موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**aqwsderfgtyhju** · 26-05-2015 11:14 PM

السلام عليكم
جزاك الله خيرا
بفكر اشتري الاسكودا الأوكتافيا ومحتار عشان موضوع الفتيس فكنت عايز راي حضرتك
انا معروض عليا اسكودا a5 2007 الفئه تانيه فابريكا بره وجوه الحاله ممتازه اقل من 95000 الف ك صيانه توكيل ممكن اعرف سعرها هوا طالب 115000
ايه رايك في السعر ولو غاليه سعرها يبقي كام
وشكرا جزيلا لك

**sadany100** · 29-05-2015 12:01 AM

المشاركة الأصلية كتبت بواسطة sadany100

السلام عليكم عداد الحراره فى اسكودا a5>>2007مش بيعدى التسعين طول ما العربيه شغاله انما اول ما ابطل العربيه العداد بيعدى التسعين بشرطه كامله غيرت حساس الحراره ولسه المشكله موجوده ممكن مساعده

الاستاذ طارق مردشتش عليا . بس الحمد لله عرفت العيب فين وحبيت اعرف الناس كلها الحل ايه
كان الترومستات الى فى كوعه الميه الى بدخل الميه على المتور قافش ومنش بيدخل الميه على الماتور للتبريد فا الميكانيكى شاله خالص وركب الكوعه من غيره .. المشكله اتحلت الحمد لله . بس عايز اعرف من حضرتك هو وظفته ايه وهل عدم تركيبه يسبب مشكله بعد كده .. وشكرا لحضرتك

**mario248** · 29-05-2015 10:34 AM

صباح الخير جميعا ....من فضلكم انا عربيتي سكودا اوكتافيا a4
موديل 2008

من حوالي شهر انا غيرت البطاحات و المساعدين و جلب المقص و بارات دريكسيون خارجيه و كوبلن يمين و شداد فتيس.

و العفشه كانت تمام و متامسكه جدا بس لمدة 3 او 4 ايام و بعدها بدأت أحس انها بتفك واحده واحده و كل ماروح اربط العفشه ... تفك في نفس اليوم او اليوم اللي بعده بالكتير و بحس كأنها ماتربطتش خالص يعني في الاول بتبقي مربوطه و قويه و بعدها تدريجيا بتفك خالص في خلال نفس اليوم او اللي بعده..
نفسي أعرف حل المشكله ايه علشان انا اتجننت من العفشه خلاص ز

أرجو المساعده من فضلكم.
شكرا

**aqwsderfgtyhju** · 29-05-2015 12:41 PM

المشاركة الأصلية كتبت بواسطة sadany100

الاستاذ طارق مردشتش عليا . بس الحمد لله عرفت العيب فين وحبيت اعرف الناس كلها الحل ايه
كان الترومستات الى فى كوعه الميه الى بدخل الميه على المتور قافش ومنش بيدخل الميه على الماتور للتبريد فا الميكانيكى شاله خالص وركب الكوعه من غيره .. المشكله اتحلت الحمد لله . بس عايز اعرف من حضرتك هو وظفته ايه وهل عدم تركيبه يسبب مشكله بعد كده .. وشكرا لحضرتك

استاذي الفاضل /sadany100
انا معروض عليا اسكودا a5 2007 هي عامله 120000 ك كنت عايز اعرف بما انكةراكب نفس العربيه ايه رايك فيها من ناحيه الصيانه والفتيس
منتظر رد حضرتك لاني ممكن اروح اتفرج عليها بكره ان شاء الله وتنصحني ابص علي ايه
ومتشكر ليك

**sadany100** · 29-05-2015 11:18 PM

المشاركة الأصلية كتبت بواسطة aqwsderfgtyhju

استاذي الفاضل /sadany100
انا معروض عليا اسكودا a5 2007 هي عامله 120000 ك كنت عايز اعرف بما انكةراكب نفس العربيه ايه رايك فيها من ناحيه الصيانه والفتيس
منتظر رد حضرتك لاني ممكن اروح اتفرج عليها بكره ان شاء الله وتنصحني ابص علي ايه
ومتشكر ليك

