حادثة على الطريق موقف مستفز

**Abdulrahman M** · 02-04-2014 02:30 AM

فين المرور بس فالحين يعملوا لجان عالفاضي !!!

**mostafa magdy** · 02-04-2014 02:31 AM

المشاركة الأصلية كتبت بواسطة m.abdou

انت كده على الاقل حتعرف تنام بعد ما ضربت الوااد

بس صاحب الكرولا بجد صعباان عليا قوووى وشكله واحد محترم وفى حاله

ما انا قولت لنفسي كده والله .. مع إن دمي كان محروق .. ربنا يعوض علي بتاع الكورولا ده حقيقي قلبي عنده ..

**mostafa magdy** · 02-04-2014 02:43 AM

المشاركة الأصلية كتبت بواسطة J A G U A R

هههههههه هو فى حصان برضو دخل فى حضرتك ..

اه يا فندم .. و لاقينا أخ تالت برده .. دخل فيه حصان مرتين :d
إحنا نعمل قسم في المنتدي .. المتتضررين من العربيات الكارو و الأحصنه ..

**medori** · 03-04-2014 11:13 AM

يا جماعة طب و اية الحل؟!! المفروض نعمل اية مع بنى ادم مواليد برج العجل زى المستفز دة؟!!

انا برضة عربيتى مكنتش كملت 1000 كيلو و ماشى فى امان الله على الدائرى و ميكروباص واقف فى الرمل على اليمين قرر يتحرك فجأة من غير ما يبص فى اى مرايات و طبعا كان على شمالى نقل فرملت جامد و الحمد لله ان العربية معومتش و دخلت تحت التريلا اللى كانت جمبى، خبطلى رفرف و باب و طيرلى المرايا اليمين و بعد كدة بيقولى انت ماشى بسرعة لية و انت اللى غلطان!!! من هنا لهنا معرفتش اعمل معاة اية؟!! هقولة هات 2000 جنية تصليح العربية مثلا!! و الاستاذ اللى الكورولا بتاعتة اتدمرت دة و اسمها بقى راشة دواخل و هتكلفة الافات ياخدهم ازاى من واحد زى دة؟

**S O P H O S** · 03-04-2014 03:43 PM

ربنا يعوضه خير
للاسف عدم ادراك

**see_mido** · 05-08-2015 07:03 PM

المشاركة الأصلية كتبت بواسطة mostafa magdy

اولا الله يعوض عليه لأن حفيقي زعلت له ..
أنا عايز أحكي بس موقف حصل معايا من أسبوعين تقريبا
عربيه رينو فلوينس 2014 لسه مكملتش 6000 كيلو .. الأكياس لسه علي الكراسي مستحرم أشيلها ..
ماشي في شارع البحر الأعظم اللي بعدي و بروح و أجي فيه بقالي سنييين .. لاقيت تجمهر فظيع لعربيات كارووو .. ما أخدتش في بالي و ماشي في أمان الله هديت عشان في زحمه .. سمعت تكسير إزاز و خبطه في عربيتي جامده أوي !!!
ببص للكنبه أشوف فيه أيه .. لاقيت راس حصان .. اه والله !! راس حصان .. و إبن ما علينا بيقولي أيه يا باشا اللي إنت عملته ده .. و شكل أهله شامم لما شبع ..
بقوله تعالي بس كلمني أقف كلمني و هو بيهرب .. وقفته .. و طلعت له طبنجه .. و هو يقولي يا باشا ما الحصان أتعور .. إنت اللي غلطان مش أنا ..
عايز بس أقولكم إن الموضوع طلع إنه ده سباق لعربيات الكارو علي الطريق السريع !!!!
كل واحد بيدفع 50 جنيه مثلا و العربيه الكارو الكسبانه بياخد الفلوس كلها هههههههههه
فهمته إني ظابط و شبعته ضرب و قتحت دماع أهله و مشيت .. علي الأقل ريحت ضميري و أخدت حقي ضرب .. و هو كلفني أد كده .. و الحمد لله إن الحصان " مشكورا " خبط البربريز بس .. و مجاش جنب الصاج ..
حرام بجد نقول إننا عايشين في بلد .. والله ما فيها أي معني من معاني البلد ربنا يتوب علي كل واحد محترم نفسه يعيش في مكان محترم !!!

شر البلية مايضحك فعلا انت ضحكتني لدرجة ان العيلة اتلمت جايين يشوفوا فيه ايه

**marsguy** · 05-08-2015 11:27 PM

المشكله مش إنك تعمل حادثه ولا إن حد شارب حاجه يخبطك

المشكله إن مهما كان اللي قدامك غلطان غالباً مش هاتعرف تاخد منه حاجه إلا برضاه

وده عشان مافيش شرطه تنفذ قوانين و عشان ما فيش تأمين إجباري زي كل البلاد المحترمه