الموضوع: حادثة على الطريق موقف مستفز

المشاركة الأصلية كتبت بواسطة kokowasfy

السلام عليكم
انهاردة شوفت حادثة عند ميدان جهينة استفزتنى جدا المهم كنت واقف فى الاشارة الى قبل الميدان و الاشارة لسة قافل احمر جاة اتوبيس ماشى بسرعة جدا هووووب طراااااااااااااخ بدوت اى سبب لبس فى العربية الى جنبى على طووول كانت كورلا العربية من قوة الخبطة انترت فى نص الشارع و لبست فى الميدان المهم الباشا سواق الاتوبيس مركب اكصدام حديد معرفش عملو عند الحداد ولا اية ايا كان الاكصدام حتى متناش فا المهم نزل سواق الكورلا منهار من الموقف صراحة حقو عربيتو اتمدرت عندو تلفيات الشنطة اتعجنت والله بمعنى اتعجنت هية و الاكصدام و من شدة الخبطة وصلت للبربريز الخلفى اتكسر و من قدام الاكصدام اتكسر سواق الكورلا نزل يكلم بتاع الاتوبيس فبتاع الاتوبيس بيقولو معلش يا بية الفرامل هربت و ملقتش فرامل بمنتهى البرود كدا ولا كان فى حاجة حصلت انا لو مكان بتاع الكورلا والله كنت ولعت فية استفزتنى طرقتو جدا وبعد مقلو الكلمتين دول سابو و مشى عادى ولا كان حاجة حصلت اصلا و المستفز اكتر امين شرطة ديما واقف هناك كان واقف يتفرج من بعيد لبعيد و الراجل الغلبان قاعد يتحصر على عربيتو بجد والله الله يكون فى عونة و عنا كلنا من السواقين الزبالة و البلد المتهالكة الى احنا عيشين فيها وانا كنت قاعد احمد ربنا و اشكرة ان لو الاتوبيس دا دخل شمال شوية كان لبس فية انا بس الحمد لله يارب بتسترها معاية و يارب متحطش حد فى موقف زى دا ابدا وربنا يستر طريقكم ياااارب

صاحب العربية شكلة محترم
المفروض سواق الاتوبيس ده كان يتفتح كرشه علشان الخبطة
ويتسحل على الارض علشان رده
ويتاخد منه مفتاح الاتوبيس لغاية متيجى الشرطة
وطبعا الشرطة قدامها سنه بعدال متيجى ده اذا جت اصلا
فالاحسن ناخدها من قاصرها ويتولع فى الاتوبيس