الموضوع: موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

المشاركة الأصلية كتبت بواسطة moratoz

انا حصلت معايا بشكل مختلف في a4 قبل كده ساعات كانت تدور من اول تكه وساعات كانت تجنني لحد ما تدور وروت غيرت حساس الكامة وميحصلش حاجة وبعدين كشفنا علي طرمبه البنزين وكانت هيه المشكله واتغيرت والموضوع اتحل
ولكن كان في موضوع من فترة في القسم لمشكله من نفس النوع وطلع العيب في الفبرة بتاعت الكونتاكت وغيرها واتحل الموضوع

بإذن الله تعالى هشوف طرمبة البنزين وربنا يسهل وهبقى اقولك على الاخبار ومتشكر جدا على سرعة الرد

المشاركة الأصلية كتبت بواسطة abohalmos

السلام عليكم و رحمة الله
عندي اوكتافيا a5 هاي لاين موديل ٢٠٠٨
عندي لمبة حساس ضغط الهواء داخل الاطارات اللي في التابلوه منورة بلون اصفر و لما اشغل الكونتاكت بتدي صفارة تحذير مرة واحدة زي الجرس .. علما بأني الاربع فرد كاوتش لسه معملوش ١٠ الاف كم و النوع كومهو اكيستا .. و ماليانين نيروجين .. و العربية من اسبوعين كانت فيها فردة الكاوتش نايمة لانه دخلها مسمار و تم تصليحها و حاولت اظبط النيتروجين اكتر من مرة و اللمبة مش بتطفي برضه زي ما هيا ... ايه الحل و لم اقم بغسل العربية في اي مكان مؤخرا و لكن بتتغسل بفوطة و كدة تحت البيت .. ايه الحل و جزاكم الله خيرا

دوس على زرار set إلى تحت زراير التكييف لمدة 30 ثانية و العربية شغالة
مع الشكر

بتواجهني مشكلة بقالها شهور و مش عارف لها حل http://www.nilemotors.net/Nile/38624...post3875256894
لدرجة أني بفصل البطارية لما ارجع البيت عشان ما الاقيهاش الصبح نايمة

السلام عليكم
اولاً بشكر صاحب الموضوع على مساعدته
ثانياً أنا عندى كذا مشكله فى العربية وهى فانتزيا 2011 فى الأول ظهرت مشكله أن الباب اليمين الأمامى الكمبيوتر مش قاريه يعنى تفتح أو تقفل يظهر على الشاشة أنه مقفول بس لمبة الصالون بتنور معاه، وبعدين عداد الكيو الدجتل اختفى من شاشة الكمبيوتر، فرحت لورشة صيانة جه يكشف عليها بالكمبيوتر الكمبيوتر مقراش العربية زى مقالى على الرغم من انه كان بيكشف عليها قبل كده عادى، كشف على فيورات لقاها سليمه، بعدين قالى ده عيب فى حاجه تحت التارة حل الفبر بتاعها وقالى ان اكيد المشكله فيها عدى عليا الأسبوع الجاى اكون جهزتلك وحده نجرب بيها.
ايه راى حضرتك فى المشاكل دى، وكنت عايز اضيف أن قبل ما يختفى عداد الدجتل البطارية كانت مش شغاله فغيرتها بواحدة 75 امبير

لو سمحت أنا لسه شاري أوكتافيا a5 2006 وكل شويه تظهر رسالة التحذير من مستوي مياه القربه فغيرت المياه لها بس برضه كل شويه بلاقي المياه بتقل كتير مش عارف ايه السبب !!