تنبيه مهم جدا للناس اللي رايحة السخنة في عيد ميلاد المنتدي - خلوا بالكم من الطريق

**Samir Elshahawy** · 31-03-2014 03:37 PM

الاخوة و الاخوات الكرام / أعضاء نايل موتورز

أسعد الله صباحكم بكل الخير
ووقانا ووقاكم من شر الطريق و شرور أنفسنا

------------------------

و كل عام و حضاتكم بخير
بمناسبة الاحتفالية السابعة لمنتدي
نايل موتورز

بداية بأكتب لحضراتكم بعد أن افقت من علقة ساخنة بالامس قضيتها بميناء السخنة الذي توجهت أليه ظهر الامس و اثناء عودتي من هناك متأخرا (بعد منتصف الليل) كان الطريق خاليا تماما و بشكل مغري للسرعة و لكني بصراحة كنت قد أتخذت قرارا ألزمت به نفسي بترويض التسونامي الكوري و لكن ....

قبل بوابة القاهرة بحوالي 8 - 10 كم فوجئت بمجموعة من مطبات الهواء و الهبوط بالطريق بشكل عميق و بالرغم من أن سرعتي لم تتجاوز ال 140 كم/س ألا اني شعرت بأرتجاج شديد و تأثر بتلك المطبات التي لو كانت السرعة اكبر من ذلك لكان حدث مالايحمد عقباه

و لاحظت بعد ذلك وجود أثار فرامل علي الطريق و وجود أثار لبقايا سيارات محطمة أو أنقلبت بالفعل نتيجة لهذا الهبوط بالارض , و هذا شئ غريب علي طريق المفترض انه من افضل الطرق في مصر و يتم تحصيل رسوم عالية عليه و لكن حاله تدهور بشكل واضح

لذا وجب تحذير الاخوة الاعضاء من المنتدي الذين سيحضرون مقابلة عيد الميلاد بالسخنة بتوخي الحذر أثناء العودة الي القاهرة خاصة في المسافة قبل البوابة بحوالي 10 كم و عدم زيادة السرعة

و ربنا يسلم طريقنا و طريقك

**Land_Cruiser** · 31-03-2014 04:11 PM

شكرا يا فندم علي التنبيه . انا عارف المنطقه اللي حضرتك بتقول عليها دى و حسيت بالموضوع ده قبل كده و بالذات بالليل لأن درجات الحراره بتنخفض جامد عن الصبح

**EngAhmedSayed** · 31-03-2014 05:29 PM

شكرا يا بشمهندس سمير
على التحذير
و ان شاء الله خير

وربك يستر

**kh_talaat** · 01-04-2014 12:42 AM

شكرا يا سمير بك على التحذير .. يا ريت عايزين نزبط مع بعض ونطلع سوا لأني مش عارف مكان الفندق

**kazamodia** · 01-04-2014 02:22 AM

طب بالنسبة للطريق ده هل هو امان يعني عليه قطاع طريق ولا حاجة ؟

**r0xer** · 01-04-2014 06:18 AM

الطريق امان الامان ان شاء الله وانا لسة راجع اول امبارح وكان الطريق تحفة...وفعلا حسيت بمطبات الهواء لكن مش لدرجة مخيفة وكانت قبل البوابة بشوية وبعدها برضو في كام مطب هواء خفيف...

البنزينات بتاعت وطنية اللي عالطريق دلوقتي كمان بتشوف الرخص فاللي رخصته فيها مشكلة ميمونش من هناك :)