الف مبروك و ربنا يباركلك فيها يا باشا بس غريبه ده انت لسه جايب كرولا 2013 خليجى من شهرين تقريبا راحت فين
عرض للطباعة
الف مبروك و ربنا يباركلك فيها يا باشا بس غريبه ده انت لسه جايب كرولا 2013 خليجى من شهرين تقريبا راحت فين
طيب كويس انى مش جبتها لو شوفت الموضوع بتاعى لسه عامله النهارده قولت فيه انى كنت هجيب كرولا 2013 خليجى لاكن بعد كده اتسقريت على كيا 2014 و الحمد لله
ربنا يعطيك خيرها ويكفيك شرها .والف مليون مبروك
الف مبروك
ممكن مقارنه سريعه بينها و بين الكرولا ٢٠١٣ بما ان الكرولا فضلت معاك شهرين؟؟؟ يا ريت المقارنه في تجربه القياده ( النعومه و التسارع و الثبات و العفشه و صوت الماتور و العزل و متعه القياده ) وليس الاوبشن لان كلنا عرفنها
ايوه عايزين نعرف الفرق بما ان حضرتك ركبت العربيتين ياباشا
فى انتظار المقارنه
ايوة ياباشا الكرولا فعلاً قعدت معايا شهرين بس للاسف في الشهرين يادوب مشيت بيها 1000 كيلو فقط وكنت بلين في الفترة دي فامش هااقدر افيدك في التسارع والثبات وخلافة لان الحقيقة اقصي سرعة يادوب لمسها العداد كانت 120 وبنزل عنها بسرعة وبالنسبة لصوت الموتور ناعم جداً لا العزل مش كويس والعفشة بتاعتها ناشفة .. نيجي للسيراتو صوت الموتورايضاً ناعم جداً والعزل الحقيقة افضل والعفشة بجنط 16 عندي ناعمة جداً و بالنسبة للتسارع بردو مش هااقدر افيد حضرتك لان لسة بلين يادوب عامل بيها 600 كيلو وملمستش 120 حتي يادوب 100 وبنزل عنها بسرعة وبالنسبة لمتعة القيادة الحقيقة وبكل امانة السيراتو تكسب
ممكن تقولى كانت ايه الفئات الخليجى اللى كانت ادامك و انت بتشترى و اسعارهم و موصفاتهم
الف مبرووك
الحقيقة لم اهتم بأي مواصفة غير اللي كنت طالبها انها تكون جنط 16 واية بي اس وايرباج ومثبت سرعة وفوج لايت وايمبوليزر وبلوتوث ومفتاح ريموت وفتحة سقف غير كدة الحقيقة لم اهتم لان لقيت الفئات الاعلي هاتكون بجنط 17 ودة الحقيقة رافضة نهائي علشان مش هاينفع معايا في طرقي اللي مليانة مطبات وحفر .. بس لاحظت واحدة عراقي بجنط 17 وليد خلفي وامامي و2 ايرباج ودي كانت في حدود 165 او 167 علي مااتذكر
طيب كل الامكنايات دى كانت موجوده فى الفئه التالته ex fo وكيل ليه فضلت الخليجى عن الوكيل و فئة الوكيل بى 162 يعنى هى هى سعر عربيتك
هااقول لحضرتك علي حاجة اية الفرق بين الوكيل والخليجي ؟؟؟؟ والخليجي فية علي فكرة اوبشن اكتر من الوكيل يعني حضرتك ذكرت ex fo لايوجد بها فتحة سقف نيجي لموضوع الضمان .. اشتريت ضمان لشركة محترمة زيها زي التوكيل والصيانات فيها كمان عندهم ليها افرع من شركة كيا مصر .. وفي الاول والاخر الضامن والحارس ربنا
اصل انا معايا EX Fo و كان ادامى الخليجى زى بتاعت حضرتك زياده فتحت سقف بس بالنسبالى طز فى فتحت السقف و الوكيل احسن من وجهة نظرى و مبرووك ليا و ليكى
ألف مبروك ... وربنا يبارك لك فيها.