موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**Eng.hany** · 10-02-2016 08:11 AM

المشاركة الأصلية كتبت بواسطة maromal

شكرا على ردك

المشكلة فعلا فى الشيالتين الفيبر اللى ماسكين الازاز و فعلا بغيرهم و مش بيكملو اسبوعين و ينكسروا او يفكوا من مكانهم و كنت عاوز حل دائم بس فعلا كدة شكلها ملهاش حل غير التغيير كل شوية

الشكر لله وحده
بس اناعايز اقول لحضرتك كل اسبوعين لا كده فيه حاجه عندك بالباب مش تمام
انا مغير الترس بقاله اربع شهور والشيالة من قبله ولله الفضل كله تمام انا بشك ان المجري بتاعت الزجاج محتاجه تتنظف او حاجه بتحشر الزجاج فالشيالة بتتكسر فكل اسبوعين او حتى شهرين ده مش عيب شيالتين طبعا شوف سرعة طلوع ونزول الدرفة دي بالمقارنة بالشمال والخلفي لو بطيئة بصورة ملحوظه يبقى كلامي احتمال كبير يكون مظبوط . تنظيف مجري الزجاج ببخاخة dw40 بخاخة بشفاطة بتدخل الشفاطة جوه المجرى وتحرك وانت دايس بشويش علشان السائل يتوزع على المجرى كلها وتسيبها 10 دقايق وبحتة قماش تدخلها في المجرى وتنظفها.

**sadany100** · 14-02-2016 11:00 PM

السلام عليكم العربيه اسكودا a5 لمبة مانع الانزلاق بتشتغل لوحدها ولو فضلت شغاله اكتر من نص ساعه بلاقى الغيرات على الشاشه كلها معلمه . ومراوح التبريد بتشتغل لما بتكون اللمبه شغاله وبيبقى صوتها عالى ومتفصلش خالص الا لما ابطل العربيه واشغلها تانى الاقى كل حاجه بقت تمام .. المشكله دى موجوده عندى بقاله فتره اروح اكشف عليها فى التوكيل ينضف فى الفيش ويقولى مفيش اعطال ظاهره على الكمبيوتر .. ممكن حد يساعدنى

**ms star** · 17-02-2016 12:04 AM

السلام عليكم
معى فانتازيا 2011 من الزيرو عملة 87000 k
السؤال الاول
عندبداية التحرك بسمع صوت تزيقة خشنة فى السيارة من الاسفل تقريبا من المساعدين واليايات او من الطنابير مع التيل
بسمع الصوت ده بعدمادوس على دواسة الفرامل والسيارة فى d وارفع قدمى لمدة ثانية او ثانيتين وادوس فرامل مرة اخري
السؤال الثانى
الى الان لم اقم بتغيير سير الكاتينة فهل هناك مشكلة
خالص تحياتى

**Ayman ghareb** · 19-02-2016 01:26 PM

السلام عليكم
اسعد الله صباحكم
كنت بسأل عن زيت الباور بتاع الدريكسيون بيبقي احمر ولا ابيض وما هو افضل انواعه وهل نوعه يؤثر علي خفيه الدريكسيون مع العلم اني شاري عربيه جديد ولاقيت في خزنه زيت الباور زيت احمر والدريكسيون تقيل شويه.
اوكتافيا a4 اوتو 2004
ولكم جزيل الشكر

**YASSEN_SOS** · 14-03-2016 11:50 AM

مساء الخير ...

تحياتى للجميع ... اولى مشاركاتى و برجاء الرد

السيارة :- A5 2005 140.000 K/M Manual
عندى مشكلة فى صوت الجير بوكس الصوت خشن ودايما بيبان اكثر فى المنحنيات و بالذات لليمين روحت لأحمد هريسة فى اسكندرية زود زيت الجيربوكس وقاللى دى مشكلة فى الكورونا و مالهاش حل غير تغيير الجيربوكس كامل و مافيش تغيير للكورونا لانها مش متوفرة لوحدها .. مع العلم انه قاللى ان الصوت مش مؤثر بالمرة ومافيش اى خطر على العربية ..

