حادثة على الطريق موقف مستفز
السلام عليكم
انهاردة شوفت حادثة عند ميدان جهينة استفزتنى جدا المهم كنت واقف فى الاشارة الى قبل الميدان و الاشارة لسة قافل احمر جاة اتوبيس ماشى بسرعة جدا هووووب طراااااااااااااخ بدوت اى سبب لبس فى العربية الى جنبى على طووول كانت كورلا العربية من قوة الخبطة انترت فى نص الشارع و لبست فى الميدان المهم الباشا سواق الاتوبيس مركب اكصدام حديد معرفش عملو عند الحداد ولا اية ايا كان الاكصدام حتى متناش فا المهم نزل سواق الكورلا منهار من الموقف صراحة حقو عربيتو اتمدرت عندو تلفيات الشنطة اتعجنت واللة بمعنى اتعجنت هية و الاكصدام و من شدة الخبطة وصلت للبربريز الخلفى اتكسر و من قدام الاكصدام اتكسر سواق الكورلا نزل يكلم بتاع الاتوبيس فبتاع الاتوبيس بيقولو معلش يا بية الفرامل هربت و ملقتش فرامل بمنتهى البرود كدا ولا كان فى حاجة حصلت انا لو مكان بتاع الكورلا واللة كنت ولعت فية استفزتنى طرقتو جدا وبعد مقلو الكلمتين دول سابو و مشى عادى ولا كان حاجة حصلت اصلا و المستفز اكتر امين شرطة ديما واقف هناك كان واقف يتفرج من بعيد لبعيد و الراجل الغلبان قاعد يتحصر على عربيتو بجد واللة اللة يكون فى عونة و عنا كلنا من السواقين الزبالة و البلد المتهالكة الى احنا عيشين فيها وانا كنت قاعد احمد ربنا و اشكرة ان لو الاتوبيس دا دخل شمال شوية كان لبس فية انا بس الحمد للة يارب بتسترها معاية و يارب متحطش حد فى موقف زى دا ابدا وربنا يستر طريقكم ياااارب
