عرض للطباعة
سلام عليكم انا واقف بالعربية على الدائري باختصار كنت ماشي عادي وبطلت العربية ودورتها لقيت لمبة الانتشيك منورة والمروحة شغالة على السرعة العالية ومؤشر الحرارة عمال ينزل حد يقولي ايه اللي حصل وامشي بيها ولا لاء انا بصيت على القربة فيها مية ومؤشر الزيت عادي بيقول ان في زيت
لو المياه في الرداتير سليمه امشي لحد اقرب حته
يعني افتح الريداتير ولا اشوف من القربة ؟ وامشي لاقرب مكان واركن العربية يعني دة المقصود ؟
أفتح وبص عالمياه بتاعت الرادياتير وانسى القربة دلوقتي.
وبص على الزييت واتاكد انه مش ناقص اهم حاجة!!
وبص على الكبوت وحط ودنك والعربية دايرة واتأكد ان مفيش صوت مش مظبوط ولاحاجة..
لو كل دا سليم؟ امشي بالعربية لحد أقرب مركز خدمة او لحد بيتك.
واحنا متابعين معاك..
خد باللك دى شكلها المياة خلصت والرداتير مش واصل على القربة ، شيك وربنا معاك وان شاء الله خير
طيب انا مستني كمان نص ساعة كدة وابقة كدة واقف سايب العربية بقالها حوالي ساعتين الا ربع وافتح اشوف الرداتير بس لو لقيت المية سليمة والزيت سليم ممكن يكون ايه اللي حصل عمل كدة يعني لو ساعة الحرارة بايظة تعمل كدة ؟
لو فى مياه فى الريداتير والزيت مش ناقص دور عربيك وامشى عادى وعلى اقرب مركز خدمه روحله بس اهم حاجه عينك على مؤشر الحراره الا يرفع للاخر وابقى اتأكد كل شويه فى ميه فى الريداتير ولا لا
مؤشر الحرارة بينزل مش بيعلى يعني العربية المفروض بتبرد والمراوح شغالة على السرعة العالية دايما
احتمال ترموستات الكوعه فيها حاجهاقتباس:
المشاركة الأصلية كتبت بواسطة tantawy13
حضرتك هتلاقي الرداتير فاضي استني لما تهدا و افتح الغطا و دور العربيه و زود المياه
ربنا معاك ويسهل لك الطريق والمشكلة تتحل بسرعة
ولو لقيت الريداتير فيه مياه وده احتمال ضعيف هايكون حساس الحراره فيه مشكله
ولو مالقتش فيه مياه دور وزود مياه واقفل واجرى على البيت . والصبح انزل على اقرب مركز خدمه يشوفلم الريداتير ايه مشكلته
ولو احتاجتنى كلمنى انا هافضل معاك على التليفون ولو احتجت ونش يوصلك لاقرب مركز خدمه منك كلم شركة الفرسان . وقولهم انك من طرف مركز حمزه المهندس محمد عبد الجواد هايبعتولك ونش فى ظرف 15 دقيقه يوصلوك لاى مكان انت عاوزه .
موبيلى رقمه 01210555631
معنى انى المؤشر بينزل دة حضرتك مفيش مياه
علشان كدة الترومستات مش حاسه انى فى مياة سخنة فبتنزل
راجع على المياة
هو انتا حضرتك كنت راكن على دائرى صفط فى اتجاه الدائرى بتاع المرج اوكتوبر و العربية لونها ابيض
بالتوفيق ان شاء الله
و ربك يستر
لو مفيش ميه فى الردياتير معنى كده ان المؤشر يطلع مش ينزل اصل ينزل معناها ان العربيه بارده جدا وغالبا ثرومستات الكوعه او حساس الحراره وربنا يسترها معاك
الحمد لله معلش يا جماعة اسف معرفتش اطمنكم امبارح عشان الاب فصل شحن مني ومتشكر جداااااااااا لاهتمامكم والله انتم احسن رجالة انا حقول اللي حصل عشان لقدر الله لو حد حصل معاه نفس المشكلة يبقة فاهم انا استنيت لما العربية بردت تماما فتحت الرداتير لقيتة مليان مية مؤشر الزيت زي الفل فكيت كابل البطارية ودورت لقيت المشكلة زي ما هي العربية باردة تماما لكن المرحو شغالة على السرعة العالية لكن لمبة التشيك اطفت روحت لكهربائي اعرفة على البيت لانه قافل طبعا الاحد طلع سلك ارضي طالع من الضفيرة مش ماسك في مكان حديد مجرد ما اتوصل السلك العربية اتظبطت تماما الحمد لله وتاني بكرر شكري ليكم كلكم
الحمد لله
اقتباس:
المشاركة الأصلية كتبت بواسطة tantawy13
كللللنا عاوزين نقلك الف حمد لله علي السلامه
بس عاوزين نعرف ((( ايه فرده السيلك دي ))) كلنا نتعلم
والله انا مش حقدر اقولك اوي لاني معرفتي بالمسميات بسيط لكن هي مكانها كان في الضفيرة اللي تحت الموبينة على طول هو ربطها في الحديدة اللي ماسكة الموبينة اتظبطت العربية انما اسمها اية او وظيفتها ايه بصراحة معرفش والف شكر ليكاقتباس:
المشاركة الأصلية كتبت بواسطة verna2008auto
اللى تحت الموبينه على طول ده كابل الارضى الخاص بحساس الحراره ،
حضرتك اصلا لو فكيت فيشة حساس الحراره ومنعت عنه توصيلة الضفيره المروحه هاتشتغل على اقصى سرعه لها على طول، ووظيفة حساس الحراره ديه مثل وظيفة ترموستات الريداتير فى السيارات القديمه وهى تشغيل المروحه على الدرجه الاولى او الثانيه طبقا لاحتياج السياره ، المهم حمدا لله انك روحت سالما ، وانا مبسوط انى الموضوع طلع بسيط زى ماقولت لحضرتك انى المشكله من الحساس
الحمد لله طلعت حاجه بسيطهاقتباس:
المشاركة الأصلية كتبت بواسطة tantawy13
الحمد الله ان الموضوع عدي علي خير
الحمد لله ، هى كانت بتهزر معاك بس :)