عربيه فوق الممتازه بس مصارفها نار ومش اى حد يشتغل في صيانتها فهتروح التوكيل وده بقه مبيصلحش بيغير على طول اى حاجه شاكك فيها واسعار التوكيل مبالغ فيها بطريقه فوق فوق الوصف بس ناصيحتى اكشف عليها فى التوكيل ب 250 جنيه كشف كامل ومتخدش حاجه رشه بره حتى... اشترى فابريكا بره وجوه وتكون معملتش اكتر من 100000كيلو لان بعد كده الناس بتبيعها عشان مصاريف السيرفس بتبقى كتير جداا .....بالنسبه للفتيس اكتر حاجه تتأكد منها فى التوكيل لان مشاكله فيها مصاريف بالاااااف.. جرب العربيه بنفسك لو كنت ركبت اوتوماتك قبل كده وقارن بنفسك النقل بين السرعات كويس ولا بتحس بنتشه فيه او دبه اوعى تفكر تشتريها ..اخر حاجه فى المنتدى هنا الاستاذ طارق من اكتر الناس المحترمه الموجوده هنا وعنده خلفيه كبيره فى الاسكودا بالزات ممكن يساعدك اكتر منى.. ياريت اكون عرفت افيدك سلام

**elshamy_666** · 30-05-2015 04:22 AM

انا عندي كام سوال لو سمحت
اولا سعر الطاره من غير اير باج اوكتافيا ايه 5 2005
ثانيا ينفع اغير العدادت من الشاشه العديه ل الماكسي دوت
ثالثا لمبه التشيك انجن مش بتنور خالص مع بقيت لمبات مع اول تكه مفتاح
اسف للاطاله

**elshamy_666** · 30-05-2015 04:48 AM

وبسمع صوت هوا من ورا علي سرعه اعلي من 40 صوت زي شباك مفتوح بس

**aqwsderfgtyhju** · 02-06-2015 10:38 PM

.شكرا لحضرتك ا/ sadany100 علي الاهتمام واالنصائح الحمد لله اتفرجت عليها وهي كويسه واتفقنا ان نعمل فحص في التوكيل
بس هل توكيل اللي علي طريق طنطا المحله دا كويس
وشكرا ليك مره اخري

**nagy.nabil** · 06-06-2015 02:57 PM

مساء الخير
سيارتي سكودا أكوتافيا موديل 2000 مانيوال a4
عندي مشكلتين:
1- عند ضبط لمبة الصالون مع الأبواب تظل مضاءة بالرغم من أن الأبواب مغقة تماماً. فما هي المشكلة وحلها؟ وهل يوجد مؤشر آخر لمعرفة الأبواب المفتوحة؟
2- السيارة عند الصباح تدور بكل كفاءة ولكن عند التحرك بالسيارة لمدة تزيد عن 15 دقيقة يفصل المحرك وعند محاولة إدارتها ثانية يلاحظ رفع الـ rpm ورجرجة بالسيارة ثم تفصل ثانية وعند تركها لمدة 30 دقيقة متواصلة بدون محاولة دوران تعمل طبيعية ثم تفصل بعدها بـ 15 دقيقة كالسابق (علماً بأن هذا يحدث سواء التكييف كان يعمل أو لا ومؤشر الحرارة بمكانه تماماً ولا توجد أي إشارات بالتابلوه لوجود أي مشكلة). فما هي المشكلةوحلها؟
أشكر مساعدتكم

**mizooroodi** · 09-06-2015 04:26 PM

عندي استفسار لو سمحتوا بخصوص الفانتازيا
اولا عندي مشكله في تكييف العربيه وهي ان تبريده بيقل ويزيد من نفسه مع العلم ان درجة التبريد بصفه عامه قلت وكشفت عليه وزودت فريون والمشكله زي ما هيا .. مش عارف لازم اروح التوكيل اكشف عليه ولا في حد متخصص كويس بره التوكيل اروحله
ثانيا عندي مشكله وانا ماشي غيارات العربيه سليمه مفيهاش مشكله لكن لو انا ماشي بسرعه ودست فرامل وبعدين بنزين يعني سقطت اكتر من نقله بلاقي العربيه بتنتش او ترزع والمشكله دي من زمان
افيدوني لو حد يعرف حل وجزاكم الله خير