موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**Eng.Tarek Eladwy** · 06-04-2014 01:11 AM

المشاركة الأصلية كتبت بواسطة mohamedhasoun

لو سمحت أنا لسه شاري أوكتافيا a5 2006 وكل شويه تظهر رسالة التحذير من مستوي مياه القربه فغيرت المياه لها بس برضه كل شويه بلاقي المياه بتقل كتير مش عارف ايه السبب !!

شكرا لمرورك
أولا ارجو المراجعة علي الريداتير بضغط الهواء ل يوجد خرم من عدمة
ثانيا ارجو فحص كوع المياه و الخراطيم + قربة المياه
ثالثا لما بتجي تدوس بنزين جامد و انت واقف هل يخرج مياه من الشكمان
لا بترجع من مشوار بعيد افتح غطاء الزيت شوف فية بخار طالع او علي الغطاء عامل طحينة
هل الحرارة بترفع فوق ال 90

شكرا

**Eng.Tarek Eladwy** · 06-04-2014 04:25 AM

المشاركة الأصلية كتبت بواسطة abdallah12345

شكرا لرد حضرتك واسف علي تاخيري.
طيب بالنسبه للترس الداخلي اللي في الكرونه ده تغيره سهل مفيش مشاكل ولا لازم اطلع بالموتور والجيربوكس كله بره ونفتح الجير بوكس ونفكه كله؟

لاني لو الموضوع كده وحيخش في حوار الجيربوكس اظن حيبقي صعب وبلاش منه ولا ايه راي حضرتك؟

لازم طبعا يتفك الجيربوكس برة عشان يتظبط و يتغير

تقبل مروري

**Eng.Tarek Eladwy** · 06-04-2014 04:32 AM

المشاركة الأصلية كتبت بواسطة abdallah12345

شكرا لرد حضرتك واسف علي تاخيري

بس ياتري موضوع تغير ترس الكرونه ده سهل مفيش مشاكل ولا لازم نطلع بالموتور والجيربوكس بره ونفكه كله؟

ولو كده اظن ده موضوع مش سهل وانا بقول بلاش افك الجيربوكس ولا ايه راي حضرتك؟

يا فندم انا رديت علي حضرتك . و الجيربوكس بس اليي بيتفك مش الماتور

**Xpatshix** · 06-04-2014 03:43 PM

المشاركة الأصلية كتبت بواسطة skoda service

أستاذ xpatshix اهلا بحضرتك
1- أرجو ذكر نوع السيارة و موديلها و عاملة كام كيلو
2 - سيارات الاسكودا كلها فيها نفس الرعشة البسيطة
3- أرجو المراجعة علي البوابة . لان هذة الاعراض أعراض بوابة و مش شرط تبان علي كمبيوتر الاخطاء . و ليس كل اجهزة كشف الاخطاء واحدة يعني ممكن تكشف عند حد يطلع مفيشة حاجة تروح علي جهاز تاني تلاقي فية خطاء . و انصحك بالكشف علي برنامج vcds
---
ثانيا
1-أرجو مراجعة طقم الدبرياج كامل و مراجعة الديسك و الاسطوانة لان العطل مش هيطلع من التلاتة بالنسبة لسيارات المانيول .
2- أرجو تصفية الزيت القديم و الفلتر . , اضافة زيت موبيل . او زيت الماني و بالنسبة لاسعار الزيوت في المانيول رخيصة .. مع تنظيف المغناطيس بالكرتيرة الخاصة بالفتيس ..

أتمني أني اكون قدرت افيدك

شكرا يا بشمهندس علي رد حضرتك
1- العربية نوعها سكودا a4
2- بالنسبة للديسك و الاسطوانة انا غيرتهم الشهر اللي فات و المشكلة مازالت مستمرة
3- حاضر هغير الزيوت كلها و اقول الاخبار بس موضوع النتشة دي اكيد مش من الزيوت

بالنسبة للرعشة اللي في العربية .. سير الكاتينة لو مرحل ممكن يعمل الرعشة دي ولا لا؟ و هل سير الكاتينة لو مش مظبوط بيطلع في الاعطال ولا لا ؟

ياريت حضرتك تقولي كشف جهاز ال vcds دة موجود عند مين بالظبط في منطقة الجيزة او وسط البلد .

**tefa_ref** · 06-04-2014 11:39 PM

عندى مشكلة فى عربية a4 2005 ماشية 144000 اتوماتيك ان العربية لما بتيجى تنقل من النقلة التانية للتالتة عند 40 كم بيعلى الار بى ام مرة واحدة لحد 4RPm وبعد كدة بيفضل ثانيتن وبعدها ينزل وبعدها العربية بتنقل عادى وساعات بتحصل وساعات لا وشكرا مقدما لحضرتك

**haitham.hesham** · 07-04-2014 12:31 AM

كنت عليز اعرف راي حضرتك في الفانتازيا الخليجي هل الواحد يجيبها ولا ادور علي مصري احسن في واحده ٢٠١٠ ماشيه ٤٤ الف كيلو هاي لاين خليجي ايه راي حضرتك

**Eng.Tarek Eladwy** · 07-04-2014 03:23 AM

المشاركة الأصلية كتبت بواسطة tefa_ref

عندى مشكلة فى عربية a4 2005 ماشية 144000 اتوماتيك ان العربية لما بتيجى تنقل من النقلة التانية للتالتة عند 40 كم بيعلى الار بى ام مرة واحدة لحد 4RPm وبعد كدة بيفضل ثانيتن وبعدها ينزل وبعدها العربية بتنقل عادى وساعات بتحصل وساعات لا وشكرا مقدما لحضرتك

شكرا للمرور
زيت الفتيس عامل بية كام كيلو ؟
أرجو مراجعة حساسات الفتيس g68 , g38 وهم حساس النقلات و السرعة
و التاكد من قياس زيت الفتيس
و ممكن تظيف البوابة
ارجو من الله اني اكون افدتك