك وبين الي جنبك !! والفرجة دي . المقصود بيها ايه. عشرة او خمسة سانتي كده ولا حتى شبر كده ولا المقصود بيها هو مكان. كااااامل. لمصلي. يعني مكان يتسع ان واحد يصلي فيه ومتساب فاضي ؟

@@@@@@@@

وشكراً لك يا شيخنا انك فتحت هذا الموضوع
لسه النهرده حالاً في صلاة العصر بتكلم مع الي واقف جنبي في الصلاة في نفس الموضوع
حط رجلية فوق رجليا وفارك صوابعي تحت رجليه اول مالامام قال استوااا قلتوا فيه ايه ياحبيبي انتا هتستوي فوق رجليا ولا ايه بصيت لقيتوا بيدحك يعني حتى مش يقول انا اسف

وتقبل تحياتي .

حبيبي حبيبي حبيبي والله يا أبو تركي , السلام عليكم ورحمة الله وبركاته ومغفرته ورضوانه

اوعى يا صديقي تتردد يوما في سؤالي أي سؤال , فالله وحده يعلم أني أحب الإجابة على أسئلة الزملاء واستمتع بهذا,,,,,,,,,,

وبعدين أبطل ضحك الأول وبعدين أجاوبك , أنا مش عارف يا صديقي لو حضرتك جلست أمامي في خطبة الجمعة ها امسك نفسي من الضحك ازاي هههه

بس عارف خطبة الجمعة دي لها رهبة شديدة استحالة إنك تضحك لانك في مقام وعلى منبر الحبيب صلى الله عليه وسلم

وكثيرا كان زمايلي كوميديين زي حضرتك يحضروا الخطبة ولكن انا باكون في شأن آخر , ربنا يبارك لك يا رب

نيجي بقي للإجابة

أولا فعل الصحابة كما في صحيح البخاري عن أنس رضي الله عنه وكان أحدُنا يُلْزِقُ مَنْكِبَهُ بِمنْكِبِ صاحِبِهِ، وقدمَهُ بِقَدَمِهِ

وكل ذلك لكي لا ندع فرجة للشيطان يقف فيها ,

ولكن بعض المصلين قد يبالغ في ذلك وقد لا يراعي أن به بلل ويؤذي غيره ويضع قدمه فوق بعض قدمه ولا حول ولا قوة إلا بالله

ويا صديقي أنت مطالب بألا تدع فرجة للشيطان؛ لكن بقدرها، والمحاذاة ليست بالأقدام فقط، ولذا بعض الناس يظن الحل في عدم ترك الفرج بأن يفتح رجليه،

و يجعل بين رجليه ما يقرب من من متر، هل هذا تطبيق للسنة؟ أين المحاذاة بالمناكب؟ هذا ليس هو تطبيق السنة،

إنما يحرص الإنسان أن يحاذي بالمناكب والأقدام، ودين الله -جل وعلا- بين الغالي والجافي

ودورنا حبيبي في الله إننا نعلم الناس السنة الصحيحة دون مغالاة ودون إهمال

أسأل الله لنا ولهم الهداية يا رب العالمين , واسمح لي اعتذر لك بدل الأخ اللي كان بجوارك ههههه

وصل اللهم وسلم على الحبيب محمد