الموضوع: Gen2 VS Lancer

المشاركة الأصلية كتبت بواسطة أبو عبدالله

يا اخي الكريم العربية ليس ماتور وجري فقط

العربيه معادلة فيها جوانب كتير هيا

الاداء - السعر - العمر الأفتراضي - اعاداة البيع - استهلاكها في قطع الغيار اسعارها - مصاريف صيانتها - اعتماديتها

حاجات كتير مش سرعه وخلاص

فعلا العربية مش جري بس
و مش كماليات بس

العربية حزمة متكاملة

و افضل واحد يقدر يشوف الافضل له
هو الشاري
يحدد ما احتياجه من السيارة ثم يحدد الماركات المتاحة في قائمة احتياجاته

بالنسبة للانسر و الجين
فروق قوة الموتور مش كبيرة بين الأثنين و الأثنين أدائهم ممتاز و إن كان أداء اللانسر الأوتوماتيك من وضع الثبات في الغيار الأول و الثاني أفضل و بعدين الأثنين بيبقوا زي بعض

توافر قطع الغيار
طبعا اللانسر و بدون كلام و كله موجود أصلي و تقليد و بجميع الأسعار

الميكانيكية كلهم بيشتغلوا فيها و أصبحت سيارة الشعب رقم واحد و لذلك تتوافر لها قطع الغيار و مراكز التصليح

الجين 2 بدأت في الانتشار منذ 2007 و لها محلات قطع غيار أكثر من اﻷول و لكن ليس بنفس نسبة الإنتشار للانسر
ولكن قطع غيارها موجودة و مش ناقصة في السوق

بالنسبة للكماليات
أعتقد الجين 2 أكثر كماليات

بالنسبة للثبات
الجين 2 تكسب و بمراحل خصوصا إن اللانسر ناس كتيرة مش متفقة على موضوع ثباتها و ناس كتير بتقول لازم تغير الكاوتش بواحد أعرض علشان تثبت

بالنسبة للقيمة مقابل المال
الأثنين كويسين
اللانسر الشكل القديم أرخص عربية ياباني و دي عند ناس كتير ميزة ( و لو أني أنا مش شايفها ميزة في اي حاجة )
الجين 2 عربية قوية و بتستحمل و مليانة كماليات و أرخص من اللانسر


بالنسبة لمقارنة التوكيلين
توكيل ميتسوبيش أفضل في خدمة ما بعد البيع و إن كان توكيل عز العرب معقول جدا و مش وحش


في النهاية السيارتين حلوين
بس الجين 2 مميزة عن اللانسر
و أرخص

بالنسبة لموضوع العمر
الجين 2 عربية محترمة جدا و مع واحد صاحبي معدي دلوقتي 90 الف كيلومتر و ما بيشتكيش من حاجة خالص و ميغرش غير الكاوتش و تقريبا سير كاتينة ( بيتغير كل 50 ألف )
يعني برضه عربية معمرة
و أنا معايا و الحمد لله لمدة سنة اﻻن و مريحاني أخر راحة


بالنسبة لإستهلاك البنزين

الجين 2 أفضل كثيرا كثيرا

لو سواقتك هادية .............. تعمل 15 كم / لتر على سرعة 90 و تغيير سرعة عند 3000 لفة / دقيقة و بالتكييف

في وسط البلد و بالتكييف من 10 إلى 11 كم / لتر

اللانسر إستهلاكها أعلى من كدا علشان كذا واحد أشتكى من إستهلاكها العالي للبنزين
و فيه ناس كتير معاهم 1300 لانسر و بيقولوا إن إستهلاكها 180 كم / 10 لتر و طبعا ده إستهلاك عالي جدا لعربية 1300
و معنديش معلومات مؤكدة عن إستهلاك اللانسر 1600 و إنتظر أصحابها الأفاضل يأكدولولك المعلومة


في الأخر الجين 2 سيارة ممتازة و متميزة
و اللانسر ممتازة و غير متميزة و لها مميزات ( توافر عالي لطقع الغيار و سهولة الصيانة و اعادة البيع طبعا السهلة )
هاتلاقي مليون واحد يشتريها ساعة ما تفكر تبيع
من طالب جامعي ......... لمعلم خضار ......... لجزار بتاع لحمة .....لدكتور .......... لمهندس
عكس الجين 2 اللي ليها زبون مخصوص

و السلام عليكم و رحمة الله و بركاته