منين اجيب كورونا لوحدها ؟ ولو مضطر أجيب جير بوكس كامل تنصحونى بإيه ؟؟؟

**ابو عدى** · 16-03-2016 10:33 PM

لو سمحت يا بشمهندس انا عربياى اوكتفيا اa4و الاربى ام شوية فوق الواحد وشوية تحت وكمان يكون فى الوضع الطبيعى وامشى الاقى الاربى ام فوقالواحد وانا باخد مطب مثلا وموار العربية الاقى الاربى ام فوق الواحد اشيل رجلى منعلى الدبرياج واطلعبالعربية ينزل تحت الواحد عاوز اغرف دة عيب بوابة ولاحساس شكمان مع العلم ان حساس الشكمان بايظ

**ابو عدى** · 16-03-2016 10:51 PM

لو سمحت يا بشمهندس انا مع اوكتفيا a4 احياناالاربى ام فوق الواحد وينزليكون طبيعى مثل باخد مطب مثلا واموار العربية الاقى الاربى فو الواحد واشيل رجلى من على الدبايرج يرجع الاربى تحت الواحد عاوز اعرف دة عيب بوابة ولا حساس شكمان مع العلم ان حساس الشكمان بايظ ولم بحطة على الكموبيتر يطلع العطل فى حساس الشكمان ارجو الافادة لو سمحتوا
2 لمبةabsتظهرى على الشاشة فى المطبات وبعدين تطفى واحس ب كلبشة فى العربية بس على بسيط مع دوسة الفرامل
3 اجى اقلب نور او اشغل الانتظار الاقى النور اللى فى التابلوةبيرعش مع النور
معلش يا بشمهندس طول عليك بس ارجو الافادة

**Peter Edward** · 18-03-2016 07:49 PM

انا كنت عملت صيانة ال 60.000 و غيرت فيها سير كاتينة و شداد كاتينة و سير دينامو لكن من بعدها ظهر حاجة غريبة و هى صوت زى صوت احتكاك بيكون موجود الصبح بدرى اوا مادور العربية و هى لسة باردة و بيفضل دقيقتين او ثلاث دقائق و لما تسخن العرية او تمشى بيها الصوت يختفى لبموضوع مقلق جدا انا مشيت عليها 5000 كيلو على الحال ده , محتاج ردكم و مساعدتكم و مرفق رابط لفيديو مصور العربية و الصوت واضح فيها جدا

VIDEO0003 - Download - 4shared

شكراً للاهتمام فى انتظار مساعدتكم

**كارن** · 24-03-2016 12:51 AM

المشاركة الأصلية كتبت بواسطة Eng.Tarek Eladwy

السلام عليكم و رحمة
الله و بركاتة

الى الاخوة اعضاء المنتدي الكرام

قـســــم سـكــــودا

من لدية عطل او ستفسار بخصوص

SKODA
( A4 - A5 - Fantasia )

يتفضل بطرح سؤاله و ان شاء الله ستم الرد عليه

تحياتى بالتوفيق للجميع

[glint]

Skoda Service

[/glint]

تم التعديل
بمعرفة منسق القسم

المشاركة الأصلية كتبت بواسطة Eng.Tarek Eladwy

السلام عليكم استاذ كيدواني
اولا من وجهة نظري

1- ال 120000 يعتبر عالي شوية بالنسبة 2007
2 - السعر يعني شايفة رخيص شوية و هذا ليس بميزة عشان بس حضرتك تكون فاهم

النصيحة
يتم الكشف عليها في مركز أرتوك أوتو المعتمد . وشدد علي الكشف علي الفتيس الكترونيا و ظاهريا ..
و معلش هتخصر من 400 الى 500 جنية بس ممكن تكسب ال 86000 جنية
ولو التقرير طلعلك تمام . توكل علي الله .
و لو التقرير طلعلك فية مصاريف سيرفيس دورية مثلا حاجات في العفشة خفيفة
فلاتر بوجيهات . دة طبيعي و احسب سعرهم و حاول تنزل معاه بس معتقدش لو العربية تمام هينزل معاك . واسال و انت في التوكيل المشاكل اليي فيها مصاريفها اية و احسبها مع نفسك

أرجو من الله ان اكون قدمت لك النصيحة
و شكرا