صوت شخللة في الأرض الغير الممهدة؟

**Sameyes** · 31-03-2014 12:57 PM

السادة الأعضاء المحترمون،

من الآخر كده العربية فاتحة بقها على البحري بقلها ٣ شهور بتستنزفني مادياً ومعنوياً !! المهم، أخر حركتها معايا إنه كان في صوت زي متقولوا كده شخلله أو كأن في حاجة سيبا بتخبط في العربية في المقدمة من تحت ماستر الفرامل العمومي، وكانت بتبان في الشوراع المكسرة والأرض الغير ممهدة ولفيت بيها على الصناعية من العفشجية والميكانيكيا وكل واحد طلع لنفسه سبوبة ومحلش العيب (ربنا يباركلهم) يعني بسببهم صرفت مصاريف قد كده والصوت زي ماهو لحد ما آخر واحد قالي حاول تنساه وتعايش معاه عادي؟؟؟

امبارح بقأه العربية جيت أدورها مادرتش والمارش مش بيلقط وكأنه مفوت. فأنا حاسس والله أعلم إن ده ترس البيندكس لأن المشكلة دي حصلت معايا قبل كده في العربية القديمة مع العلم إن البطارية سليمة وكابلتها زي الفل وشاحنة وكله تمام.

إيه رأيكم ؟؟ أرجو الإفادة قبل التصرف لأني بجد أنا زهقت من فتي الصنايعية ومصارفهم الرهيبة!!

وجزاكم الله كل خير

**أحمد البيومى** · 31-03-2014 02:50 PM

بخصوص صوت الشخللة جرب حضرتك إخبط الكاوتش برجلك أو خبط عليه جامد بإيدك الكاوتش الموجود فى الناحية اللى شاكك إن الصوت ناحيتها لو سمعت الصوت يبقى المسمار اللى ماسك الفرامل بالطنبورة فيه بوش وبيعمل صوت شخلله كدة زى صوت الصاجات وبيبقى مسموع من جوة العفشجى بيلف عليه شيكرتون الصوت بيروح إن شاء الله أو تغيره أفضل طبعا .. دا عن تجربة سابقة وليست خبرة