مشكلة كبيرة مع البنك الاهلي الفاشل"ربنا يستر وتتحل"
انهاردة قابلتني مشكلة كبيرة في البنك الاهلي
كنت سايب كارت السحب مع اخويا في الامارات لأني باحتاج اشتري حاجات من هناك وهو كان بيشتريهالي ويبعتهالي
المهم جرب يسحب من الكارت مبلغ 2500 درهم مايقابل 5000 جنيه
الكارت مسحبش وظهرتله رسالة" راجع البنك الخاص بك" وهو كلمني وقالي مسحبتش وبعتله الفلوس بطريقة تانية
المهم روحت انهارده اسحب المبلغ من البنك قالولي الحساب مفيهوش فلوس دخلت لخدمة العملاء قالي حضرتك في عملية سحب تمت في الامارات وتم خصم المبلغ قولتله العملية ماتنفذتش
قالي هتعمل شكوي في الفرع بتاعك وهتاخد 90 يوم
تخيلوا معايا كده 90 يوم علشان يحلوا مشكلة هما السبب فيها ماليش اي ذنب فيها الا اني اخترت اسوء بنك في العالم علشان اتعامل معاه
وياريت بعد ال 90 يوم دول تتحل المشكلة والفلوس ترجع ومايقولوليش عوضك علي الله وفلوسك راحت
"ربنا يستر"
