عرض للطباعة
السلام عليكم
دلوقتي لو العربية تم اثبات الفاميه على الرخصة
ومكتوب في الرخصة التالي "زجاج فميه فابريكا"
هل كدة ليا الحق اني افيم العربية كلها من غير ماحد مايتكلم ؟؟
انا عارف انه احيانا بيتكتب في الرخصة زجاج ملون وسعات بيتكتب زجاج خلفي وجانبي ملون
بس مش فاهم الصراحة ايه الفروق
حد عنده خبرة في الموضوع ده ؟؟
تم نقلة لساحة المرور وموضوعات التأمين فى مصر .
ايوه يا فندم ،،كده ليك حق تفيم كل زجاج العربيه ومفيش حد ليه عندك حاجه ،،طبعا حيوقفوك في كل لجنه هتروح حضرتك مطلعلهم الرخص وبصصلوهم من فوق لتحت وماش ،،بس كده
لا ياباشا فاميه الفابريكا يعنى ال 3 اللى ورا بس !!
هيعملوهالك مخالفه لو فيمت امامى !! حصلتلى كتير
لاكن اللى تقدر تفيم بيها العربيه كلها
يبقى مكتوب فاميه او ملون بس !! من غير اى كلمه تانيه
ولو الواحد عايز يعملها لازم واسطه محترمه ولا ممكن فلوس لان الشمس بصراحه ملهاش حل وخاصه فى الصيف
[QUOTE=احمد المصرى;3875497535][size=5][color=blue]ولو الواحد عايز يعملها لازم واسطه محترمه ولا ممكن فلوس لان الشمس بصراحه ملهاش حل وخاصه فى الصيف
كله بالحنيه بيفك
طيب مين يعرف حد في مرور اكتوبر ؟؟ وهنشوفه طبعا :d
الواسطه والفلوس يعملو اى حاجهاقتباس:
المشاركة الأصلية كتبت بواسطة احمد المصرى
اقتباس:
المشاركة الأصلية كتبت بواسطة الجنرال
وانا معاك ومستعد ادفع ال يطلبه
و الله يا جماعة احنا عندنا بيخترعوا قوانين و الله و بيألفوا مع نفسهم
انا فى فرنسا دلوقتى و العربيات نصها مفيم و مش اصلى و فيه منهم مفيم غامق جدا و الله و اصلا هنا فين و فين لما بتطلع شمس و لما بتطلع مش بتبقى بنص قوة الشمس فى مصر
انا بصراحة معرفش ايه القوانين هنا بس واضح ان الموضوع مش معقد خالص لأن فيه فعلا عربيات كتير جدا مفيمة و درجات مختلفة و عربيات انا متأكد انها مش بتنزل فاميه فابريكا
الموضوع يتوقف علي ماركه و موديل العربيه يعني لو فى منها فابريكه بتنزل كلها متفيمه يبقي ممكن يعديهالك علي أساس ان الموضوع مش محدد فى الرخصه انما لو اللي متفيم منها بيبقي خلفي فقط أو خلفى و جانبي بس يبقي ساعتها هتاخد مخالفه لو فيمت قدام و هيخليك تشيله و بتوع المرور بيبقوا ما شاء الله عارفين كل الماركات ايه اللي بينزل فيها. الخلاصه يعني انها مش قصه فلوس و رخصه بس لكن بتعتمد كمان علي نوع وموديل العربيه و ووجهه نظر اللي هيوقفك. لو عايز نصيحتي يبقي بلاش تفيم قدام علشان وجع الدماغ و كمان علشان تعرف تشوف كويس بالليل
لو حضرتك عربيتك مش نازله بفاميه فابريكه هاتدخل في مشاكل حتي لو كتبتها علي الرخصه لو اتسحبت منك هايعرفوا انها مكتوبه علي الرخصه بس وهاتدخل في حوار جامد
فى الكواكب التانيه الفاميه ده اساسى على كل العربيات لكن فى كوكب مصر الشقيق هذه جريمه
بلاش فاميه امامي علشان الرؤيه الليليه هتكون صعبه جدا واحنا عندنا معظم شوارعنا اصلا ضلمه بالليل
ممكن يقولك نزل الازاز الامامي اللي حنب باب السواق وهيبص فيه وهيعرف ان الفاميه تركيب مش فابريقيه وبعدها هيسحب الرخصه حصلت لواحد صاحبي وشكرا
مافيش حاجة اسمها اثبات الفيميه على الرخصة
الفيميه يتكتب في حالة ترخيص العربية لأول مرة فقط ولابد ان تكون مصنعة بالكامل بالخارج والفيميه مثبت في الإفراج الجمركي
اي بيحصل انها بتتزود على الرخصة المطبوعة ولايتم اثباتها في الملف ولو اتمسكت بتبقى قضية تزوير في اوراق رسمية
يا رب يعدلو القانون المتخلف ده
ايه ده؟؟ بجد الكلام ده؟؟اقتباس:
المشاركة الأصلية كتبت بواسطة ehabouf
لو مش مصدق جرب اسأل في اي وحدة مرور ولو حد خدك على جنب وقالك حاعملهالك بكذا قوله مش حادفع غير لما اعمل بدل فاقد من الرخصة الي حاتجيبهالي وشوف رده ايه؟؟؟؟اقتباس:
المشاركة الأصلية كتبت بواسطة الجنرال
طيب لو واحد كتب فى الرخصه زجاج فاميه والرخصه اتسحبت منه ايه اللى هيحصل ؟
لو اتراجعت على الملف قضية تزوير وفيها سجناقتباس:
المشاركة الأصلية كتبت بواسطة zerox2010