انتم عارفين ان الكرباريتر لادا مقرف جدا ياترى الناس عملت اية مع الكرباريتر اشتريت كرباريتر منين استيراد ولا جديد لانى بصراحة صرفت على الكرباريتر 100 ج وياريت كانت زودت واشتريت استيراد او جديد
عرض للطباعة
انتم عارفين ان الكرباريتر لادا مقرف جدا ياترى الناس عملت اية مع الكرباريتر اشتريت كرباريتر منين استيراد ولا جديد لانى بصراحة صرفت على الكرباريتر 100 ج وياريت كانت زودت واشتريت استيراد او جديد
يا ريس أنا صارف فوق الـ 250 جنية إصلاح غير كل شوية ضبط الهوا و البنزين عند الميكانيكى و يلقط الخمسة جنية و لا كأن فى أى حاجه جديده, برضه استهلاك عالى و بوجيهات بتهبب و ريحة عادم
علشان كده بأحاول قبل ما افكر فى كربراتير جديد أو استيراد أنى أغير البكات
http://www.nilemotors.net/Nile/413392-a.html
إللى أعرفه أن الكربراتير الاستيراد هيعمل 250 أو 300 بس حالته غالباً منتهى الصلاحية لأن الإستيراد بيتم دلوقتى من الدول الشرقية الفقيرة إللى لسه فيها اللادا (زى حالنا يعنى) و طبعاً بيكون طالع عين أبو إللى خلفوها قبل متيجى هنا.
فى كربراتيرات صينى جديده نازلة بـ 600 جنية, ناس شكرت فيها و ناس لعنت فيها, معرفش دى حظوظ و لا هو أصلاً غير صالح و مضروب كالعاده
و طبعاً أفضل و أغلى إختيار كربراتير روسى أصلى من حمدى لادا بالضمان بس ده بـ 1200
(دى آخر أسعار سمعت عنها قد يكون فيه إختلاف دلوقتى)
و اللذيذ إن متخصصين الكربراتيرات كلهم شغالين (أكس و باب) و لو جيت تسأله البيكات الأصلية عندك كام مش هيعرف.
بيكات اللادا الاصلى 110/112 او 115 لو بتحب السحب السريع
و التانى كان 90'او 95 مش فاكر الصراحة
مشكلة الكاربراتير ان الصنايعية بتوعه الله يرحمهم من زمان و دلوقتى مش هاتلاقى 2 او 3 بالكتير فى القاهرة بيشتغلوا صح و انسى بتوع شبرا خااالص لأن كلهم دلوقتى شباب نصاب بيعمل حوارات ع الفاضى
جلاط الهواء ب 100 جنيه
مشكلة انك تشترى واحد استيراد انك ممكن تشتريه يطلع فيه مشكلة و برضه تصرف عليه طقم اصلاح
الجديد ماعنديش خبر عنه
لو عاوز صنايعى كاربراتير فيه واحد فى الوراق ممتاز و من ايام زمان ايام الزمن الجميل و الضمير
اخر مرة رحت له بالمازدا قاللى مشكلتك مش فى الكاربراتير دى فى طقم الكهربا و فعلا قد كان و ظبطت لما غيرت الطقم يعنى فيه ضمير و لا اشتغالات و لا شغل ع الفاضى
على فكرة البيكات دى كانت فى لادا 2105 موديل 1982 بتاعة zing دلوقتى ماتور 1300 و كانت بتعمل من هنا لاسكندرية 18 لتر او 20 بشوية مشاوير داخلى على سرعة 120كم/ساعة
zing0
لو المشكلة دى بتتكرر عندك انك كل شوية تظبط مسمار الهواء و يرد تانى كده حاجة من اتنين
مسمار الهوا فيه بوش
او خلاط الهوا بايظ و دول امرهم سهل
و جرب تبص على جوان قاعدة الكاربراتير و تتأكد ان الكاربراتير مربوط كويس مش متشبط فى القاعدة بس
ياريت ياجماعه اللى عنده فكره عن واحد كويس بتاع كاربراتير ومايكونش نصاب يقولنا عليه ونروحه الزاى لانى رحت لمركز الصفا قبل كده ،هو كان كويس بس خد 150 جنيه على شوية نضافه بس من غير تغيير اى حاجه وطلع الكاربراتير سليم فى الاخر
الموضوع ده مشكله كبييييييييييييييييييييييي ييييييييييرة لكل الاداويه
عندنا في اسيوط واحد لسمو هشام كاربرتير
متخصص كاربرتيرات الناس بتجيلو من المنيا وسوهاج وقنا
كان عندي الكربرتير كل اسبوع لازم يتظبط لانه كان بيوطي لحد مالعربية بتطفي لوحده
ناس كتير قالتلي بلاش اكس وباب والكاربرتير مش هيرجع زي ماكان بس ماكنش قدامي حل تاني
رحتلو من الصبح لحد الساعه2 + 80 جنيه مصنعية وغيرة بك بنزين 107 عشان توفر شوية بنزين
الحمدلله فضل ونعمه من عند ربنا العربية كويسه معايا وربنا يستر وماتتحسدش (انا اللي بحسدها )
الخلاصه جرب تعمل الكاربرتير نفع خير وبركه مانفعش يبقي تجيب جديد لان الاستيراد مهما كان نضيف عدي عليه عمر ووقته قرب يخلص وانت وحظك يا هيطلع كويس ياوحش
العربيه بتنتش علطول وهى ماشيه خاصه على السرعه (60 وطالع) واحيانا أجى ادورها تغلبنى .. وتدوس بنزين تحس انه مش بيغذى بنزين خالص (احيانا) .. على كلام الميكانيكى.. عاوزه تظبط كربراتير..
لو سمحت الراجل بتاع الوراق دا فين بالظبط - اسمه ايه؟؟؟ وعنوانه؟؟
هيه ايه البكات ديه قبل الاعدادية ولابعد الاعدادية