<<< استووا , أقيموا صفوفكم وتراصوا واعتدلوا , أتموا الصف المقدم >>>

**Khaled Seif** · 03-04-2014 10:15 AM

المشاركة الأصلية كتبت بواسطة Y a r i s

حبيبي والله ِ يا ابو معاذ.جزاك الله كل خير
طيب سؤال تاني. بقه بما انك موجود معانا ربنا ما يحرمنا منك ابداً ابداً يا غالي والاسئلة ببلاش :) . ... من الحجات الي بتفقع مرارتي. هيا التحدث بصوت عالي في قلب المسجد ... والمساجد عندنا مصممة. بطريقة هندسية ان لو مفيش ميكرفون الصوت يسمع ويبقى فيه صدى. بطريقة. عبقرية ... لذلك بتلاقي اي حد بيتكلم الصوت بيبقى مسمع مما يشوش علي قاعد بيقرى قران او الي قاعد بيصلي. ... فهل في حديث. او سند او شيء في اصول الفقه يحرم الكلام داخل المساجد ولا هو الموضوع حلال وعادي ... لان الموضوع وصل ان الناس بقيت تسحب كراسي ويعملوا حلقة ويقعدوا يدردشوا ...
فهل ده طبيعي ياشيخنا ام منافي لتعاليم دينا يعني حتى السلام بتلاقي واحد في شرق المسجد بيسلم على واحد في الغرب او ينده عليه ! .... وتحياتي ليك يا غالي .

حبيبي يا أبو تركي , حضرتك نسيت رنات الموبايلات ولا حول ولا قوة إلا بالله

خرج رسول الله

على الناس وهم يصلون وقد علت أصواتهم بالقراءة ، فقال :

" إن المصلي يناجي ربه ، فلينظر بما يناجيه ، و لا يجهر بعضكم على بعض بالقرآن " .

فإذا كان لا يجوز رفع الصوت بالقرءان لئلا تؤذي غيرك ممن يناجي ربه بقرءان أو بصلاة

فما بالنا بالتحدث في غير ذلك من الأمور ورفع الصوت وإيذاء المصلين بذلك , لا شك أنه لا يجوز

أما اللي بيسحب كرسي ويعملوا حلقة ويقعدوا يدردشوا , فمع ما فيه من التشويش على المصلين

ففيه من المخالفة لحديث النبي

لا تتخذوا المساجد طرقا ، إلا لذكر أو صلاة

والله أعلم

**Y a r i s** · 03-04-2014 07:20 PM

حبيب قلبي يا ابو معاذ لا والله لم انسى
في اكتر من النهردة على اخر ركعه. في صلاة العصر دخل واحد ماسك موبيل. وطبعاً كلنا بنصلي والجامع هوس هوس. وده داخل بالموبايل بتاعوا وعمال يتكلم عمال يقول. ؤووو. ... اااه ... هااا .... وبعدين .... اهاااا ... طيب ربنا يصلح الحال .... ربنا يسهل. ... ماشي .. ماشي ... باي باي. بقه وهكلمك بعد شوية. كان هيخليني. اطلع من صلاتي واقولوا باي بااااي ليييييه استنى استنى متقفلشي ادهالي خليني اكلمها ولا اقولك هتلينا هنا الموبايل على المنبر وافتحلينا الاسبيكر علشان كلنا نسمع ونستفاد !!!

المهم طبعاً الافندي ضيع عليه ثواب صلاة الجماعه ولخبط الامام يعني تصور انتا بتصلي وواحد واقف وراك وعلى ؤوووه. و ااااااه. وؤوووه واااه لا والاؤووه والأأأه بتاعتوا ايه. مجلجلة كده في الجامع ومع صدى الصوت ، بعد الصلاة بصراحة كان نفسي ابهدلوا بصيت عليه كده لقيتوا راجل كبيررر ومفيش شعره سوده حتى في دماغو ... بصيتلوا باحتقار وقلت في نفسي يا خساااااااارة اذا راجل. كبير وبيعمل كده. اومال خليت. ايه. للشباب الصغير او للاطفال. يعملوه .

على فكرة ياشيخ خالد انا حاولت اكتب موضوع كامل عن بعض السلبيات الي بشوفها عل وعسى شباب يتعظوا ويبعدوا عن الاخطاء الشائعه

http://www.nilemotors.net/Nile/409131-a.html

ويشهد الله مازودت ولا نقصت حرف من الي بيحصل ... لكن فعلاً انا أسف وحزين. انو بيحصل ... وعلى فكرة انا واحد من الناس عمري مبعارض اني اشوف طفل بيعيط في المسجد او طفل بيجري او بيلعب. بالعكس بتقبلهم وبقول الاطفال احباب الله وده بيت الله فمش من حقي امنع احباب الله يلعبوا في او يقعدوا في بيت الله لكن لمن اشوف شباب او رجال كبار بيعملوا اخطاء فعلاً بدايق ... حتت الموبايل دي. بالذات فاقت. كل الحدود ... ومش عارف هل الناس فاكره ان الموبايل نوع من انواع الوجاهة. ... انو راجل مهم وبتجيلوا اتصالات في قلب المسجد وفي ناس بتسئل عليه وراجل بيزنس مان. ومطلوب ومرغوب !!

غريبة اعرف كتير من رجال الاعمال بيقولولك ( اقفل الزفت ده ) او اي حد يتصل عليا قولوا مش هنا ... او مبشلهوش. يعني يقصد الموبايل مبيحبش يشيلوا ... وتلاقي الي لاحلتوا ولا وراه. حاجة ماسكلي الموبايل زي عنيه كده وكان الدنيا هتقوم او البورصة هتخسر وسوق المال. هينهار اذا مردش على المكالمة في المسجد !!!

وباستغرب ازاي. الناس دي لصلاتهم. اي معنى وهما بيشوشوا على صلاة. الناس الباقيين ... ده انا اعرف ازواج والله ازواج بعد ما يتوضوا لا يلمسوا او حتى يسلموا على زوجاتهم مخافت ان يفسد وضوئهم فتفسد صلاتهم. ويبالغوا في الموضوع ده لحد الجنون وافندينا ده جي بمنتهى البساطة شوف شوش. على صلاة كام واحد وافسد صلاة وتركيز كام واحد بموبايلوا وازعاجوا . ... وتحياتي ليك يا صديقي ابو معاذ .