ازاى اعمل نسخة احتياطية من (شبابيك-8)

**salodas** · 31-03-2014 11:22 AM

صباح الخيرات
انا اشتريت لاب توب جديد بنظام (شبابيك-8 ) اصلى .
عاوز اعرف ازاى اعمل نسخة احتياطية من الويندوز على ( دى في دى) ... يعنى في حالة الويندوز خرب .. اقدر انزلها على الجهاز .

طبعا هما قالولى انى ممكن اعمل reset للويندوز وأرجعه لنفس اليوم الى اشتريت فيه الجهاز... لكن انا مش عارف ازاى ... وهل الكلام ده فعلا صح .

thanks in advance

**hani945** · 31-03-2014 12:20 PM

بص يا باشا
اللابتوبات الجديدة بتيجى بنظام تشغيل شبابيك جاهز بتعريفاته ببرامجه الأصلية بكل حاجة وفيه نسخة احتياطية فيه اسمها الريكفرى ، الريكفرى ده بيبقى على جزء من الهارد ديسك ، وأنا سعيد إنك سألتنى السؤال ده ، إزاى هتقدر ترجع النظام إلى ضبط المصنع أو زى أول يوم اشتريت فيه الجهاز ، فيه بعض الاجهزة بتلاقى زرار يشغل الريكفرى ويمسح النظام التالف ويرجع النظام الأصلى للجهاز زى اللينوفو وفيه بعض الأجهزة زى الديل بيبقى عندك فرصة إنك تطلع الريكفرى على دى فى دى وتشغل الأمر من القائمة الرئيسية ، بس هو الصح إن الريكفرى يطلع على دى فى دى احتياطى
ومهندسين الكمبيوتر هنا يقدروا يساعدوا حضرتك ويشرحوا الموضوع أحسن منى إن شاء الله